Чарлз Шылер

Чарлз Шылер
англ.: Charles Sheeler
Дата нараджэння	16 ліпеня 1883(1883-07-16)[1][2][…]
Месца нараджэння	Філадэльфія, акруга Філадэльфія, Пенсільванія, ЗША[3][4]
Дата смерці	7 мая 1965(1965-05-07)[5][1][…] (81 год)
Месца смерці	Dobbs Ferry[d], акруга Уэстчэстэр, штат Нью-Ёрк, ЗША[3][4]
Месца пахавання	Sleepy Hollow Cemetery[d]
Грамадзянства	ЗША[6]
Жонка	Musya Sheeler[d][7]
Род дзейнасці	мастак, фатограф, рысавальнік, скульптар, кінарэжысёр, архітэктурны чарцёжнік
Жанр	фігуратывізм[d][8]
Вучоба	The University of the Arts[d] Пенсільванская акадэмія прыгожых мастацтваў[d]
Мастацкі кірунак	прэцызіянізм[d][8]
Уплыў	Томас Аншуц[d]
Член у	Амерыканская акадэмія мастацтваў і літаратуры[d]
Медыяфайлы на Вікісховішчы

Чарлз Шылер (англ.: Charles Sheeler; 16 ліпеня 1883, Філадэльфія, штат Пенсільванія — 7 мая 1965, Добс-Феры, штат Нью-Ёрк) — амерыканскі мастак-рэаліст, адзін з найбуйнейшых прадстаўнікоў прэцызіянізму і амерыканскай мастацкай фатаграфіі XX стагоддзя.

Ч. Шылер нарадзіўся ў сям’і менеджара параходнай кампаніі. У 1903—1906 гадах вучыўся ў Пенсільванскай Акадэміі прыгожых мастацтваў, пасля чаго працаваў прафесійным фатографам. У 1908 годзе наведаў Парыж, дзе пазнаёміўся з кубізмам і творчасцю П. Пікасо і Ж. Брака. У 1910—1918 гадах арандаваў, сумесна з сябрам-мастаком, ферму ў Пенсільваніі; у гэты перыяд шмат займаўся фатаграфіяй.

Упершыню мастак прэзентаваў свае шэсць карцін у 1913 годзе на Арсенальнай выставе ў Нью-Ёрку. Яго зварот да фатаграфіі, у першую чаргу архітэктурнай фатаграфіі, быў выкліканы сур’ёзнымі матэрыяльнымі праблемамі. Першы буйны поспех прыйшоў да Шылера ў 1927 годзе, пасля выканання замовы кампаніі «Форд» па фатаграфіі яго завода ў горадзе Рывер-Руж (штат Мічыган) — гэтая фотапраца вядомая пад назвай The Plant і адлюстроўвае тую класічную прыгажосць сучаснай вытворчасці, прыгажосць стагоддзя машын і механізмаў. Наступным этапам яго мастацкай кар’еры сталі карціны American Landscape (1930), Classic Landscape (1931) і, у асаблівасці, City Interior (1935), якая таксама дэманструе індустрыяльны пейзаж. Для многіх яго мастацкіх работ асновай паслужылі зробленыя мастаком раней фотаздымкі.

Чарлз Шылер памёр 7 мая 1965 года ў Добс-Феры (штат Нью-Ёрк). Пахаваны на могілках Сонная Лагчына, Нью-Ёрк.