Минангкабајски јазик

Минангкабајски
Baso Minangkabau
Застапен во	Индонезија  Малезија
Подрачје	Западна Суматра, Ријау, Џамби, Бенкулу, Северна Суматра, Ачех (Индонезија), Негери Сембилан (Малезија)
Говорници	8,5 милиони  (2011)
Јазично семејство	австронезиско малајско-полинезиско јадрено малајско-полинезиско малајско малајско минангкабајски
Јазични кодови
ISO 639-2	min
ISO 639-3	или: min — минангкабајски zmi — негерисембилански малајски

Викимедииниот Инкубатор испробува Википедија на минангкабајски јазик

Минангкабајски јазик (Baso Minangkabau; индонезиски: Bahasa Minangkabau) — австронезиски јазик што го говори народот Минангкабау во Западна Суматра, западниот дел на Ријау, на југот на Ачех, северот на Бенкулу и Џамби, како и од доселениците во неколку града низ Индонезија.^[1] Јазикот претставува и лингва франка долж западното крајбрежно подрачје на покраината Северна Суматра. Се говори и во извесни делови на Малезија, особено во сојузната држава Негери Сембилан.

Поради големите граматички сличности помеѓу минангкабајскиот и малајскиот, статусот на нивното сродство е спорен. Некои го сметаат за дијалект на малајскиот, додека други тврдат дека е посебен јазик од истата група.

Јазикот има неколку дијалекти кои напати се разликуваат и од село до село (на пр. преку река). Тие се: рао мапат тунгул, муаро сунгај лоло, пајакумбух, панкалан-лубук алај, агам-танах датар, панчунгсоал, котобару, сунгај бендунг аир и карангањар.^[2] Во секојдневното општење, членовите на народот Минангкабау од разни области го користат дијалектот агам-танах датар (наречен Baso Padang или Baso Urang Awak = „нашински јазик“) кој има улога на стандард.

• Минангкабау
• Малајски јазици