Юрый Паўлавіч Герасіменка-Жызнеўскі

Юрый Герасіменка-Жызнеўскі
Юрый Герасіменка-Жызнеўскі
Дата нараджэння	9 лістапада 1948
Месца нараджэння	Даўгінава, Крывіцкі раён, Маладзечанская вобласць, БССР, СССР;
Дата смерці	15 лютага 1997 (48 гадоў)
Месца смерці	Маладзечна, Маладзечанскі раён, Мінская вобласць, Беларусь;
Месца пахавання	Даўгінава;
Грамадзянства	СССР, Беларусь
Род дзейнасці	мастак
Месца працы	Маладзечанскі дзяржаўны музычны каледж імя М. К. Агінскага;
Жанр	мастак, графіка
Вучоба	Беларускі дзяржаўны тэатральна-мастацкі інстытут (1977);
Уплыў	Васіль Пятровіч Шаранговіч

Юрый (Юрась) Паўлавіч Герасіменка-Жызнеўскі (9 лістапада 1948, мястэчка Даўгінава, Вілейскі раён — люты 15 лютага 1997) — беларускі графік. Працаваў у кніжнай, станковай і абстрактнай графіцы, у жанры партрэта. Член Беларускага саюза мастакоў з 1981 года^[1].

Біяграфія

Бацька Павел Герасіменка быў мастаком-самавучкам. Сям'я пераязджае жыць у Маладзечна. Потым мастак паступае ў Беларускі дзяржаўны тэатральна-мастацкі інстытут. Вучыцца на графічным аддзяленні Шаранговіча^[2].

У 1972 годзе Юрый Герасіменка выконвае «Партрэт Я. Коласа», які прызнаны лепшым партрэтам паэта. У 1977 годзе Ю. Герасіменка абараняе дыплом мастака-графіка. Мастак ілюструе кнігі Быкава, Зуёнка. За ілюстраванне кнігі апошняга ў 1980 годзе ўзнагароджаны дыпломам 1 ступені Рэспубліканскага конкурсу кнігі^[2].

У 1982 годзе за ілюстрацыі да кнігі Коласа ўзнагароджаны дыпломам Ф. Скарыны і дыпломам 2 ступені на Усесаюзным конкурсе кнігі^[2].

Аўтар першага герба Маладзечна (1988, Папараць-кветка)^[3].

Ад 1995 года выкладаў у Маладзечанскім музычным вучылішчы імя М.К.Агінскага. Быў ініцыятарам стварэння ў музвучэльні аддзялення дэкаратыўна-прыкладнога мастацтва. Памёр у 1997 годзе. Пахаваны ў Даўгінаве^[2].

Дыпламант рэспубліканскіх і ўсесаюзных конкурсаў кнігі.

Са спадчыны мастака

Працы Юрася Герасіменкі знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску, іншых музеях краіны, у прыватных калекцыях ЗША, Францыі, Германіі, Польшчы^[2].

Ілюстрацыі да кніг

«Маўчанне травы», Васіль Зуёнак, (1980)
«Выбранае», Якуб Колас, (1981)
«Казкі і краскі», Васіль Вітка, (1983)
«Знак Бяды», Васіль Быкаў (1984)
«Беларускі каляндар» на 1992 г.

Партрэты

Якуба Коласа, (1972)
Аўтапартрэт, (1978)
«Ніна», (1979)
«Марыся», (1980)

Станковыя работы

«Поры года», серыя, паводле паэмы Якуба Коласа «Новая зямля» (1977)
«Мае сябры», серыя, (1979)
«Здані», серыя, (1980)
«Кампазіцыя», (1991)

Зноскі

↑ Памяць. Вілейскі раён. // Герасіменка-Жызнеўскі Юрый Паўлавіч. — Мн.: БелТА., 2003. — С. 579. — 704 с. — (Гісторыка-дакументальныя хронікі гарадоў і раёнаў Беларусі.). — 3 000 экз. — ISBN 985-6302-56-0.
↑ ^а ^б ^в ^г ^д [1] Архівавана 5 сакавіка 2016.. Герасіменка-Жызнеўскі Юрый // «Рэгіянальная газета»
↑ [2] Архівавана 11 красавіка 2013.. З гісторыі герба Маладзечна // «Рэгіянальная газета»