Юрый Вітальевіч Луцэнка

Юрый Вітальевіч Луцэнка
Юрый Вітальевіч Луцэнка
	Юрій Віталійович Луценко
	18 снежня 2007 — 29 студзеня 2010 ; (в.а. у перыяд 12 — 27 мая 2009; і з 28 студзеня 2010)
Папярэднік	Васіль Пятровіч Цушко
Пераемнік	Міхаіл Міхайлавіч Клюеў (в.а.)
	4 лютага 2005 — 1 снежня 2006
Папярэднік	Мікалай Васільевіч Білаконь
Пераемнік	Васіль Пятровіч Цушко
Нараджэнне	14 снежня 1964 (60 гадоў); Роўна, Ровенская вобласць, УССР, СССР;
Бацька	Віталь Іванавіч Луцэнка (1937—1999)
Маці	Жук Вера Міхайлаўна (1936)
Жонка	Ірына Сцяпанаўна Луцэнка (1966)
Дзеці	Аляксандр (1989) і Віталь (1999)
Партыя	Третя Українська Республіка (укр.) (бел.
Член у	Вярхоўная Рада Украіны VIII склікання[d]; Вярхоўная Рада Украіны VI склікання[d]; Вярхоўная Рада Украіны IV склікання[d];
Адукацыя	Львоўская палітэхніка;
Род войскаў	Узброеныя сілы Украіны
Званне	State Counselor of Justice of Ukraine[d] і капітан
Бітвы	уварванне Расіі ва Украіну (2022);
	Ордэн Князя Яраслава Мудрага V ступені
	Медыяфайлы на Вікісховішчы

Ю́рый Віта́льевіч Луцэ́нка (укр.: Юрій Віталійович Луценко, нар. 14 снежня 1964 года) — украінскі палітычны і дзяржаўны дзеяч. З лютага 2005 па снежань 2006 — міністр унутраных спраў Украіны (ва ўрадах Юліі Цімашэнка, Юрыя Еханурава ды Віктара Януковіча). З 19 снежня 2007 па 29 студзеня 2010 года — Міністр унутраных спраў у другім урадзе Юліі Цімашэнка.

26 снежня 2010 года арыштаваны Генеральнай пракуратурай Украіны па абвінавачанні ў растраце дзяржаўных сродкаў у асабліва буйных памерах ^[3].

Палітычная дзейнасць

Хуткі ўзлёт у палітыцы маладога інжынера (1989—1994 — майстар участка, начальнік тэхбюро цэха, галоўны канструктар ровенскага завода «Газатрон») непасрэдна звязаны з палітычнай дзейнасцю яго бацькі — Віталя Іванавіча Луцэнкі, які, займаючы розныя кіруючыя пасады, неаднаразова абіраўся дэпутатам Ровенскага гарадскога і абласнога саветаў, з лістапада 1990 па верасень 1991 года быў першым сакратаром Ровенскага абласнога камітэта Камуністычнай партыі Украіны, у 1993 годзе, пасля аднаўлення дзейнасці КПУ, зноў узначаліў абкам і стаў членам ЦК КПУ. У сакавіку 1994 года бацька Юрыя Луцэнка быў абраны народным дэпутатам Украіны. Вось з гэтага моманту і пачаўся актыўны рост палітычнай кар’еры сына.

У 1991 годзе Юрый Луцэнка ўступіў у Сацыялістычную партыю Украіны.

З 1994 года — намеснік кіраўніка Ровенскай абласнога савета, з 1996 года — начальнік камітэта эканомікі Ровенскай абласной адміністрацыі.

Луцэнка быў намеснікам Міністра навукі і тэхналогій Украіны, памочнікам Прэм’ер-міністра Украіны, сакратаром палітсавета Сацыялістычнай партыі Украіны, памочнікам-кансультантам лідара СПУ Аляксандра Мароза.

Лічыцца, што Луцэнка ўзначальваў «правае крыло» Сацпартыі, выступаючы за супрацоўніцтва з некамуністычнай апазіцыяй Кучмы, у процівагу Ёсіфу Вінскаму, які выступаў за падтрымку Камуністычнай партыі Украіны.

Са снежня 2000 года Луцэнка — адзін з лідараў украінскай апазіцыі.

У 2002 годзе быў абраны ў Вярхоўную Раду Украіны.

Адзін з арганізатараў вулічных акцый пратэсту падчас правядзення акцый «Украіна без Кучмы» пасля «касетнага скандалу» ў 2000, 2002 і «Аранжавай рэвалюцыі» 2004 года.