Шашолы

Мястэчка Шашолы літ.: Šešuoliai Герб Касцёл Святога Іосіфа Краіна  Літва Павет Віленскі Раён Вількамірскі Сянюнія Шашолская Каардынаты 55°10′41″ пн. ш. 24°58′19″ у. д.HGЯO Насельніцтва 138 чал. (2011) Часавы пояс UTC+2, летам UTC+3 Шашолы на карце Літвы

Медыяфайлы на Вікісховішчы

Шашолы^[1], таксама Шашуо́лей^[2] (літ.: Šešuoliai) — мястэчка ў Вількамірскім раёне Віленскага павета Літвы. Цэнтр сянюніі. Месціцца за 16 км на паўднёвы ўсход ад Вількаміра.

Першы пісьмовы ўпамін пра Шашолы датуецца 1334 годам. У 1385 годзе яны ўвайшлі ў склад Віленскага павета Віленскага ваяводства. Старабеларускай мовай: Шешолы^[3]. Паводле Хронікі Лівоніі Германа Вартберга, у 1375 годзе лівонскі магістр Вільгельм з Урымерсгайма ўчыніў напад на некалькі паселішчаў ВКЛ, у тым ліку Шашолы^[4].

У 1567 годзе Шашолы сталі мястэчкам, тут збудавалі касцёл.

У выніку трэцяга падзелу Рэчы Паспалітай у 1795 годзе Шашолы апынуліся ў складзе Расійскай імперыі, у Віленскім павеце Віленскай губерні.

Каля 1890 года ў Шашолах было 22 будынкі.

За часамі Першай сусветнай вайны ў 1915 годзе Шашолы занялі войскі Германскай імперыі.

Па польска-літоўскіх баях і падпісанні пагаднення паміж Польшчай і Літвой у 1919 годзе Шашолы апынуліся ў складзе Літвы. З 1940 года ў Літоўскай ССР. У часы Другой сусветнай вайны з чэрвеня 1941 да 1944 года мястэчка было пад акупацыяй Германіі.

З 1990 года ў складзе адноўленай незалежнай Літвы.

• XIX стагоддзе: ~1890 год — 169 чал., з іх 140 каталікоў і 29 іўдзеяў^[5]
• XXI стагоддзе: 2011 год — 138 чал.

• Касцёл Святога Іосіфа Рамесніка (1751)
• Сядзіба (XIX—XX стагоддзі)

• Krzywicki J. Szeszole // Słownik geograficzny Królestwa Polskiego i innych krajów słowiańskich. Tom XI: Sochaczew — Szlubowska Wola (польск.). — Warszawa, 1890. — S. 909.

• На Вікісховішчы ёсць медыяфайлы па тэме Шашолы
• Шашолы на сайце Radzima.org