ОУ „Славко Лумбарковски“ - Новаци

Славко Лумбарковски
Поглед на централното основно училиште „Славко Лумбарковски“
Место
Општина:	Општина Новаци
Наречено по:	Славко Лумбарковски
Нас. место:	Новаци
Адреса:	с. Новаци
Местоположба
Основни информации
Основано:	1933; пред 92 години (1933)
Број на ученици:	154 (2021/2022)
Настава на:	македонски
Контактни информации

Основно училиште „Славко Лумбарковски“ (официјално: Општинско основно училиште „Славко Лумбарковски“ - Новаци; скратено: ООУ „Славко Лумбарковски“) — централно основно училиште во битолското село Новаци, Општина Новаци.^[1]

Училиштето е именувано по македонскиот народен борец Славко Лумбарковски.

Училиштето се наоѓа во западниот дел од селото, во непосредна близина на црквата „Св. Атанасиј“.

Стариот објект на училиштето бил изграден во 1933 година, додека новиот објект во 1993 година. Новиот објект е на два ката и зафаќа површина од 900 м².^[2]

Во училиштето се изведува настава од прво до деветто одделение и наставата се изведува единствено на македонски наставен јазик.^[3] Наставата се изведува во една смена.^[2]

Во склоп на училиштето се следните подрачни училишта:

• ПУ „Славко Лумбарковски“ - Бач;
• ПУ „Славко Лумбарковски“ - Добромири;
• ПУ „Славко Лумбарковски“ - Агларци;
• ПУ „Славко Лумбарковски“ - Далбеговци;
• ПУ „Славко Лумбарковски“ - Рибарци;
• ПУ „Славко Лумбарковски“ - Рапеш;
• ПУ „Славко Лумбарковски“ - Гермијан; и
• ПУ „Славко Лумбарковски“ - Живојно.

Од нив, единствено во подрачното училиште во Бач се одвива настава од прво до деветто одделение, додека во останатите настава од прво до петто одделение.^[3]

• 
  Влезот на училиштето
• 
  Стариот објект
• 
  Игралиште во дворот на училиштето
• 
  Споменик на Славко Лумбарковски во дворот на училиштето

• ОУ „Славко Лумбарковски“ - Новаци на Ризницата ^?