Религија во Грција

Источното Православно христијанство е религија на 95% ^[1] до 98% ^[2] на грчкото население.

Според последната анкета спроведена од страна на Евробарометар во 2005,^[3]

• 81% од грчките граѓани одговориле дека "веруваат во Бог односно дека тој постои".
• 16% одговориле дека "веруваат во некоја друга натприродна сила".
• 3% одговориле дека "не веруваат ниту во Бог ниту во некоја друга сила".

Грчката православна црква, која е член на Источната Православна црква, е запишана во уставот на Грција. Нејзините членови се од 95% ^[1] до 98%^[2] од населението. Од нив, околу 700.000 до 1 000 000 се членови на старата православна црква^[1].

Бројот на римокатолиците во Грција е околу 50.000^[1]. Овие верници ги има низ целата територија на земјата, но главно живеат на Кикладите и по Јонските Острови. Присуството на католиците во грчките острови се должи на доминација на Венеција на овие простори во средниот век. Римокатоличката заедница е зголемена во последниве години како резултат на имиграцијата и денес брои околу 200.000.^[1]

Вкупниот број на гркокатолиците во земјата е околу 5.000 ^[1] и тие најчесто живеат во Атина.

Бројот на Протестантите, вклучувајќи ги и членовите на Грчката Евангелистичка црква и Слободната Евангелистичка црква, е околу 30.000.^[4][5]. Бројот на членовите на Саборот на Бога и другите Пентекостни нзависни цркви е околу 12.000 членови.^[6]

Муслиманите во Грција се претежно од турско потекло иако има и заедница на грчки муслимани. Бројот на следбениците на исламот се проценува на 97.604 луѓе или 0,95% од вкупното население, според пописот во 1991 година.^[7] Бројор на имигрантските муслимани се проценува од 200.000 до 300.000.^[8]

Еврејската заедница во Грција во моментов изнесува околу 5.500 луѓе, главно концентрирани во Атина, Солун, Лариса, Волос, Јанина, Трикала и Крф, додека многу помалку ги има во Кавала и Родос.^[9]