Эліят Голдэнталь

Эліят Голдэнталь
Эліят Голдэнталь
	англ.: Elliot Goldenthal
Асноўная інфармацыя
Дата нараджэння	2 мая 1954 (71 год)
Месца нараджэння	Бруклін, Нью-Ёрк, штат Нью-Ёрк, ЗША;
Краіна	ЗША;
Альма-матар	Andries Hudde Junior High School[d]; John Dewey High School[d]; Manhattan School of Music[d];
Музычная дзейнасць
Прафесіі	кампазітар, паэт-песеннік, аўтар песень, кінакампазітар
Жанры	опера
Узнагароды	Прэмія «Залаты глобус» за найлепшую музыку да фільма[d] (2002) Richard Rodgers Awards for Musical Theatre[d]
elliotgoldenthal.com
	Медыяфайлы на Вікісховішчы

Эліят Голдэнталь (англ.: Elliot Goldenthal; нар. 2 мая 1954, Нью-Ёрк) — амерыканскі кампазітар сучаснай класічнай музыкі^[en], аўтар музыкі да тэатральных пастановак і кіно. Лаўрэат прэміі «Оскар» за музыку да фільма «Фрыда^[en]».

Біяграфія

Эліят Голдэнталь нарадзіўся 2 мая 1954 года ў Брукліне, Нью-Ёрк, ЗША. Скончыў Бруклінскую сярэднюю школу, яшчэ ў 14-гадовым узросце напісаў свой першы балет. Адначасова са стварэннем складанай музыкі ўдзельнічаў у музычных сэйшнах рок і джаз гуртоў Нью-Ёрка. Скончыў у 1979 годзе Манхэтэнскую вышэйшую школу музыкі, дзе вучыўся ў Аарона Копленда і Джона Карыльяна^[en].

Працуе ў галіне кампазіцыі, складае балеты, оперы, араторыі, м’юзіклы, кіруе аркестрамі, прадзюсуе тэатральныя і музычныя пастаноўкі. Эліят Голдэнталь — музычны эксперыментатар і стыліст. Менавіта гэтыя якасці прыцягнулі да яго кінематаграфістаў. У 1979 годзе ён напісаў свой першы саўндтрэк — музыку да фільма «Какаінавы каўбой^[en]» (реж. Улі Ломель^[en]). Затым была праца з Гас Ван Сентам у фільме «Аптэчны каўбой^[en]» (1989). Эліят Голдэнталь неаднаразова працаваў з кінарэжысёрамі Нілам Джорданам^[en] і Джоэлам Шумахерам^[en].