Александар Ѓорчев

Александар Ѓорчев (роден на 19 ноември 1933 година во Кавадарци – починал во 26 јуни 1993 година во Скопје) — македонски глумец и режисер.

Дипломирал на Филозофскиот факултет во Скопје (1961) и на Театарската академија во Белград (1969). Со професионална глумечка дејност почнал да се занимава во 1954 година, како член на радио-драмата на Радио Скопје. По кратко време поминато во родниот град работејќи со неготинските аматери, кариерата ја продолжил во Народниот театар во Куманово, каде што покрај глума се занимавал и со режија. Настапувал и на сцената на Македонскиот народен театар, потоа бил потоа директор на Домот на културата во Неготино (1954-1962); член на Народниот театар во Куманово (1962-1969); член на Драмскиот театар во Скопје (1969-1993)^[1].

Неколкупати е наградуван на театарските игри „Војдан Чернодрински“ во Прилеп. Добитник е и на неколку други високи признанија, „Златен ловоров венец“ на Фестивалот на малите и експериментални сцени, Републичката награда „11 Октомври“ и Наградата на град Скопје „13 Ноември“.

Улоги:

• Змеј („Јане Задрогаз”);
• Димитрија („Диво месо”);
• Борис („Хај-фај”);
• Кољо („Тетовирани души”);
• Скапен („Ѓаволштините на Скапен”).

• Ѓорчев Александар-Ацо^{[мртва врска]} на Македонски информациски филмски центар
• Александар Ѓорчев на Семрежната филмска база на податоци (англиски)