ХЕЦ „Дошница“

ХЕЦ „Дошница“
Поглед на централата „Дошница“
Местоположба на ХЕЦ „Дошница“ во Македонија
Назив	Хидроелектрична централа „Дошница““
Земја	Македонија
Место	река Дошница
Координати	41°22′11″N 22°13′24″E / 41.36972°N 22.22333°E / 41.36972; 22.22333
Статус	функционална
Изградбата почнала	1952 (1952)
Сопственик	ЕВН Македонија
Оператор	ЕВН Македонија
Информации за произодството
Построен капацитет	5,1 MW
Годишно производство	18 GWh

Дошница (Хидроелектрична централа „Дошница“ или ХЕЦ „Дошница“) — мала хидроцентрала на истоимената река, недалеку од градот Демир Капија, во јужниот дел на Македонија.^[1]

Централата е прогласена за културно наследство на Македонија.

Хидроцентралата е во погон од 1952 година. Има три агрегата со пелтон турбини и инсталирана моќност од 5,1 MW.^[2][3]

Водите од реката Дошница се зафаќаат 9,5 километри спротиводно од машинската зграда преку тиролски зафат ѕидан од камен. Зафатот има капацитет од 2,1 м³/с. Водите на реката се зафаќаат директно од речното корито. Од зафатната градба водата оди во таложникот, а оттаму кон доводниот канал, кој има должина од 4400 метри и пречник од 1600 милиметри. До водната комора водата продолжува преку доводен тунел со должина од 3400 метри. Водната комора има пречник од 7 метри и е длабока 10 метри, а водата во неа се одржува автоматски, во просек од 75% од капацитетот на тунелот. Од водната комора до машинската зграда водата се пренесува преку челичен цевковод, кој има должина од 530 метри. Доводниот цевковод пред влезот на машинската зграда се разгранува на 3 дела, за секоја од трите турбини.^[4]

Зградата се наоѓа јужно од градот Демир Капија. Во машинската просторија има три пелтон турбини со хоризонтална оска со номинален проток од 0,8 м³/с и секоја од нив е поврзана на синхрон генератор со статичка возбуда и вкупна инсталирана моќност од 5,1 MW. Под зградата се наоѓа одводниот канал преку кој водата што поминала низ турбините се испушта дел во рибникот „Дошница“, а дел во речното корито.^[4]

• 
  Централата со цевководот
• 
  Цевководот на централата

• Дошница

• ХЕЦ „Дошница“ на Ризницата ^?

п р у Културно наследство во Општина Демир Капија Археолошки комплекс „Демир Капија“ (Демир Капија)  • Мелница „Бошава“ (Демир Капија)  • Хидроцентрала „Дошница“ (Демир Капија)  • Стопански комплекс „Винарска визба“ (Демир Капија)