Элем Германавіч Клімаў

Элем Клімаў
Элем Клімаў
Імя пры нараджэнні	Элем Германавіч Клімаў
Дата нараджэння	9 ліпеня 1933
Месца нараджэння	Сталінград, Ніжне-Волжскі край, РСФСР, СССР;
Дата смерці	26 кастрычніка 2003 (70 гадоў)
Месца смерці	Масква, Расія;
Месца пахавання	Траякураўскія могілкі;
Грамадзянства	СССР ; Расія
Жонка	Ларыса Шапіцька[d]
Адукацыя	Усерасійскі дзяржаўны ўніверсітэт кінематаграфіі імя С. А. Герасімава; Маскоўскі авіяцыйны інстытут;
Прафесія	кінарэжысёр, сцэнарыст, рэжысёр
Кар’ера	1959 — 1989
Узнагароды	Народны артыст Расійскай Федэрацыі
IMDb	0459552

Элем Германавіч Клімаў (руск.: Эле́м Ге́рманович Кли́мов; 9 ліпеня 1933, Сталінград, РСФСР, СССР — 26 кастрычніка 2003, Масква, Расійская Федэрацыя) — савецкі кінарэжысёр, сцэнарыст. Народны артыст Расійскай Федэрацыі (1997). У 1986—1988 гадах — старшыня СК СССР. Член КПСС з 1962 года.

Біяграфія

Нарадзіўся 9 ліпеня 1933 года ў Сталінградзе (цяпер Валгаград). Пасля заканчэння ў 1957 годзе Маскоўскага авіяцыйнага інстытута працаваў інжынерам-канструктарам на адным з маскоўскіх заводаў, а таксама супрацоўнічаў у Маладзёжнай рэдакцыі Усесаюзнага радыё і Цэнтральнага тэлебачання і ў Маскоўскай філармоніі.

У 1964 годзе скончыў рэжысёрскі факультэт УДІКа (майстэрня Е. Л. Дзігана) і пачаў працаваць на кінастудыі «Масфільм».

Першым поўнаметражным фільмам Клімава была камедыя «Сардэчна запрашаем, ці Староннім уваход забаронены» (1964), якая мела вялікі поспех у краіне. Аднак наступны фільм рэжысёра «Прыгоды зубнога ўрача» (1965) выйшаў у 1967 г. у абмежаваным пракаце (78 копій) і быў «пакладзены на паліцу». Паўторны выпуск адбыўся толькі ў 1987 годзе. Пазней Клімаў казаў, што і сам не быў задаволены гэтым фільмам.

Таксама Клімаў завяршыў (разам з Г. Лаўровым і М. Хуцыевым) няскончаны фільм М. Рома «І ўсё-такі я веру».

У 1965 годзе ажаніўся з Ларысай Шапіцька.

У канцы 1980-х гадоў меў намер экранізаваць раман М.Булгакава «Майстар і Маргарыта», для якога сумесна з братам Германам напісаў сцэнарый — аднак гэтая задума так і засталася нерэалізаваная.

Памёр 26 кастрычніка 2003 года ад інсульту. Пахаваны ў Маскве на Траекураўскіх могілках.

Узнагароды

Залаты медаль, Прэмія за рэжысуру, Дыплом СК СССР на ВКФ спартыўных фільмаў (за фільм «Спорт, спорт, спорт», 1970).
Заслужаны дзеяч мастацтваў РСФСР (1976)
Народны артыст Расійскай Федэрацыі (1997)
Прыз FIPRESCI МКФ у Венецыі (за фільм «Агонія», 1982).
Залаты прыз МКФ у Маскве (за фільм «Ідзі і глядзі», 1985).
Лаўрэат ВКФ у намінацыі «Галоўны спецыяльны прыз кінафестывалю» (1986).
Ганаровы член Брытанскага кінаінстытут (з 1987 года).