Знаме на Свети Винцент и Гренадини

Знамето на Свети Винцент и Гренадини е официјално знаме во државата усвоено на 21 октомври 1985 година. Знамето е составено од три нееднакви вертикални ленти, односно централната лента е најголема додека останатите две се со иста големина. Лентите се во сина, жолта и зелена боја и во средишната жолта лента се наоѓаат три зелени дијаманта кои ја оформуваат латиничната буква V (В) што означува „Винсент“. Дијамантите го сомболизираат прекарот на државата, „скапоцени камења на Антилите“. Сината боја го претставува небото и водата, жолтата песоците и зелената растителноста.