Религија во Ерменија

Поголемиот дел од Ерменците се христијани, кое во Ерменија постои пред околу 1.700 години. Ерменија има своја црква, Ерменска апостолска црква. Христијанството има силно влијание во земјата. Освен Ерменската Апостолска црква, во Ерменија има и други помали верски заедници.

Ерменската православна црква е една од Древноисточните цркви и една од најстарите христијански цркви. Според едно предание, таа била основана од страна на Апостол Вартоломеј и Апостол Тадеј. Историски била формирана од страна на светецот Григориј Просветител во 301 година, чијшто син Аристакес учествувал на Првиот вселенски собор. Оваа црква се потпира на решенијата од првите три вселенски собори и ја поддржува христологијата на Свети Кирил Александриски. Веќе на Четвртиот вселенски собор, ерменската апостолска црква не учествувала и не ги поддржала односно признала решенијата од тој собор. Во периодот од 491 до 536 година конечно се оделила од Византија. Црквата има седум таинства, ја почитува Пресвета Богородица. Во нејзин склоп опстојуваат пет епархии во Америка, Европа, Азија и Австралија.

Римокатоличката црква во Ерменија е дел од Римокатоличката црква, и е дел од духовното водство на папата во Рим. Нив во Ерменија ги има околу 110.000, што претставува околу 4% од вкупниот број на верници во земјата.

Исто така, постојат мали заедници на Ерменците кои потекнуваат од различни протестантски вероисповеди, потоа Јеховини сведоци, Црква на Исус Христос, според која се смета дека има околу 2000 верници.

Евреите имаат историско присуство во Ерменија. Во времето на Советскиот Сојуз, Ерменија била сметена за една од најпознатите толерантни републики кон Евреите. Во моментов има околу 750 Евреи во земјата.

Исламскиот свет на Ерменија главно се состои од Азерите и Курдите. Во 2009 година, според Истражувачкиот центар Пју се смета дека помалку околу 1.000 жители на Ерменија се муслимани.^[1]

Во текот на 1988-1991 година мнозинство од муслиманското население ја напуштило земјата, како резултат на Нагорнокарабашката војна и тековниот конфликт меѓу Ерменија и Азербејџан. Еден од најпознатиот муслимански храм во Ерменија е Сината џамија во Ереван.

Околу 2% од ерменското население, претежно етнички Курди што живеат во западниот дел на земјата, припаѓаат на античките Језиди. Многу Језиди кои дошле во Ерменија и Грузија, за време на 19 век и почетокот на XX век доживеале верски прогон.

Се смета дека бројот на верници на оваа религија во Ерменија е околу 1.400 ^[2] .