Пиратите од Карибите: Ковчегот на мртовецот
Пиратите од Карибите: Ковчегот на мртовецот (англиски: Pirates of the Caribbean: Dead Man's Chest) — американски фантастично-авантуристички филм од 2006 г. и втор филм од серијалот филмови „Пиратите од Карибите“ по Пиратите од Карибите: Проклетството на Црниот бисер, во режија на Гор Вербински и сценарио на Тери Росио и Тед Елиот. Произведен од Џери Брукхајмер. Во приказната, свадбата на Вил Тарнер (Орландо Блум) и Елизабет Свон (Кира Најтли) е прекината од лордот Катлер Бекет (Том Холандер), кој бара Тарнер да му го донесе компасот на капетанот Џек Спароу (Џони Деп) во обид да го најде ковчегот на мртовецот. Спароу се наоѓа себеси врзан со долг кон Дејви Џонс (Бил Нај). Две продолженија на Пиратите од Карибите: Проклетството на Црниот бисер биле замислени во 2004 г., додека Елиот и Росио развиле приказна што ги поврзува двата филма. Снимањето се одвивало од февруари до септември 2005 г. и опфаќало места како Палос Вердес, Свети Винсент и Гренадини, Доминика и Бахамите, како и сетови изградени од Walt Disney Studios. Филмот е снимен истовремено со третиот дел од франшизата, Пиратите од Карибите: На крајот на светот. СодржинаСвадбата на Вил Тарнер и Елизабет Свон е прекината од лорд Катлер Бекет од Британската источноиндиска компанија, кој пристигнува во Порт Ројал со налог за апсење, обвинувајќи ги дека му помогнале на капетанот Џек Спароу да побегне. Иако и за него бил издаден налог за апсење, комодорот Џејмс Норингтон си поднел оставка од Кралската морнарица и исчезнал по губењето на својот брод, „Бестрашниот“, кој се потопил во ураган додека го бркал Џек. Во меѓувреме, на бродот „Црн бисер“, Џек го посетува таткото на Вил, Бил Тарнер (наречен Бутстрап Бил), кој сега е член на екипажот на „Летечкиот Холанѓанец“, бродот што го води капетан Дејви Џонс. Бил го означува Џек со Црната дамка и го потсетува дека некогаш склучил договор со Џонс, кој го извадил „Бисерот“ од дното на морето во замена за слободата на Џек. Сега, бидејќи не го исполнил долгот, Џек треба да служи на „Холанѓанецот“, инаку Кракенот ќе го одвлече во скривалиштето на Дејви Џонс. Во меѓувреме, Бекет покажува пиратска повелба за помилување, потпишана од кралот Џорџ и наменета за Џек Спароу, и нуди да ги ослободи Вил и Елизабет ако Вил му го донесе компасот на Џек. Вил го наоѓа Џек и неговиот екипаж на еден остров и им помага да избегаат од човекојадците. Потоа, Џек ја посетува вуду-жрицата Тија Далма, која му помага да го најде ковчегот на мртовецот, каде што се наоѓа сѐ уште биечкото срце на Дејви Џонс. Џек сака да го најде срцето за да се ослободи од својот долг. Вил склучува договор со Џек — ќе го најде клучот од ковчегот во замена за компасот, но Џек го мами и го испраќа на бродот на Џонс наместо себеси. Џонс се согласува да го ослободи Џек ако му донесе уште 99 души. На „Холанѓанецот“, Вил се обединува со својот татко и дознава дека Џонс го чува клучот. Со измама и игра со коцки, Вил го краде клучот и се качува на „Единбуршкиот трговец“. Џонс го повикува Кракенот и го потопува бродот, но Вил успева да избега. Во меѓувреме, таткото на Елизабет, гувернерот Свон, се обидува да ја ослободи од затвор, но самиот тој е уапсен. Елизабет ја краде повелбата од Бекет и заминува за Тортуга, каде ги наоѓа Џек и пијаниот Норингтон. Џек лукаво ја тера Елизабет да го искористи компасот за да го најде ковчегот на Џонс. Сите стигнуваат на Островот на Крстот, каде што е закопан ковчегот. Џек, Вил и Норингтон се впуштаат во борба со мечови — секој сака да го земе срцето за свои цели: Џек за да се ослободи од долг; Вил за да го спаси својот татко; а Норингтон за да се врати во морнарицата. Во хаосот, Норингтон тајно го краде срцето и повелбата и бега, преправајќи се дека го намамува екипажот на Џонс. Џонс и Кракенот го напаѓаат „Црниот бисер“, убивајќи поголем дел од екипажот и уништувајќи ги сите чамци за спасување освен еден. Џек го користи чамецот за да побегне, но се враќа да помогне и го ранува Кракенот со мрежа полна со барут и рум. Џек им наредува на преживеаниците да го напуштат бродот, но Елизабет сфаќа дека Кракенот го сака само него. Таа го измамува Џек, заковајќи го со синџир за јарболот, дозволувајќи им на другите да побегнат, додека Кракенот го влече Џек и „Црниот бисер“ на дното. Дејви Џонс, мислејќи дека долгот е отплатен, го отвора ковчегот, но открива дека срцето недостасува. Норингтон му го предава срцето и повелбата на Бекет, враќајќи се во служба и давајќи ѝ на Британската источноиндиска компанија контрола врз Џонс, „Холанѓанецот“ и Кракенот. Екипажот на Џек се враќа кај Тија Далма, каде што договараат мисија за спасување на Спароу од Крајот на светот. Таа им го претставува капетанот што ќе ги води — воскреснатиот Хектор Барбоса. Улоги
Наводи
Надворешни врски
|
||||||||||||||||||||||||||||||||||||||||||||||||||||||||||||||||||||||
.jpg)
Portal di Ensiklopedia Dunia
