Злате Михајловски

Злате Михајловски
Роден	1926 Богдево
Починал	февруари 1944 Прилеп

Злате Михајловски (исто така и Злате Малакоски, с. Богдево, Гостиварско, 1926 – Прилеп, февруари 1944) — учесник во НОВ. Прогласен е за народен херој на Југославија на 8 октомври 1953 година.^[1]

Злате Михајловски е роден во гостиварското село Богдево во текот на 1926 година, во семејството на Меле и Велика. Биле двајца браќа и две сестри во семејството. Уште многу млад, Злате Михајловски заедно со група свои роднини заминал на печалба. Бил ѕидарски работник во Белград до 1941 година.

По окупацијата на Југославија се вратил во Македонија и во март 1943 година стапил во Мавровско-гостиварскиот партизанскиот одред „Кораб“. При битката на одредот со балистите на 27 април 1943 година во Ново Село бил заробен. Спроведен бил и држен во затвор во Тирана, каде му била изречена пресуда: смрт со стрелање. Но, по капитулацијата на Италија, Злате Михајловски и останатите затвореници го напуштиле затворот. Во септември 1943 година станал борец во Првата македонско-косовска бригада, каде бил пушкомитралезец.^[2] Злате Михајловски со Првиот баталјон учествувал во борби кај Кичево, Осој, Буковник, Извор и на други места, каде се воделе борби со германски единици и балистички групи. На Првиот конгрес на антифашистичката младина на Македонија, одржан на 22 декември 1943 година во селото Фуштани, Егејска Македонија, Михајловски бил избран за член на претседателството.

Во февруари 1944 година, бригадата се придвижила кон области и места во Македонија кои биле под окупација на бугарската војска. Бригадата во која бил Злате Михајловски, водела битки околу градовите Велес и Прилеп. Михајловски со мала група партизани влегле во градот Прилеп, со цел да започнат ненадеен оган врз непријателските војници. Но, по успешната акција, неговата група била опколена од војска и полиција, и при престрелките Злате Михајловски бил смртно ранет. Неговото тело било изложено на фудбалското игралиште во Прилеп, каде многумина прилепчани продефилирале за да му оддадат почит.^[1]

• За храброто и бестрашно држење во борбите, уште за живот Злате Михајловски бил пофален пред стројот на Првата македонско-косовска бригада, кога му бил подарен пиштол од Штабот на бригадата.^[2]
• Прогласен е за народен херој на Југославија на 8 октомври 1953 година.^[1]
• Во негова чест, Општинското средно техничко училиште во Гостивар го носи неговото име.
• Во негова чест, една улица во општина Ѓорче Петров го носи неговото име.^[3]

п р у Народни херои на Југославија од Македонија Михајло Апостолски Љупчо Арсов Киро Атанасовски Мирче Ацев Вера Ацева Златко Билјановски Димитар Богоевски Петар Божиновски Борка Велески Круме Волнароски Кире Гаврилоски Перо Георгиевски Страхил Гигов Ѓоре Дамески Цветан Димов Естреја Овадија Атанас Забазноски Благој Јанков - Мучето Илија Јовановски Раде Јовчевски - Корчагин Јосиф Јосифовски Кузман Јосифоски - Питу Вера Јоциќ Лиман Каба Елпида Караманди Васко Карангелевски Лазо Колевски Лазар Колишевски Фана Кочовска - Цветковиќ Рампо Левков Манчу Матак Боро Менков Мирко Милески Тихомир Милошевски Димче Мирчев Злате Михајловски Кирил Михајловски Михо Михајловски Ангел Мојсовски Стефан Наумов - Стив Вангел Нечевски Орце Николов Наум Наумовски Киро Нацев Мара Нацева Ибе Паликуќа Боро Петрушевски Страшо Пинџур Панче Попоски Ванчо Прке Видое Смилевски Трајко Стојковски Славчо Стојменски Ѓоце Стојчевски Благој Страчковски Борка Талески Борко Темелкоски Блажо Тодоровски Вангел Тодоровски Христијан Тодоровски Александар Урдаревски Чеде Филиповски Тодор Циповски Крсте Црвенковски Орде Чопела Бајрам Шабани град Прилеп