Благој Веселинов

Благој Веселинов (Кочани, 27 февруари 1984) — македонски театарски, филмски и телевизиски глумец.

Благој Веселинов е роден на 27 февруари 1984 година во Кочани. Дипломирал на Факултетот за драмски уметности во Универзитетот „Св. Кирил и Методиј“, на отсекот за глумечка игра во класата на Владимир Милчин. Вработен е во Македонскиот народен театар од 2018 година.^[1]

Со претставата „Разговори во четири очи“ учествувал на фестивали во Санкт Петербург (2016), Чељабинск (2016), Кошице (2017) и Суботица (2017).^[1]

• Методија — „Црнила“ од Коле Чашуле, р. Дејан Пројковски, НТС, 2004;
• Дедал/Елнот — „Метармофози“ од Овидиј, р. Александар Поповски, Уметнички универзитет - Грац/ФДУ - Скопје, 2007;
• Ден — „Поблиску“ од Патрик Марбер, р. Јован Ристовски, НТС, 2008;
• Грофот — „Вртелешка“ од Артур Шницлер, р. Владимир Милчин, ОПН Театар, 2009;
• Џери — „Неверство“ од Харолд Пинтер, р. Нина Николиќ, ЦК - Скопје, 2009;
• Калуѓерот — „Дон Жуан“ од Жан Батист Молиер, р. Александар Поповски, Кино ОКО - Скопје, 2010;
• Џуџето, синот, орелот — „Брод за кукли“ од Милена Марковиќ, р. Нела Витошевиќ, Вондерленд продакшн - Скопје, 2010;
• Ајрон — „Класен непријател“ од Најџел Вилијамс, р. Васил Христов, Вондерленд продакшн - Скопје, 2011;
• Габриел — „Кој пукаше на 21-ви“ од Керил Черчил, р. Нина Николиќ, МКЦ, 2014;
• Григориј Пугачов — „Животот е прекрасен“ од Николај Ердман, р. Александар Морфов, МНТ, 2015;
• Вториот патник — „Тероризам“ од Владимир и Олег Пресњаков, р. Јордан Симонов, МНТ, 2015;
• Хенрих — „Разговор во четири очи“ од Ингмар Бергман, р. Нина Николиќ, МНТ и Скопје филм студио, 2016;
• Креонт — „Антигона и Креонт“ од Миро Гавран, р. Нела Витошевиќ, Кино култура, 2016;
• Томас Новачек — „Венера во крзно“ од Дејвид Ајвс, р. Ивана Ангеловска, Кино култура, 2018;
• Јевгениј Алексеевич Дорн — „Галеб“ од Антон Павлович Чехов, р. Нина Николиќ, МНТ, 2018;
• Макдаф — „Макбет“ од Вилијам Шекспир, р. Нела Витошевиќ, МНТ, 2019;
• Сид — „Бесачи“ од Мартин Мекдона, р. Јавор Грдев, МНТ, 2019.

• Димитрија — „Сеќавањата на Марија“, р. Кирил Шентевски, ФДУ - Скопје, краткометражен филм, 2009;
• Просјакот — „Серија од Мајки“, р. Илија Каров, К-15, 2009;
• Хулиган — „Сенки“, р. Милчо Манчевски, Трајангл продакшн, 2009;
• Убиецот — „Бунило“, р. Даријан Пејовски, Вардар филм, 2009;
• Вук — „Како да ме нема“, р. Хуанита Вилсон, Вардар филм, 2009;
• Марко — „Панкот не е мртов“, р. Владимир Блажевски, Вардар филм, 2011;
• Дамјан — „Балканот не е мртов“, р. Александар Поповски, Кино ОКО, 2011;
• Коста — „Ослободување на Скопје“, р. Раде Шербеџија, Кино ОКО, 2016;
• „Чевли“, р. Бранко Костески, Кино ОКО, 2016;
• Веле — „Исцелител“, р. Ѓорче Ставрески, Кино ОКО, 2017;
• Директор на ТВ — "Година на мајмунот", р. Владимир Блажевски, 2018;
• Филип — „Дедо и внук“, р. Илија Пиперкоски, 2019;
• „Сите против сите“, р. Андреј Косак, 2019;
• Млад војник — "М", р. Вардан Тозија, 2023;
• Инспектор — "Утре наутро", р. Јани Бојаџи, 2025.

Телевизиски серии

• Зоран — "Фамилијата Марковски", р. Даријан Пејовски, 2019;
• Великиот — "Преспав", р. Вардан Тозија, 2020;
• Инспектор - "Утре Наутро", р. Јани Бојаџи, 2025.

Проекти

• Учество во кампањата за борба против дрогата - проект на Владата на Република Македонија, Quasar Film.

• Награда за најдобар глумец на Драмски аматерски фестивал - Кочани, 2004;
• Награда за глумечко откритие за 2017 година на „Златна бубамара на популарноста“;
• Специјална награда на Green Montenegro International Film Festival во Црна Гора за улогата во филмот „Исцелител“, 2019;
• Награда на Берлинале „Shooting Stars“, која ја доделува платформата Европска филмска промоција, за улогата во филмот „Исцелитет“, 2019.

• Благој Веселинов на Семрежната филмска база на податоци (англиски)