Герман (охридски патријарх)

Герман (или Гаврил) — охридски патријарх, поглавар на Охридската патријаршија кон крајот на X век, за време на Самоиловото Царство. Бил мошне близок пријател со царското семејство и се смета дека во негова чест Самоил го нарекол својот првороден син-престолонаследник, идниот цар Гаврил Радомир.^[1]

Се претпоставува дека е избран за патријарх во 970-тите години. Според Диканжовиот список, седиштето му било во Воден, а подоцна во Преспа. Според бугарскиот историчар Димитар Цухлев, Герман бил избран за патријарх во Средец и првично престојувал во тој град, но Иван Снегаров, водејќи се според хрисовул на царот Василиј II, вели дека по напуштањето на Воден и и пред конечното останување во Преспа, патријархот извесно време живеел во Меглен.

Герман ја возглавувал црквата на Самоиловото Царство. Во негово време (во 983 или 985 г.) од Лариса во Преспа се пренесени моштите на св. Ахил и се положени во катедралниот храм подигнат во негова чест, на истоимениот остров. Меѓу 989 и 992 г. Цар Самуил и патријархот Герман ги пренеле моштите на св. Јован Рилски во Средец.

Патријархот Герман починал во Преспа околу 1000 г.^[2] и е погребан во храмот црквата „Св. Герман“ во истоименото преспанско/леринско село^[3], подоцна прогласена за епископска црква.

Според месното предание во преспанското село Герман, името на селото и неговат црква „Св. Герман“ се поврзува со охридскиот патријарх Герман.^[2]

• Црквата во Самоиловото Царство
• Црква „Св. Герман“ - Герман

п р у Архиепископи и патријарси на Македонската и Охридската архиепископија Охридска архиепископија и патријаршија Климент Герман Никола I Филип Давид Јован Лав I Теодул I Јован II Лампин Јован III Аин Теофилакт Лав Мунг Михаил Максим Јован Комнин Константин I Адријан Јован Каматир Димитар Хоматијан Јоаникиј Сергеј Константин II Кавасила Јаков Проархиј Генадиј Макариј Григориј Антим Метохит Николај I Григориј II Матеј Никодим I Доситеј I Доротеј Марко II Николај II Захариј Прохор Симеон Никанор Пајсиј Партениj I Софрониј Гаврил Теодул II Јоаким Атанасиј I Валаам Нектариј Митрофан Атанасиј I Георгиј Нектариј II Порфириј Палеолог Јоасаф Аврамиј Мелетиј Даниил Харитон Дионисиј I Атанасиј II Игнатиј Арсениј I Зосим I Панарет Нектариј III Игнатиј II Григориј III Теофан Мелетиј II Партениј II Григориј III Герман I Григориј IV Игнатиј III Зосим II Рафаил Герман Игнатиј III Дионисиј II Зосим II Методиј I Зосим II Дионисиј II Филотеј Јоасаф II Јосиф Дионисиј III Методиј II Кирил I Еремија Ананиј Арсениј II МПЦ-ОА Доситеј II Ангелариј Гаврил II Михаил Стефан Личностите чија историчност е предмет на полемика се закосени.