Дарко Радуловиќ

Дарко Радуловиќ (роден на 19 јули 1980 во Скопје) — македонски поранешен кошаркар и репрезентативец на Македонија и тековен тренер. Моментално е тренер на Пелистер.

Дарко Радуловиќ настапувал во дресот на Никол Ферт од 2001 до 2003 година. Со тој клуб го освоил Купот на Македонија 2002, како и Суперкупот на Македонија 2002. Во првата полусезона од сезоната 2003/04, Радуловиќ настапувал во Поло Трејд.^[1] Таму играл сè до втората полусезона кога продолжил во Карпош Соколи.^[2] Во првата полусезона од сезоната 2005/06 играл за МЗТ Аеродром,^[3][4] а сезоната ја завршил во Тоа Сум Јас.^[5] Следната сезона играл за МЗТ Аеродром.^[6] За сезоната 2007/08, Радуловиќ потпишал за Фени Индустри,^[7] при со кој ја освоил двојната круна. За сезоната 2008/09, Дарко ја продолжил соработката со Фени,^[8] но се преселил во МЗТ Аеродром.^[9] Во сезоната 2009/10, тој потпишал за новолигашот Вардар Осигурување,^[10] со кој бил вицепрвак во Лигата. Поради распаѓањето на Вардар Осигурување, Радуловиќ станал слободен агент и потпишал за Вардар, настапувајќи во него за време на сезоната 2010/11 и поголемиот дел од сезоната 2011/12.^[11] Во февруари 2012 година, Радуловиќ продолжил во Фени,^[12] при што бил вицепрвак во Првенството 2011/12 и Купот 2012. За сезоната 2012/13, се преселил во Кожув,^[13] со кој бил вицепрвак во домашното Првенство. Следната сезона, Радуловиќ играл во дресот на Куманово 2009, сè до март кога го напуштил клубот.^[14] Во август 2014 година, Радуловиќ по трет потпишал за Фени Индустри за сезоната 2014/15.^[15] Радуловиќ играл за Вардар во Втората лига, во втората половина од сезоната 2015/16.

Дарко Радуловиќ станал помошник тренер во Вардар за сезоната 2016/17.^[16] Во декември 2017 година, поради заминувањето на главниот тренер на Вардар, Радуловиќ застанал на функцијата главен тренер.^[17][18] За 2019/20, Радуловиќ останал на тренерската функција во Вардар.^[19] На крајот на јуни 2020 година, било обзнаено дека Радуловиќ и Вардар ја прекинале соработката.^[20][21] Неколку дена подоцна Дарко станал помошник тренер на МЗТ Аеродром.^[22][23] Во средината на март 2021 година, по отказот на главниот тренер Ѓорѓи Кочов, Радуловиќ станал главен тренер.^[24][25]

• Профил на Дарко Радуловиќ на eurobasket.com