Вебер (единица)

Вебер (симб: Wb, Вб) — единица за магнетен тек од системот SI. Густина на текот од еден Wb/m² (еден вебер на квадратен метар) изнесува една тесла.

Единицата го носи името на германскиот физичар Вилхелм Едуард Вебер (1804–1891).

Дефиниција

Содржатели на единицата „вебер“ (Wb) во SI
Вредност	Симбол	Назив	Вредност	Симбол	Назив
Помали			Поголеми
10⁻¹ Wb	dWb	децивебер	10¹ Wb	daWb	декавебер
10⁻² Wb	cWb	центивебер	10² Wb	hWb	хектовебер
10⁻³ Wb	mWb	миливебер	10³ Wb	kWb	киловебер
10⁻⁶ Wb	µWb	микровебер	10⁶ Wb	MWb	мегавебер
10⁻⁹ Wb	nWb	нановебер	10⁹ Wb	GWb	гигавебер
10⁻¹² Wb	pWb	пиковебер	10¹² Wb	TWb	теравебер
10⁻¹⁵ Wb	fWb	фемтовебер	10¹⁵ Wb	PWb	петавебер
10⁻¹⁸ Wb	aWb	атовебер	10¹⁸ Wb	EWb	ексавебер
10⁻²¹ Wb	zWb	зептовебер	10²¹ Wb	ZWb	зетавебер
10⁻²⁴ Wb	yWb	јоктовебер	10²⁴ Wb	YWb	јотавебер
Најзастапените содржатели се задебелени.

Веберот може да се дефинира во однос на Фарадеевиот закон, кој го утврдува односот помеѓу промената на магнетниот тек (флукс) низ затворен круг и електричното поле околу кругот. Промената на текот од еден вебер индуцира напон (електромоторна сила) од еден волт во секунда.^[1]

Официјално,

Вебер (единица за магнетен тек) — Вебер е магнетниот тек кој, во затворен единечен круг, ќе произведе електромоторна сила од 1 волт ако се намали на нула по рамномерна стапка за 1 секунда.^[2]

Изразено во основни SI-единици, димензиите на веберот се (kg·m²)/(s²·A). Може да се изрази и со други изведени единици како тесли на квадратен метар (T·m²), волтсекунди (V·s) и џули на ампер (J/A).

1 Wb = 1 V·s = 1 T·m² = 1 J/A = 10⁸ Mx (максвели).