Знаме на Баварија

Знаме на Баварија

Назив	Rautenflagge
Употреба	граѓанско, државно и пловно знаме
Сразмер	3:5
Усвоено	Историско (13 век)
Опис	Низа од 21 или повеќе дијаманти од сина и бела боја.
Варијанта на знамето на Баварија
Назив	Streifenflagge[1]
Употреба	граѓанско, државно и пловно знаме
Сразмер	3:5
Усвоено	1806
Опис	Две хоризонтални полиња - бело и сино

Знаме на Баварија (германски: Staatsflagge Bayerns) — еден од симболите на сојузната германска држава Баварија.

Официјално, Баварија има две знамиња, двете усвоени на 16 ноември 1953 година, и двете во сооднос 3:5. Знамињата ги користат традиционалните бои на земјата - бела и сина. Не постојат правила во кој случај се користи едното или другото знаме.

Првата верзија („знаме со риги“), се состои од две хоризонтални полиња со иста широчина - горното е бело, додека долното е сино.

Втората опција („знаме во облик на дијамант“) се состои од бели и сини дијаманти кои се наизменично распоредени. Во овој случај, бројот на ромбови не треба да биде помал од 21, а резот на ромбот во горниот десен агол треба да биде бел.^[2]

Претставувањето на грбот на Баварија на знамето не е правилно, но понекогаш се употребува.^[3]

Двете знамиња се историски поврзани со кралското баварско семејство Вителсбах, кое владеело со Баварија од 1180 до 1918 година.

Историски знамиња на Баварија

Знаме	Години на употреба	Влада	Белешки
	1255–1353	Војводство Долна Баварија
	1353–1392	Баварија-Ландсхут	Баварија-Ландсхут била војводство во Светото Римско Царство од 1353 до 1503 година.
	1392–1505	Баварија-Минхен	Баварија-Минхен била војводство во Светото Римско Царство од 1392 до 1503 година.
	1505–1623	Војводство Баварија	Војводството Баварија било пограничен регион во југоисточниот дел на Меровиншкото кралство од шестиот до осмиот век. Бил населен од баварски племиња и управуван од војводи под владеење на Франките.
	1623–1806	Изборно Кнежевство Баварија	Изборното Кнежевство Баварија било независен наследен електорат на Светото Римско Царство од 1623 до 1806 година кога бил наследен од Кралството Баварија.
	1806–1918	Кралство Баварија	Кралството Баварија била германска држава која го наследила поранешниот електорат на Баварија во 1806 година и продолжила да постои до 1918 година.
	1918–1919	Народна држава Баварија	Народната држава Баварија била краткотрајна социјалистичка држава во Баварија од 1918 до 1919 година.
	1919	Баварска Советска Република	Баварската или Минхенската Советска Република била краткотрајна непризнаена социјалистичка држава во Баварија за време на германската револуција од 1918–1919 година.
	1919–1933	Баварија	Баварска покраина во Вајмарската Република.
	1933–1945	Гау Минхен-Горна Баварија	Гау Минхен-Горна Баварија била административна територија на нацистичка Германија во Горна Баварија од 1933 до 1945 година.
	1945–1949	Американска окупациска зона	Американската зона во Јужна Германија се состоела од Баварија (без регионот Рајна Пфалц и округот Линдау, обете дел од француската зона) и Хесен (без регионот Хесен и Монтабаур, обата дел од француската зона) со нов главен град во Висбаден.
	1949–денес	Баварија	Модерната покраина Баварија под Сојузна Република Германија. И двете знамиња се подеднакво официјални.

• БМВ (лого врз основа на знамето)
• Бајерн Минхен (лого врз основа на знамето)

1. ↑ „Flag Legislation (Bavaria, Germany), Executive Order on Flags of 1954“. Flags of the World. Посетено на 19 September 2011.
2. ↑ Bekanntmachung der Bayerischen Staatsregierung über die bayerische Staatsflagge und die Dienstflaggen für Kraftfahrzeuge, vom 16. November 1953; Bayerisches Gesetz- und Verordnungsblatt 1953, S. 193.
3. ↑ „Flag Legislation (Bavaria, Germany)“. www.crwflags.com. Посетено на 2022-06-09.

п р у Знамиња на Германија Национално Знаме на Германија Покраински Баварија Баден-Виртемберг Берлин Бранденбург Бремен Долна Саксонија Мекленбург-Западна Померанија Рајнска област-Пфалц Саксонија Саксонија-Анхалт Сар Северна Рајна-Вестфалија Тирингија Хамбург Хесен Шлезвиг-Холштајн Историски Баден Прусија