Зграда на Музејот „Западна Македонија во НОБ“

Зграда на Музејот „Западна Македонија во НОБ“
Поглед на музејот
Општи податоци
Статус	споменик на културата
Вид	музејска зграда
Стил	неокласичен
Адреса	ул. „Стојан Божиноски“ бр. 1
Град	Кичево
Земја	Македонија
Завршена	1892 (најстарата зграда)

Зграда на Музејот „Западна Македонија во НОБ“ — музејска зграда во градот Кичево, прогласена за културно наследство на Македонија.^[1]

Зградата на Музејот „Западна Македонија во НОБ“ всушност претставува комплекс од три меѓусебно поврзани згради сместени во Кичевската чаршија, во западното подножје на Китино кале. Најстариот и средиштен објект е изграден во 1892 г. Годината на изградба на втората зграда не е позната, но се одликува со истите стилски особености на фасадата. Третата зграда е целосно реконструирана во периодот од 1972 до 1978 г., и со тоа и таа ги добива истите стилски особености.

Музејот има приземје и кат. Однадвор е профилиран во стилот на доцниот неокласицизам од крајот на XIX и почетокот на XX век. Главната (чаршиска) фасада на приземјето има големи прозорци со полукружни завршетоци. Катот има помали правоаголни прозорци украсени со богата штукатура која во горниот дел образува свод. Отворите се поделени со пиластри, а меѓу катовите и под покривот има хоризонтален венец. На фасадата на средниот објект има покривен тимпанон над катниот балкон, и на него е напишана годината „1892“.^[2]

• Спомен-костурница (Кичево)
• Културно наследство на Македонија во Општина Кичево

п р у Културно наследство во Општина Кичево Китино Кале (Кичево)  • Спомен-костурница (Кичево)  • Куќа на НОБ (Кичево)  • Зграда на Музејот „Западна Македонија во НОБ“ (Кичево)  • Куќа на ул. „Маршал Тито“ бр. 58 (Кичево)  • Куќа на ул. „29 Ноември“ бр. 32 (Кичево)  • Куќа на ул. „Тане Целески“ бр. 19 и 21 (Кичево)  • Станбен објект на ул. „Јанко Михајловски“ бр. 11 и 13 (Кичево)  • Кичевска чаршија (Кичево)  • Црква „Св. Ѓорѓи“ (Лазаровци)  • Стара училишна зграда (Подвис)  • Археолошко наоѓалиште „Црквиште/Зад Забел“ (Цер)  • Спомен-гробница на Христо Узунов (Цер)  • Црква „Мицеви“ (Цер)  • Црква „Св. Никола“ (Цер)  • Црква „Св. Спас“ (Цер)  • Црква „Св. Петка“ (Цер)  • Кичевски манастир (Манастирско Доленци)  • Археолошко наоѓалиште „Суви Ливади“ (Јагол Доленци)  • Археолошко наоѓалиште „Градиште“ (Миокази)  • Црква „Св. Илија“ (Вранештица)  • Црква „Св. Ѓорѓи“ (Вранештица)  • Археолошко наоѓалиште „Св. Ѓорѓи“ (Длапкин Дол)  • Археолошко наоѓалиште „Чукаре“ (Длапкин Дол)