Ягор Ягоравіч Батальёнак

Ягор Ягоравіч Батальёнак
На адкрыцці юбілейнай выставы Леаніда Шчамялёва ў Галерэі Савіцкага, Мінск, 28 снежня 2013
Дата нараджэння	19 верасня 1946(1946-09-19) (78 гадоў)
Месца нараджэння	Вялікія Труханавічы, Лазукоўскі сельсавет, Чашніцкі раён, Віцебская вобласць, Беларуская ССР, СССР
Грамадзянства	Беларусь
Род дзейнасці	мастак
Месца працы	Гімназія-каледж мастацтваў імя І. В. Ахрэмчыка
Жанр	пейзаж
Вучоба	мастацка-графічны факультэт ВДУ (1968)
Мастацкі кірунак	рэалізм
Уплыў	Фелікс Фёдаравіч Гумен і Іван Міхайлавіч Сталяроў
Член у	Беларускі саюз мастакоў
Медыяфайлы на Вікісховішчы

Ягор Ягоравіч Батальёнак (нар. 19 верасня 1946, вёска Вялікія Труханавічы, Чашніцкі раён, Віцебская вобласць) — беларускі мастак.

Нарадзіўся 19 верасня 1946 года ў вёсцы Вялікія Труханавічы Віцебскай вобласці^[1]. Вучыўся ў Грынькоўскай сярэдняй школе. Скончыў у 1968 годзе мастацка-графічны факультэт Віцебскага педагагічнага інстытута. Вучыўся ў Ф. Гумена, І. Сталярова^[1]. Працаваў у Бягомльскай школе-інтэрнаце, у Рэспубліканскай школе-інтэрнаце па музыцы і выяўленчым мастацтве.

Удзельнік мастацкіх выставак з 1974 года^[1].

Член Беларускага саюза мастакоў з 1981 года. Жыве ў г. Мінску^[1].

Працуе пераважна ў жанры пейзажа. Асноўныя творы: палотны «Повязь», «Цвіце сад», «Лета на Віцебшчыне», «Ажыны», «Дзяцінства светлы дзень» (1981), «Дзе сон-трава» (1986), «Бабіна лета», «Напрадвесні», «Прыйшоў Ілья», нізка пастэляў «Родны край». Творы знаходзяцца ў Нацыянальным мастацкім музеі Беларусі, фондах БСМ, Музеі сучаснага выяўленчага мастацтва ў Мінску, мастацкім цэнтры «Жыльбел», фондах Міністэрства культуры Расіі^[1].

Прымаў удзел у шматлікіх выставах у Мінску, Маскве, Санкт-Пецярбургу, Кіеве, Іспаніі, Галандыі, Арабскіх Эміратах, Італіі, Польшчы, Германіі.

• Батальёнак Ягор Ягоравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

• Батальёнак Ягор // Беларуская энцыклапедыя : у 18 т. / рэдкал. Г. П. Пашкоў [і інш.]. — Мн., 1996. — Т. 2. — С. 344.
• Батальёнак Ягор // Энцыклапедыя літаратуры і мастацтва : у 5 т. / рэдкал. І. П. Шамякін. — Мн., 1984. — Т. 1. — С. 313.