មហោទរាទេវី

មហោទរាទេវី
មហោទរាទេវី ជាបុត្រីទី៧ របស់កុបិលមហាព្រហ្ម Mohoatora Devi one of seven duagter of Brahma Lokeshvara
ព្រះនាម	មហោទរាទេវី
ព្រះបិតា	មហាព្រហ្ម
ព្រះមាតា	ព្រះម៉ែមន្ទ្រា
ព្រះស្វាមី	ព្រះសានី
ឋានលំនៅ	ចតុមហារាជការ (Chaturmahārājikā)
អម្ពរពស្ត្រា	ពណ៌ព្រីងទុំ
ចនព្រះកាណ៌	លម្អ ផ្កាត្រកៀត (ផ្កាកំប្លោក)
អាភរណៈ	កែវនីលរ័តន៍ (ត្បូងកណ្ដៀង)
ភក្សាហារ	សាច់ទ្រាយ (ពពួកសត្វជើងបួន)
សាស្ត្រាវុធក្នុងព្រះហត្ថ	ព្រះហត្ថឆ្វេង (លំពែងមុខបី) ព្រះហត្ថស្ដាំ (កងចក្រ)
យាន្តជំនិះ	សត្វក្ងោក
ទេវតាសង្ក្រាន្ត	ថ្ងៃសៅរ៍
ទេពនិករ តំណាង	មណ្ឌល ភពសៅរ៍
កិរិយាចេញច្បាំង	គ្រោះអន្តរាយអំពីភ្លើង, មានវិបត្តិប្រាក់កាក់ និង កើតមានចោរកម្មច្រើន

មហោទរាទេវី (អង់គ្លេស: Mohoatora Devi) ជាបុត្រីមួយអង្គក្នុងចំណោម បុត្រីទាំង ៧អង្គ របស់អទិទេព មហាព្រហ្ម (Maha Brahma) ដែលជាអវតារ ព្រហ្មលោកកេរស្វរៈ (Brahma Lokesvara) នៃ ពុទ្ធសាសនា មហាយាន (Buddha Mahayana), ព្រះមាតា របស់នាងមាននាមថា ព្រះម៉ែមន្ទ្រា ជាអវតារ នៃ អវលោកកេតិស្វរៈ (Avalokitesvara) អទិទេពស្រីដែលមានដៃ ១០០០ (១ពាន់) ដែលអាចបែងភាគបានចំនួន ១០៨ អវតារ ដោយនាងជាអទិទេព មិនបង្ករកំណើតកូនដោយការរួមសង្វាសនោះទេ ទើបព្រះមហាព្រហ្ម ផ្ដល់នូវដួងគ្រាប់អង្កាំចំនួន ៧គ្រាប់ ដើម្បីឱ្យនាងអាចបង្ករកំណើតដោយឯងៗបាន នាងបានប្រសូត្របុត្រីទាំង ៧អង្គ ក្រោមដើមរាសីសួគ៌ាដ៏ពិសិដ្ឋមួយ ការផ្ដល់កំណើតដល់បុត្រីទាំង៧ បានតំណាងឱ្យថ្ងៃទាំង៧ នាជម្ពូទ្វីបយើងនេះ ក្នុងលទ្ធិពុទ្ធសាសនា មហាយាន ។^[១]

Mohoatora Devi of Devata Sangkran

ទំនាក់ទំនង រវាងហិណ្ឌូសាសនា និង ពុទ្ធសាសនា មហាយាន បានចាក់ឬសគល់នៅក្នុងប្រទេសកម្ពុជាយ៉ាងរឹងមាំ ចាប់តាំងពីស.វទី១០ មកម៉្លេះ ដោយជំនឿនៃបរិបទសាសនាទាំងពីរ ត្រូវបានផ្គួបបញ្ចូលគ្នា តាមរយៈរឿងព្រេងទេវៈកថាជាច្រើន ដែលជាស្នាដៃនិពន្ធរបស់អ្នកប្រាជ្ញជនជាតិខ្មែរ ក្នុងការច្នៃ រឿងព្រេងទេវៈកថារបស់សាសនាហិណ្ឌូ ឱ្យទៅជារឿងព្រេងដែលមានចរឹតលក្ខណៈ ខុសប្លែកពីប្រទេសឥណ្ឌា ដើម្បីបង្កើតបាននូវរចនាបថដែលជារបស់ខ្លួនតាមរយៈការប្រែសម្រួល (Versions Edition) បើទោះជាប្រទេសកម្ពុជាទទួលឥទ្ធិពល សាសនា វប្បធម៌ពីប្រទេសឥណ្ឌាយ៉ាងណាក្ដី ក៏ផ្នត់គំនិតនៃបុព្វបុរសខ្មែរ បានធ្វើការប្រែសម្រួលកែច្នៃលម្អនូវសិល្បៈរបស់ខ្លួនឱ្យមានភាពខុសប្លែកដាច់ដោយឡែកពី ប្រទេសឥណ្ឌា ផងដែរ ។ តាមរយៈរឿងទេវៈកថា អំពីចូលឆ្នាំខ្មែរ យើងតែងសង្កេតឃើញថា ដំណើររឿង ធម្មបាលកុមារ ដែលជា អវតារ ព្រះពោធិសត្វ (Bodhisattva) នៃពុទ្ធសាសនាមហាយាន បានភ្នាល់គ្នាអំពីសិរី ទាំងបីប្រការ របស់មនុស្ស ជាមួយនិង មហាព្រហ្ម ដែលជាអទិទេព នៃហិណ្ឌូសាសនា ដែលជាអវតាររបស់ ព្រះព្រហ្ម ដែលភ្នាល់ចាញ់ នូវប្រស្នាទាំងបីប្រការនោះ ហើយព្រះសិរសា របស់ព្រះកុបិលមហាព្រហ្ម ត្រូវបានបុត្រីខ្លួន ទាំង៧អង្គ ផ្លាសវេនគ្នា មកដង្ហែរព្រះសិរសា ដែលជាក្បាលឪពុករបស់ខ្លួនជារៀងរាល់ឆ្នាំ ដែលត្រូវជាថ្ងៃសង្កាន្ត នៃពិធីបុណ្យ ចូលឆ្នាំខ្មែរ ។ អ្នកនិពន្ធកម្ពុជា បានបំប្លែងឱ្យយើងយល់បានថា ព្រះមហាព្រហ្ម ដែលជាហិណ្ឌូសាសនា បានភ្នាល់ចាញ់ ធម្មបាលកុមារ នៃ ព្រះពុទ្ធសាសនា និង បានបែងភាគទៅជាព្រះ ឈ្មោះ លោកកេរស្វរៈ នៃពុទ្ធសាសនាមហាយាន ដែលមានតឹកតាងជា ប្រាសាទបាយ័ន មកដល់សព្វថ្ងៃនេះ ។ មិនថា ហិណ្ឌូសាសនា មិនថា ពុទ្ធសាសនា មហាយាន សុទ្ធតែមានជំនឿគោរពទៅលើព្រះ និង ពួកទេវតា ដែលមានចំនួន ៣៣ពួក ដូចនេះហើយ ទើបហិណ្ឌូសាសនា និង ពុទ្ធសាសនា មហាយាន មានទំនាក់ទំនងនិងគ្នា យូរលង់ណាស់មកហើយ ដោយពាក្យនៃ ទេវតាសង្ក្រាន្ត មានន័យថា ទេវតានៃឆ្នាំថ្មី ដែលត្រូវបានពលរដ្ឋកម្ពុជា រៀបចំគ្រឿងដង្វាយ គោរពបូជាបួងសួងមកដល់ពេលបច្ចុប្បន្ននេះ ។ ដោយការយាងមកដល់ជម្ពូទ្វីបមនុស្សលោករបស់ទេវតា នៃហិណ្ឌូសាសនា និង ទេវតា នៃពុទ្ធសាសនាមហាយាន ទើបកម្ពុជាហៅថៃ្ងនៃការមកដល់នេះថា មហាសង្ក្រាន្ត (Maha Sangkran) ដែលមាននៃថា ឆ្នាំថ្មីដ៏ប្រសើរ (The Great New Year) ដែលធ្វើការហៅសម្គាល់មកដល់ពេលបច្ចុប្បន្ននេះ ។^[២]

Physical of Devata Sangkran

ទេវតាសង្ក្រាន្ត ជាតួអង្គរូបធាតុមួយ តំណាងឱ្យ រាង្គកាយជាធម្មជាតិ ដែលផ្សារភ្ជាប់ទៅនិង វិជ្ជាហោរាសាស្ត្ររបស់កម្ពុជា គ្រប់តួអង្គអទិទេពទេវៈ របស់កម្ពុជា សុទ្ធតែបង្កើតឡើងតាមច្បាប់ធម្មជាតិ មិនមែនជាការនិពន្ធឱ្យតែបានៗ និងមិនមែនជាការបង្កើតតួអង្គ ដោយមិនមានអត្ថន័យពេញលេញនោះទេ ។ តួអង្គទេវតាសង្ក្រាន្ត គ្រងពណ៌សំលៀកបំពាក់ ទៅតាមចរឹតលក្ខណៈ នៃរូបធាតុ ដែលជារាង្គកាយធម្មជាតិ ដែលកើតមាននៅក្នុងចក្រវាឡ របស់យើងនេះ ដើម្បីផ្សារភ្ជាប់ទៅ និង សង្គមវិទ្យាសាស្ត្រពិត របស់មនុស្សននៅលើផែនដី ។^[៣]

នាង មហោទរាទេវី គឺជាអទិទេព តំណាងឱ្យ ភពសៅរ៍ និង តំណាងឱ្យ ថ្ងៃសៅរ៍ នៃថ្ងៃទាំង៧របស់ផែនដី ។

The color of happiness of Devata Sangkran

ពណ៌មង្គល នៃទេវតាសង្ក្រាន្តទាំង៧អង្គ តំណាងឱ្យពណ៌នៃភាពរុងរឿង តាមច្បាប់ធម្មជាតិ ទៅផ្សារភ្ជាប់និង រូបធាតុ របស់ក្រុមតារានិករ នៅក្នុងប្រព័ន្ធចក្រវាឡ ទេវតាសង្ក្រាន្តទាំង៧ ដែលតំណាងឱ្យថ្ងៃទាំង៧ នៅលើផែនដី ក៏ដូចជាតំណាង ឱ្យភពទាំង៧នៅក្នុងប្រព័ន្ធព្រះអាទិត្យរបស់យើងនេះ ដើម្បីអាចផ្សារភ្ជាប់ ទៅនិងក្បួនវិជ្ជាហោរាសាស្ត្ររបស់កម្ពុជា ដើម្បីអាចធ្វើការបកស្រាយ ចរិតលក្ខណៈ របស់មនុស្សម្នាក់ៗ ទៅតាមពណ៌ដែលតំណាង ឱ្យថ្ងៃកំំណើត របស់ពួកគេ ។ ក្រុមបុរាណាចារ្យ មិនធ្លាប់ជួបទាល់តែសោះ ដែលពណ៌មង្គលរបស់ទេវតា សង្ក្រាន្តត្រូវបាន ក្រុមហោរាសាស្ត្រមួយចំនួននៅកម្ពុជា ផ្លាសប្ដូរជាពណ៌ខ្មៅ ជាពណ៌នៃភាពអពមង្គល និង ជាពណ៌ដែលត្រូវជានិមិត្តសញ្ញារូបធាតុរបស់ពួកបិសាច និង ពណ៌ស ជាពណ៌នៃភាពបរិសុទ្ធ និង ជាពណ៌ដែលត្រូវជានិមិត្តសញ្ញារូបធាតុនៃការបូជា នៅក្នុងកំណត់ត្រាពណ៌ សិរីមង្គលរបស់កម្ពុជា ពណ៌ដែលត្រូវបានដកចេញពីអត្ថន័យពណ៌មង្កល នៅក្នុងវប្បធម៌របស់កម្ពុជា នោះគឺពណ៌ខ្មៅ និង ពណ៌ស ។ ទេវតាសង្ក្រាន្តដែលយាងមកជម្ពូទ្វីបមនុស្សលោក ក្នុងវប្បធម៌កម្ពុជា តែងតែនាំមកសិរីរុងរឿង និង ភាពល្អនៅក្នុងប្រទេសកម្ពុជា ប្រជានុរាស្ត្រឯណាចង់ឃើញទេវតា នាំភាពអពមង្គលចូលមកក្នុងប្រទេសនោះ វាជារឿងដែលមិនអាចទទួលយកបាន ក្នុងការបំភ្លៃពណ៌មង្គលរបស់កម្ពុជា បកស្រាយតាមចិត្តគំនិតរបស់ខ្លួន ហ៊ានអារកាត់វែកញែកបែងចែក ពណ៌មង្គលទេវតាសង្ក្រាន្ត តាមអំពើចិត្ត ។^[៤]

The 7 Devata Sangkran

ទេវតាសង្ក្រាន្តទាំង៧ សម្ដែងកិរិយា អំពីការចេញហែរ សិរសា កុបិលមហាព្រហ្ម ដោយកំណត់ទៅតាមពេលវេលាច្បាស់លាស់ ជាមួយនិង ឈ្មោះទេវតាសង្ក្រាន្តទាំង ៧ និង គ្រឿងអាភរណៈ នៃដំណើរមកដល់ដែលបានចងក្រងដោយក្រុម កិច្ចការនៃ ក្រុមជំនុំទំនៀមទម្លាប់ខ្មែរ ពុទ្ធសនបណ្ឌិត្យកម្ពុជាក្នុងឆ្នាំ ១៩៦០ ។ ^[៥]

• បេីចេញហែរនៅវេលាព្រឹកព្រលឹម ដល់ថ្ងៃត្រង់ (ទ្រង់ឈរ) មិនកាន់ខ្សែរបង្ហៀរ ៦ : ០០ ព្រឹក > ១២ : ០០ ថ្ងៃត្រង់
• បេីចេញហែរវេលាថ្ងៃត្រង់ ទល់នឹងព្រលប់ (ទ្រង់អង្គុយពាក់ឆៀង) ១២ : ០០ ថ្ងៃត្រង់ > ៦ : ០០ ល្ងាច
• បើចេញហែរនៅវេលាព្រលប់ ទៅទល់អធ្រាត្រ (ទ្រង់ផ្ទំបេីកព្រះនេត្រ) ៦ : ០០ ល្ងាច > ១២ : ០០ អាធ្រាត
• បេីចេញហែរនៅវេលាអធ្រាត្រ ទៅទល់ភ្លឺ (ទ្រង់ផ្ទំបិទព្រះនេត្រ) ១២ : ០០ រំលងអាធ្រាត > ៦ : ០០ ព្រឹក

ចនព្រះកាណ៌ ទេវតាសង្ក្រាន្ត មានន័យថា ផ្កាលម្អត្រចៀក ផ្កាមានច្រើប្រភេទណាស់ ហេតុអ្វី មហោទរាទេវី លម្អផ្កាត្រកៀត (ផ្កាកំប្លោក) ? មហោទរាទេវី ទេវតាសង្ក្រាន្ត ថ្ងៃសៅរ៍ ដូចនេះក្បួនតារាសាស្ត្រ ថ្ងៃសៅរ៍ តំណាងឱ្យ ផ្កាយនក្ខត្តឫក្ស របស់ព្រហ្មញ្ញសាសនា ឈ្មោះ ព្រះសានី ដែលយកផ្កាត្រកៀត មកធ្វើជាឱសថថ្នាំប្រឆាំង និង ជំងឺអាសន្នរោគផ្សេងៗ បច្ចុប្បន្ន ផ្កាកំប្លោក ត្រូវគេយកធ្វើជាឱ្យសថថ្នាំផងដែរ ។

• ក្រុមបុរាណាចារ្យ មិនយល់ទាល់តែសោះ ហេតុអ្វី មហាបណ្ឌិតមួយចំនួន លើកឡើងថា មហោទរាទេវី សៀតផ្កាកណិកា (ផ្កាសណ្ដានម្លិះ) តើមានអត្ថន័យ យ៉ាងណាដែរ ?

គ្រឿងអាភរណៈ មានន័យថា គ្រឿងត្បូង (Gems) ត្បូងប្រដាប់កាយដូចជា៖ ចិញ្ចៀន ក្រវិល ខ្សែរក ខ្សែរដៃ ការដាំត្បូងទៅលើសំលៀកបំពាក់ផ្សេងៗ ។ មហោទរាទេវី ទេវតាសង្ក្រាន្ត ថ្ងៃសៅរ៍ ដូចនេះក្បួនតារាសាស្ត្រ ថ្ងៃសៅរ៍ តំណាងឱ្យ ផ្កាយនក្ខត្តឫក្ស របស់ព្រហ្មញ្ញសាសនា ឈ្មោះ ព្រះសានី (Shani) ដែលបានខេ្វះកែវភ្នែករបស់ខ្លួន ថ្វាយចំពោះព្រះឥសូរ ដោយភាពស្មោះត្រង់ ដូចនេះព្រះឥសូរបានប្រទាននាមថា ព្រះនៃភាពងងឹត (God of Darkness) កែវភ្នែកព្រះសានី បានក្លាយជាគ្រាប់ត្បូងដែលមានពណ៌ខៀវទឹកប៊ិច ដូចនេះហើយទើប នាង មហោទរាទេវី អាភរណៈ ត្បូងកណ្ដៀង (Sapphire) ដែលត្បូងកណ្តៀងត្រូវបានគេជឿថាអាចបង្កើនថាមពលនៃការមើលឃើញនៃចិត្តវិញាណ និង ជួយពង្រឹងចិត្តរបស់អ្នកពាក់ ធ្វើឱ្យអារម្មណ៍របស់ពួកគេមានភាពមុតស្រួច និង ជួយឱ្យពួកគេ មានការត្រិះរិះពិចារណាបានខ្ពស់ដើម្បីបង្កើនភាពច្បាស់លាស់ ។ គ្រឿងអាភរណៈ មិនមែនជាអម្ពរពស្ត្រា របស់ទេវតាសង្ក្រាន្តទេ ឈប់នាំគេវង្វេង គ្រឿងអាភរណៈ គឺជាគ្រឿងត្បូង សម្ដៅលើអំណានផ្លូវចិត្ត ដូចនេះមហាសង្ក្រាន្ត ថ្ងៃសៅរ៍ មហោទរាទេវី អាភរណៈ ត្បូងកណ្ដៀង ។

• ក្រុមបុរាណាចារ្យ ឆ្ងល់ត្រង់ថា ហេតុអ្វីពាក្យ អាភរណៈ មហាបណ្ឌិត បកចេញ អម្ពរពស្ត្រា ?

ភក្សាហារ ទេវតាសង្ក្រាន្ត មានន័យថា អាហាររបស់ទេវតាសង្ក្រាន្ត មហោទរាទេវី សោយសាច់ទ្រាយ (សត្វឈ្លូស) ឈ្លូសតំណាងឱ្យ ភាពមិនល្អ ឬ សេចក្ដី ឧបទ្រុព្ទចង្រៃផ្សេងៗ មហោទរាទេវី ទេវតាសង្ក្រាន្ត ថ្ងៃសៅរ៍ ដូចនេះក្បួនតារាសាស្ត្រ ថ្ងៃសៅរ៍ តំណាងឱ្យ ផ្កាយបាបគ្រោះ ជម្ពូទ្វីបមនុស្សលោក កើតមានអំពើបាបកម្មច្រើន ដោយកាយវាចារចិត្ត ក្បួនតម្រូវឱ្យ នាង មហោទរាទេវី សោយសាច់ទ្រាយ ដើម្បីរំដោះគ្រោះបាបកម្ម ដល់មនុស្សលោក ទើបបុរាណខ្មែរ លោកឱ្យសែនព្រេនតាម ភក្សាហារ ទេវតាសង្ក្រាន្ត ។ដល់ទៅពេលអ្នកមួយចំនួនរៀនមិនដល់ផ្នត់គំនិតដូនតា ទៅដៀលថា សោយសាច់ ជាពួកបីសាច លោកមហាបណ្ឌិតមួយចំនួន បាននិយាយថា ទេវតាគេមានអាហារទិព្វសោយហើយ ដូចនេះ ក្រុមបុរាណាចារ្យ មានចម្ងល់មួយចង់សួរអស់លោកថា ហើយចុះបើលោកយល់ដឹងចឹងហើយ ហេតុអ្វីប្រឹងចម្លងចេញពីដូនតាធ្វើអី ម្ដេចក៏លោកមហាបណ្ឌិត មិនតាក់តែងនិពន្ធសាច់រឿងទេវតាសង្ក្រាន្ត បែបថ្មីស្រឡាងមួយមក ? យកមកបោះពុម្ភលក់យកលុយរាល់ថ្ងៃ និង ចម្លងទេ ម្ដេចមិននិពន្ធខ្លួនឯង ?

• បើមិនអាចរកសត្វឈ្លូសបានទេ ក៏អាចសែនព្រេន សត្វចតុបាតជើងបួនបាន ដូចជា៖ សាច់ជ្រូក សាច់គោ សាច់ពពែ សែនជាដង្វាយសាច់ស្រស់ (សាច់ឆៅ) ហើយអដ្ឋិឋាន ឧបកិច្ចក្នុងចិត្តថា ជាសត្វឈ្លូស ។

ពហនៈ ទេវតាសង្ក្រាន្ត មានន័យថា យាន្តជំនិះរបស់ទេវតាសង្ក្រាន្ត ហេតុអ្វី មហោទរាទេវី គង់លើពាហនៈ មយូរា (សត្វក្ងោក) ? មហោទរាទេវី ទេវតាសង្ក្រាន្ត ថ្ងៃសៅរ៍ ដូចនេះក្បួនតារាសាស្ត្រ ថ្ងៃសៅរ៍ តំណាងឱ្យ ផ្កាយនក្ខត្តឫក្ស របស់ព្រហ្មញ្ញសាសនា ឈ្មោះ ព្រះសានី ដែលមានយាន្តជំនិះជាសត្វក្ងោក ដែលជាយាន្តជំនិះមួយក្នុងចំណោមយាន្តជំនិះជាច្រើនទៀតរបស់ព្រះសានី ត្រង់កន្ទុយសត្វក្ងោកមានជានិមិត្តសញ្ញា រូបកែវភ្នែក (Eye symbols) ផ្សារភ្ជាប់ទៅនិង អំណាចថាមពល នៃការមើលឃើញដោយចិត្តវិញាណ ។

• បើមានជនបរទេសសួរថា ម្ដេចមហោទរាទេវី គ្រងពណ៌ខៀវ សៀតផ្កាកណិកា រកអត្ថន័យបកស្រាយខ្លួនឯង សុំតែម៉្យាងកុំចម្លងសេចក្ដីពន្យល់របស់ក្រុមបុរាណាចារ្យ សូមអរគុណ ។

ថ្មីៗនេះ មានមហាបណ្ឌិត និង ពួកក្មេងៗវប្បធម៌មួយចំនួន នាំគ្នាទៅយករបស់ដូនតាមកវិញ វាជារឿងល្អប្រសើរណាស់ ដូចជាឈ្មោះ មហោធរទេវី... ក៏ប៉ុន្តែពួកក្មេងៗវប្បធម៌ មិនបានដឹងទេថា ព្រះបាទ សុីសុវត្ថិ បានប្រកាសឱ្យបោះបង់ការប្រើពាក្យជាសំនៀងសៀម ក្នុងឥទ្ធិពលសង្គមខ្មែរ ទាំងវប្បធម៌ទំនៀមទម្លាប់ត្រូវញែកបំបែកចេញពីគ្នា ដោយមិនឱ្យប្រើពាក្យជាសំនៀងសៀមក្នុងសង្គមវប្បធម៌ខ្មែរទៀតនោះទេ ដូចនេះក្រុមជុំនុំទំនៀមទម្លាប់ខ្មែរ ត្រូវប្ដូរគ្រប់ពាក្យពេចន៍ដែលហៅតាមសំនៀងសៀម មកជាការហៅតាមបែបសំនៀងខ្មែរទាំងអស់ មហោទរាទេវី (អានថា៖ ម.ហោ.ទ.រ៉ា.ទេវី.) ដោយ ទ មិនអានជា ទៈ ហើយពាក្យ រា មិនអានជា រៀ នោះទេ ឧទាហរណ៍: កុមារា (អានថា៖ កុ.ម៉ា.រ៉ា) មិនអានចេញ (កុ.មា.រៀ) ឬ (កុ.មៀ.រៀ) នោះទេ ។

ក្រុមបុរាណាចារ្យ បានមើលឃើញពីការរៀបចំបង្កើត Video ទេវតាសង្ក្រាន្ត របស់ទូរទស្សន៍ជាតិកម្ពុជា ដែលហៅកាត់ថា ទទក , Video ជារៀងរាល់់ឆ្នាំ មើលទៅមិនល្អនោះទេ ធ្វើឱ្យតែរួចពីដៃ ធ្វើឱ្យតែបានៗ ពួកគេមិនគិតថា Video ដែលថតផ្សាយចេញទៅ ជា Video តំណាងឱ្យវប្បធម៌ប្រពៃណីជាតិខ្មែរទូទាំងប្រទេស និង បង្ហាញទៅជនបរទេស នៅក្នុងសកលលោកផងដែរ បើ Video តុបតែងទេវតាតំណាងជាតិអន់ដូចនេះ តើមុខមាត់ ព្រះមហាក្សត្រ នាយករដ្ឋមន្ត្រី រដ្ឋមន្ត្រីក្រសួងប្រចាំប្រទេស នោះគឺក្រសួងវប្បធម៌ទៅជាយ៉ាងណា ?

ចំនុច ដែលអស់លោក គួរពិចារណា

• តើឋានទេវតាគូរជានិមិត្ត ក្នុងរូបភាពបែបណា ស្រាវជ្រាវ មើលតាមគម្ពីរ គួរឆ្លៀតយកគំនិតតាមរឿងភាគទេវតា បុរាណចិន ឆ្លៀតយកតាមគំនិតបច្ចេកវិទ្យា Ai ។

• តើទេវតា ប្រុសគួរមាន កម្ពស់ មាឌ និង រូបរាងបែបណា ? ការទាក់ទាញអ្នកទស្សនា គឺជារឿងសំខាន់ ត្រូវជ្រើសយកបុរសសង្ហារៗ មកដើរតួ , ត្រូវសិក្សាទៅលើតួអង្គទេវតា ត្រូវលាបម្ស៉ៅពណ៌ទៅលើខ្លួនប្រាណ ដៃជើង និង មុខមាត់ ពួកគេ ជាពណ៌ក្រហម បៃតង ខៀវ ស្វាយ ពណ៌ដែលតំណាងឱ្យអាយុឆ្នាំទិព្វរបស់ទេវតា ត្រូវសិក្សាទៅលើតួអង្គ ទេវតាប្រុស មានកាន់នូវឧបករណ៍អ្វីក្នុងលទ្ធិពុទ្ធសាសនាមហាយាន ។ ឯណាតួអង្គទេវតាផ្សេងៗ ដូចជា÷ ព្រះភិរុណ ព្រះវាយោ ព្រះសូរិយា ព្រះចន្ទ្រា ទេវតាចៅមហា...ល.។ រីឯតួអង្គទេវធីតាស្រី ត្រូវលាបម្ស៉ៅពណ៌ស ទៅលើខ្លួនប្រាណ ដៃជើង និង មុខមាត់ ពួកគេ មិនមែនសម្បុរ និង មុខមាត់ពួកគេ មើលទៅ ដូចមនុស្សសាមញ្ញនោះទេ ពាក្យថា ទេវតា អ្វីៗ គឺស្អាតដូចគំនូរ ។

• ដំណើរការសាច់រឿង បើកក្បាល Video ថតពីទិដ្ឋភាពឋានសួគ៌ បន្ទាប់មកទេវតាផ្សេងៗដើរយាងចូលមកប្រជុំគ្នាក្នុងឋានវិមាន និយាយពីការដល់វេនត្រូវមកផ្លាសសករាជថ្មីនាជម្ពូទ្វីប ប្រជុំចប់ហើយ ទេវតាសង្ក្រាន្ត ចុះពីឋានចតុមហារាជិកា គឺឋានសួរគ៌ មកដល់ជម្ពូទ្វីបមនុស្សលោក តាមម៉ោងកំណត់ , ទេវតាតំណាងថ្ងៃជិះពាហណ: ថតពីការសែនព្រេនទទួលទេវតា របស់ព្រះមហាក្សត្រ ក្រុមមន្ត្រី និង ប្រជានុរាស្ដ្រ ។ បន្ទាប់មក ទេវតាយាងចូលល្អាងរូងភ្នំទឹកកកកៃឡាស រតនាអញ្ជើញ សិរសាកុបិលមហាព្រហ្ម ហោះចូលលំហអាកាស ហើយមក ប្រទក្សិណ ជុំវិញភ្នំព្រះសុមេរុ រួចវិលត្រឡប់មកទុកតម្កល់វិញ ។ បន្ទាប់មក ទេវតាគ្រប់អង្គចូលទៅស្រង់ទឹកពីបំពង់មាត់គោឧសភរាជ យកមកស្រង់ព្រះពុទ្ធអង្គ ជាការបញ្ចប់ ។

• ចំពោះគ្រឿងសម្លៀកបំពាក់ទេវតា ហេតុអ្វីត្រូវប្រើប្រាស់សម្លៀកបំពាក់របាំ ? យើងចង់និយាយថា ប្រទេសកម្ពុជាជឿនលឿនជារៀងរាល់ឆ្នាំ ដូចនេះសម្លៀកបំពាក់ទេវតា ត្រូវមានការអភិវឌ្ឈន៍ លាយបញ្ចូលភាពឆ្នៃប្រឌិតនិង ការរចនាជាពិសេស ជារៀងរាល់ឆ្នាំ ដើម្បីកុំឱ្យ Video ទេវតា មានភាពដដែលៗរាល់ឆ្នាំ មានន័យថា ប្រជាជនទទួលទេវតា ក្នុងសម័យកាលជឿនលឿន រំកិលឆ្នាំទៅមុខជាបន្តបន្តាប់ តែអ្នកតុបតែងទេវតា បែរជាមានគំនិតតុបតែងទេវតា ក្នុងសម័យយុគថ្មបំបែកនៅឡើយទេ ពាក្យចាស់ពោលថា សម្រែណាស់ ។

• ចំពោះឆាក Background ឋានសួគ៌ ត្រូវមានពន្លឺភ្លឺស្រស់ត្រកាលជាដរាប ការប្រែប្រួលឆាក អាចប្រែប្រួលបាននាពេលដែលទេវតាយាងចុះមកជម្ពូទី្វបមនុស្សលោកតាមវេលាទាំងបួន ។ ជាចុងក្រោយយើងសង្ឃឹមថា ប្រជាជនខ្មែរគ្រប់រូប ធ្វើកិច្ចការអ្វីមួយត្រូវគិតលើ មុខមាត់ ស្នាដៃ និង កិត្តិយស ។

• ការរៀបចំខ្លួនចំពោះតួអង្គទេវតា នោះយើងនិងនិយាយដល់ម៉ូដសក់ទេវតា ដែល ២០ឆ្នាំមកនេះ ទទក ធ្វើមិនបានយកចិត្តទុកដាក់នោះទេ ទេវតាប្រុសបែជាមានសក់នៅសម័យសក់ខ្លីទំនើបទៅវិញ តួទេវតាប្រុស ច្រើនមានសក់បួងក្របួច ដូចនិង រូបចម្លាក់ និង គនូរបុរាណភាគច្រើន ។

• ចំពោះប៉ារ៉ូលពាក្យពេចន៍ និយាយពីការដល់វេនត្រូវមកផ្លាសសករាជថ្មីនាជម្ពូទ្វីប ឧទាហរណ៍: ឆ្នាំ២០២៥ នេះ ព្រះនាងមហោទរាទេវី ត្រូវគង់ចាំម្ចាស់បង ព្រះនាម គោរាគៈទេវី យាងមក ដោយកិច្ចសន្ទនា÷ មហោទរាទេវី ត្រូវពោលថា ទូលព្រះបង្គំសូមគោរព ទូលថ្វាយទៅម្ចាស់បង ពេញមួយសករាជ មកនេះ ក្នុងការគ្រប់គ្រងរបស់ម្ចាស់ប្អូន មនុស្សលោកមានសេចក្ដីសុខ និង ទុក្ខលំបាក ស្មើៗគ្នា ដូច្នេះហើយសូមម្ចាស់បងជួយដោះស្រាយ កិច្ចការដែលនៅសេសសល់ ដើម្បីឱ្យមនុស្សលោក ក្នុងដែនជម្ពូទ្វីបមួយនេះទទួលបានសេចក្ដីសុខតរៀងទៅ ខ្ញុំព្រះករុណា សូមថ្វាយកិច្ចការទាំងអំបាលមាននេះជូនម្ចាស់បង ដោះស្រាយជាបន្ត ។ គោរាគៈទេវី: មិនអីទេ ម្នាលម្ចាស់ប្អូន ម្ចាស់បងនិងខិតខំដោះស្រាយកិច្ចការគ្រប់គ្រងជម្ពូទ្វីបនេះ ឱ្យបានល្អប្រសើរក្នុងសករាជថ្មីនេះ សូមម្ចាស់ប្អូនយាងទៅដោយស្ងប់ព្រះចិន្តាចុះ ។ មហោទរាទេវី: ខ្ញុំព្រះករុណា សូមអរព្រះគុណណាស់ម្ចាស់បង ។ បន្ទាប់មក មហោទរាទេវី ងាកមក ទេវតា ព្រះចៅមហា ហៃឱ ទេវតាព្រះចៅមហា សូមប្រកាសសករាជថ្មី ផងចុះ ។ ទេវតាព្រះចៅមហា ដែលពាក់មាលាសីសៈ លើកសេចក្តីប្រកាស ខ្ញុំព្រះករុណា សូមប្រកាសអស់ពពួកទេវតា ទាំងមួយសែនកោដិ ដែលនិងត្រូវយាងចុះទៅជម្ពូទ្វីបមនុស្សលោកក្នុងពេលបន្តិចទៀតនេះ សូមប្រកាសផ្លាសសករាជថ្មីទាំង៣ ដែលមាន ឆ្នាំរោងជាប្រធាន ឱ្យមកជាឆ្នាំម្សាញ់ក្នុងសករាជថ្មីនេះ (កាត់ជា Video ប្ដូររូបសំណាកតំណាងឆ្នាំ) ពោលចប់ ទេវតាទងអស់លត់ជង្គង់ ទេវតាព្រះចៅមហា ខ្ញុំព្រះករុណា សូមយាង ព្រះមគ្គនាយកា ព្រះនាងគោរាគៈទេវី យាងចុះទៅដែនជម្ពូទ្វីបដើម្បីផ្លាសប្ដូរសករាជថ្មីដល់មនុស្សជាតិ ។ ចេញ Video ទេវតាសង្ក្រាន្ត នាំព្រះបរិវា ជិះពាហនៈ តាមវេលា នៃកិរិយាទាំងបួនចុះមកជម្ពូទ្វីប ។

មហាសង្ក្រាន្ត ២០២៤ ទេវតាឆ្នាំថ្មី ព្រះនាម មហោទរាទេវី យាងចុះមកដោយកិរិយាផ្ទំុបើកព្រះនេត្រ (ដេក) បើកភ្នែកលើខ្នងមយូរ៉ា តំណាងឱ្យសេចក្ដីគិត ឬ ពិចារណា ជម្ពូទ្វីបមនុស្សលោក មានទុកកង្វល់ច្រើនទាក់ទងនិង សេដ្ឋកិច្ចគ្រួសារ ។ ឆ្នាំនេះភពសៅរ៍ជាអធិបតី ទៅសុំទឹកភ្លៀងពីស្ដេចនាគ បាននាគចំនួន 4 ទឹកមានលំនឹងជាធម្មតា មិនតូចក៏មិនធំ ។ ឆ្នាំនេះព្រះសៅរ៍ ធ្វើដំណើរដោយជិះនាគ ជម្ពូទ្វីបមនុស្សលោក កើតមានគ្រោះរញ្ជួញដីច្រើន ។ ភពសៅរ៍ តំណាងឱ្យផ្កាយព្រះគ្រោះ គ្រោះកើតចេញពីពាក្យសម្ដី ជម្ពូទ្វីបមនុស្សលោក វាយប្រហារគ្នាដោយពាក្យសម្ដី ឬ កើតកលយុគផ្នែកការទូត ។ ទំនាយខាងលើ ទស្សន៍ទាយដោយក្រុមបុរាណាចារ្យ ដូចបានជំរាបជូនខាងលើនេះ សម្រាប់បងប្អូនជនរួមជាតិ ។^[៦]

• បានទស្សទាយ នូវម៉ោង ១៩:២១ ល្ងាច ថ្ងៃអាទិត្យ ទី៣១ ខែធ្នូ ឆ្នាំ២០២៣

មហោទរាទេវី ពស្ត្រាសំលៀកបំពាក់គ្រងទៅតាមពណ៌មង្គល ទាំង៧ថ្ងៃ ពណ៌ព្រីងទុំ ឬ ពណ៌ស្វាយក្រមៅ ។ មហោទរាទេវី មិនគ្រងពណ៌ខៀវ នោះទេ សូមចាំថា សៀវភៅមហាសង្ក្រាន្ត ដែលចងក្រងដោយគណៈកម្មការបុណ្យជាតិ គឺជាការចងក្រងទៅតាមអារម្មណ៍ផ្ទាល់ខ្លួន ខុសពីក្បួនតម្រាជាតិ និង មិនពាក់ព័ន្ធ និង សេចក្ដីចងក្រងក្នុងអត្ថបទវីគីភេឌាខ្មែរ ដោយក្រុមបុរាណាចារ្យ នោះទេ ។ បើទេវតាសង្ក្រាន្ត មហោទរាទេវី គ្រងពណ៌មង្គលខុស ផ្ទុយនិងក្បួនតម្រាជាតិ ហើយលើកទៅតាំងលម្អក្នុងទីស្ថានសក្ការៈធំៗ នោះ និងកើតមានហេតុភេតុចម្លែកជាច្រើនដូចជា៖ ១.កើតមានរដ្ឋប្រហារយោធារ ២.ផ្លាសប្ដូរព្រះមហាក្សត្រ ឬ ផ្លាសប្ដូរថ្នាក់ដឹកនាំជាតិ ៣.កើតកល្លយុគសង្គ្រាម ៤.ឆេះរាជដំណាក់ស្ដេច ឬ ឆេះព្រះរាជវាំង ៥.នគរជួបគ្រោះមហន្តរាយធម្មជាតិផ្សេងៗ សូមបញ្ចាក់ថា ពណ៌មង្គលទេវតាសង្ក្រាន្តមិនអាចផ្លាសប្ដូរតាមអំពើចិត្តរបស់អស់លោកទេ ។

• ពិធីបុណ្យចូលឆ្នាំខ្មែរ 2024 ខាងមុខនេះមានបណ្ឌិតជំនាន់ក្រោយមួយចំនួន បានកែប្រែនូវនាទីចូលឆ្នាំថ្មី ដែលកំណត់យកម៉ោង 22:17 នាទី ដែលផ្ទុយនិងក្បួនតម្រាពីបុរាណកាលទាំងស្រុង ដែលកំណត់យក ថេរៈវេលា ជាចំនួនគូ ដែលកំណត់រៀងរាល់ 12នាទីម្ដង ឧទាហរណ៍: (22:00), (22:12), (22:24), (22:36), (22:48) ក្រុមបុរាណាចារ្យ មិនដឹងរបៀបគុណគូរបស់ពួកគេដោយរបៀបមិចទេ ដែលម៉ោងមង្គលទេវតា ទៅជាម៉ោង 22:17 ដូចនេះ ។

រាល់ពេលមានចម្ងល់ណាមួយ ពីប្រជាពលរដ្ឋកម្ពុជាលើកឡើងក្នុងបណ្ដាញសង្គម ទាក់ទង និង អត្ថបទ (Article) ដែលចងក្រងដោយ ក្រុមបុរាណាចារ្យ, អត្ថបទនោះ និង បន្ថែមមាតិកា ដើម្បីបកស្រាយ ឬ ស្រាយសេចក្ដីងឿងឆ្ងល់ទាំងអស់នោះ ។

សង្គមកម្ពុជាមានការគោរពទៅលើពួកទេវតា ដូចនេះ តើគួរសែនទទួលទេវតា ដែរ ឬ ទេ ? ការសែនទទួលទេវតា គឺជាទំនៀម ការសែន ឬ មិនសែន អាស្រ័យទៅលើការជឿរបស់មនុស្សម្នាក់ៗ បើសិនជាអ្នកមានជំនឿអរូបី ជឿលើ អមនុស្ស ខ្មោច ព្រាយបីសាច អារុក្ខអារក្សអ្នកតា និង ទេវតា តែអ្នកមិនបានសែនព្រេនចំពោះទេវតា ដូចនេះអ្នក និង មានជំងឺមកបៀតបៀនជាបន្តបន្ទាប់ក្នុងរង្វង់ពេញមួយឆ្នាំ អ្នកអាចសង្កេតមើលដោយខ្លួនឯងបាន ។ ឧទាហរណ៍: អាយុអ្នកត្រូវអស់ក្នុងឆ្នាំនេះ ហើយអ្នកបានសែនព្រេនទទួលទេវតា ទេវតាអាចប្រទានពរ ប្រោសព្រំឱ្យអ្នករស់បានច្រើនឆ្នាំបន្តទៀត ។ បើចំពោះជាតិសាសន៍ដទៃ ពួកគេមិនសែនទេវតាក៏បានដែរ ពីព្រោះពួកគេមានជំនឿផ្សេងទៅលើព្រះរបស់ពួកគេ ដូចនេះអំណាចផ្លូវចិត្តខុសគ្នា មិនអាចផ្សារភ្ជាប់ចិត្តវិញាណរបស់ពួកគេ ក្នុងជំនឿផ្ទុយបានឡើយ ។ តើចាំបាច់ក្នុងការសែនព្រេនតាម ភក្សាហារ របស់ទេវតាសង្ក្រាន្តដែរ ឬ ទេ ? ការសែនព្រេនតាម ភក្សាហារ របស់ទេវតាគឺ ជារឿងសំខាន់ ឆ្នាំ ២០២៤ នេះ មហោទរាទេវី សោយសាច់ទ្រាយ គឺ សាច់ឈ្លូស បើមិនមានទេអាចយកសត្វជើងបួនមកសែនជំនួសបានដូចជា សាច់ជ្រូក គោ ពពែ... ចង់ចៀនអាំងស្ងោឆារ ស្រាច់តែចិត្តបងប្អូន ការដែលសំខាន់ គឺ ការពោលពាក្យឧបកិច្ច ភក្សាហារ ដែលយើងបានសែន គឺ តំណាងឱ្យការរំដោះគ្រោះមួយ មានន័យថា ក្នុងរយៈពេលពេញមួយឆ្នាំ អ្នកនិងមានគ្រោះមួយ មិនថារឿងការងារ ការរកសុីលក់ដូរ គ្រោះថ្នាក់ផ្សេងៗ អាចនិងត្រូវបានពួកទេវតាជួយបញ្ជៀសចេញ ។

ឆ្នាំ ២០២៤ នេះ ឆ្នាំរោងធាតុឈើ (តាមរង្វាស់ឆ្នាំចន្ទគតិ) មិនមានគ្រោះរាំងស្ងួតឡើយ ។ ពណ៌ដែលមានធាតុប្រឆាំងនិង ទេវតាឆ្នាំថ្មី មហោទរាទេវី មាន ៣ពណ៌ ទី១ ពណ៌បៃតង ដែលជា ពណ៌អាប់រាសី ប្រើប្រាសពណ៌បៃតងច្រើន ធ្វើឱ្យមានសេចក្ដីមិនល្អ ច្រើនមានគ្រោះដោយអគ្គីភ័យ (ភ្លើងឆេះ) ។ ទី២ ពណ៌ផ្ទៃមេឃ ប្រើប្រាសពណ៌នេះច្រើន ធ្វើឱ្យសង្គមគ្រួសារមិនចុះសម្រុង នឹងគ្នា ។ ទី៣ ពណ៌ខៀវ ប្រើប្រាសពណ៌ពណ៌នេះច្រើន អាចធ្វើឱ្យបាត់បង់លាភសំណាង ។ សូមសង្កេតមើលដោយខ្លួនឯង ។

ហេតុអ្វី ថៃ ឡាវ មានតំណាលនិទានទាក់ទង និង ទេវតាសង្ក្រាន្ត ទាំងប្រាំពីរដូចកម្ពុជា ? ពីព្រោះពួកគេទទួល ឥទ្ធិពលនេះ ពីចក្រភពខ្មែរ សម័យអង្គរ និទាន កុបិលមហាព្រហ្ម ទាក់ទង និង ពុទ្ធសាសនា មហាយាន ហើយ ថៃ និង ឡាវ កាន់ពុទ្ធសាសនា ថេរវាទ មិនមានតំណាលនិទានទេវតា ទាំងអស់នេះទេ ។ មហោទរាទេវី ថៃ ហៅ មហាថនទេវី អម្ពរពណ៌ស្វាយ ឬ ពណ៌ព្រីងទុំ គេយកពណ៌មង្គលខ្មែរ ម្ចាស់ដើមយកទៅប្រើតាមក្បួនតម្រា កែជោគវាសនាប្រទេស ប្រទេសគេចផុតសង្គ្រាមគ្រប់សម័យកាល ប្រទេសអភិវឌ្ឈន៍ជឿនលឿន ងាកមកសង្គមខ្មែរយើង តែងតែលាបពណ៌ក្ដិចត្រួយអ្នកចេះដឹង ចូលចិត្តឌឺដងដូនតា ប្ដូរទៅប្រើពណ៌ខៀវ ផ្ទុយពីក្បួនតម្រាជាតិ ប្រទេសតែងតែជួបភាពវឹកវរ និង សង្គ្រាម នោះដោយសារតែ សេចក្ដីប្រមាថរបស់ខ្លួន ចំពោះដូនតា ។ ពួកអុឺរ៉ុប អាមេរិក ចិន ដូចគ្នា ពណ៌ស្លាកសញ្ញា ក្រុមហ៊ុនមួយៗ មិនមែនចេះតែដាក់ទេ សុទ្ធតែសិក្សាទាក់ទងនិង ច្បាប់ស្រូបទាញ ពណ៌តំណាងធាតុអ្វីមួយរបស់ធម្មជាតិ និង ខ្លួនរបស់ពួកគេ ។

• ចូលឆ្នាំខ្មែរ

1. ↑ Min Saes (Braḥ Mahā.) (1942) Brahma Chariyakathā, Bibliothèque Royale, Publisher: Royal Library of Cambodia p.185
2. ↑ Astrologer Nhim Pen (1947) Cambodia Calendar, Contributor: William J. Gedney, Publisher: Association Sutharot, Original from the University of Michigan p.118
3. ↑ Nhim Pen (1943) Astrological Collection, Publisher: Original from the University of Michigan p.164
4. ↑ Mahāmantrī (Ñikar), Ukñā (1958) Damniam damláp niṅ prabaiṇī Khmaer, Publisher: University of California, Berkeley p.70 OCLC Number: 34917238
5. ↑ ទេពពិទូរ ឈឹម ក្រសេម, ចាប ពិន (1960) ព្រះរាជពិធីទ្វាទសមាស ភាគ១, ភាគ២ និងភាគ៣ , Publisher: កិច្ចការនៃក្រុមជំនុំទំនៀមទម្លាប់ខ្មែរ ពុទ្ធសនបណ្ឌិត្យកម្ពុជា ព.ស.២៥១២, Original From: Center for Khmer Studies Library, Website: khmerstudies.org, DDC: 390.596 IBO (Browse shelf)
6. ↑ Borannachar (2024) Prediction The powerful journey of Devata Maha Sangkran, Astrological calculations Based from Khmer Astrology 1943