Ортаќој (Кожанско)

Ортаќој Πλατανόρρευμα
Поглед на селото
Ортаќој
Местоположба во областа Ортаќој Местоположба на Ортаќој во Општина Серфиџе и областа Западна Македонија
Координати: 40°12′N 22°1′E / 40.200°N 22.017°E / 40.200; 22.017
Земја	Грција
Област	Западна Македонија
Округ	Кожански
Општина	Серфиџе
Општ. единица	Серфиџе
Надм. вис.	&10000000000000485000000485 м
Население (2021)[1]
• Вкупно	864
Час. појас	EET (UTC+2)
• Лето (ЛСВ)	EEST (UTC+3)

Ортаќој или Орта Ќој (грчки: Πλατανόρρευμα, Платаноревма; до 1928 г. Ορτά Κιόι, Орта Ќој^[2]) — село во Кожанско, Егејска Македонија, денес во општината Серфиџе на Кожанскиот округ во областа Западна Македонија, Грција. Населението брои 864 жители (2021).

Селото се наоѓа во мала котлина во подножјето на Пиериските Планини, на 3 км североисточно од гратчето Серфиџе и околу 7 км југозападно од Велвендо, на надморска височина од 485 м.^[3]

Во XIX век Ортаќој било грчко село во Серфиџенската каза на Серфиџенскиот санџак.

На Етнографската карта на Битолскиот Вилает од 1901 г. Пано Ортаќој е претставено како чисто грчко село во Серфиџенската каза на Серфиџенскиот санџак со 10 куќи, Като Ортаќој со 11 куќи.^[4]

Според статистиката на грчкиот конзулат во Еласона, во 1904 г. во Долно (Като) и Горно (Ано) Ортаќој (Ορτάκιοϊ Κάτω και Άνω) живееле 150 Грци христијани.^[5]

По Балканските војни во 1913 г. селото е припоено кон Грција согласно Букурешкиот договор. Таа година тоа броело 144 жители, кои во 1920 г. се намалиле на 115 лица.^[3]

Во 1924 г. по потпишувањето на Лозанскиот договор во селото се населило 1 семејство (вкупно 5 бегалци), кои се погрешно заведени како вкупното селско население во пописот од 1928 г.^[3][6] Во 1928 година, името на селото било променето во Платаноревма (Πλατανόρρευμα).^[2]

По крајот на Втората светска војна во Ортаќој се доведени семејства од планинското село Мацкохори, поради што населението се накачило на 1.161 жител во 1951 г., а 1.359 жители во 1961 г.^[3]

Населението произведува жито, тутун, компири и други земјоделски производи, а делумно се занимава и со сточарството.^[3]

Еве преглед на населението во сите пописни години, од 1940 г. до денес:

Извор за 1940-1991 г.: Т. Симовски, Населените места во Егејска Македонија

Во 1919 година, селото станало самостојна општина, чиј атар зафаќал површина од 35 квадратни километри.^[3] Општината Ортаќој била приклучена во општината Серфиџе во 1997 година, која била укината во 2011 година и станала дел од поголемата општина Серфиџе.

Селото припаѓа на општинската единица Серфиџе со седиште во истоименото гратче, која припаѓа на поголемата општина Серфиџе, во округот Кожани. Воедно, селото е дел од општинскиот оддел Ортаќој, во кој е единствено село.

Цркви

• Црква „Св. Петка“ — главна селска црква
• Црква „Рождество на Пресвета Богородица“

Родени во Ортаќој

• Георгиос Папастамос (р. 1955) — грчки политичар во редовите на Нова демократија

1. ↑ „Попис на населението од 2021 г. Трајно население“. Државен завод за статистика на Грција.
2. ↑ ^{2,0 2,1} „Μετονομασίες των Οικισμών της Ελλάδας“. Πανδέκτης: Name Changes of Settlements in Greece. Посетено на 12 февруари 2025.
3. ↑ ^{3,0 3,1 3,2 3,3 3,4 3,5} Симовски, Тодор (1998). Населените места во Егејска Македонија : географски, етнички и стопански одлики. И дел. Скопје: Институт за национална историја. стр. 322.
4. ↑ Михајловски, Роберт, уред. (2017). Етнографска карта на Битолскиот вилает (PDF). Каламус. стр. 59.
5. ↑ Σπανός, Κώστας (2004), Η απογραφή του 1904 του Σαντζακίου (грчки), Θεσσαλονίκη: University Studio Press, стр. 516, ISBN 9789601212951 Занемарен непознатиот параметар |заглавие= (help)
6. ↑ Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928, Архивирано од изворникот на 2012-06-30, Посетено на 2012-06-30
7. ↑ „Β. Διάταγμα ΥΠ' Αριθ. 483. Περὶ μετονομασίας συνοικισμὤν, κοινοτήτων καὶ θέσεων“ (PDF). Εφημερίς της Κυβερνήσεως του Βασιλείου της Ελλάδος. Εν Αθήναις: Ἐκ τοῦ Εθνικού Τυπογραφείου. Τεύχος Πρώτον (Αριθμός Φύλλου 147): 1053. 1969. Занемарен непознатиот параметар |month= (help)
8. ↑ По топографска карта М1:50 000, издание 1980-1985 „Генеральный штаб“