Никола Крстев

Никола Крстев Дулев — македонски иконописец и зограф, претставник на Дебарската школа и припадник на зографскиот род Коловци (Дулевци) наречен по него и татко му.

Роден е во големото мијачко село Лазарополе.^[1] Традиционално се смета за син на мајсторот Дуле, но можно е да бил син на градителот Крсте Лазарополски.^[1] Автор е на живописот во припратата на црквата „Св. Ѓорѓи“ во Лазарополе.^[1][2] Натписот гласи:

Сїѧ естъ зȢграфіа на притворѣ ѧ поклони Митре Дамѧновичъ кеѧа Кокалеску, да мȢ е на помош со семъ родители егѡ, за телесно здравие, за дȢшевно спасение и за Ȣсопши дȢши 1873 апрелі 20. ЗȢграфъ Никола Кръстевъ ѿ Лазарополе.^[1]

Никола Крстев е автор на дел од фреските во „Св. Богородица“ во кавадаречкото село Фариш, датирани 1880 година: на левата олтарна врата е насликан Архангел Михаил и има натпис:

Сиѧ естъ икона ѧ приложи Иѡванъ

Неда Силѧнъ Стоѧнко Ангеле

даиме напомошъ. 1880: Априлїа = 18 г, Зуграфъ Нікола

Крстев ѿ Лазорополе.^[3]