Шнакенбург

**Шнакенбург**
	Шнакенбург Schnackenburg ;
	Поглед на градотПоглед на градот
	Шнакенбург
	Управа
Земја	Германија
Покраина	Долна Саксонија
Округ	Лихов-Даненберг
Општ. заед.	Гартов
Градски единици	4
Градоначалник	Ирене Браде (WGS)
	Основни податоци
Површина	23,70 км2
Надм. височина	17 м
Население	518 (31 декември 2022)
- Густина	22 жит/км2
	Други информации
Часовен појас	CET/CEST (UTC+1/+2)
Рег. табл.	DAN
Пошт. бр.	29493
Повик. бр.	05840
Портал	www.gartow.de
Местоположба на градот Шнакенбург во рамките на округот Лихов-Даненберг
	Карта
Координати	53°02′12″N 11°34′5″E / 53.03667°N 11.56806°E

Шнакенбург (германски: Schnackenburg) — мал град во округот Лихов-Даненберг, во сојузната покраина Долна Саксонија, Германија. Претставува најисточен дел во сојузната покраина Долна Саксонија, а со население од само 600 жители претставува еден од најмалите градови во Германија.

Се наоѓа на левиот брег на Елба. Градот од сите страни, освен од запад, се граничи со територија на поранешната Источна Германија.

Потекло на поимот

Полапското име на Шнакенбург е Годегорд (Godegord), што веројатно означува „град на змиите“. Германското име Шнакенбург доаѓа од долносаксонскиот Снак (Snaak или Snack) и Борг (Borg) и има исто значење.

Географија

Местоположба

Шнакенбург се наоѓа во долината на Елба. Во градското подрачје во нејзе се влева Аланд. До повторното обединување на Германија во Шнакенбург постоела царинска и гранична контрола за бродскиот сообраќај. Фериботската линија со Литкенвиш во Бранденбург се обновила во 1990 година.

Градски единици

Градот Шнакенбург се состои од следниве четири места:

Гумерн
Холторф
Каперн
Шнакенбург

Соседни места

Соседни места се Ланц, Бабекул, Бернхајде, Мителхорст и Јагел на североисток, Литкенвиш и Кумлозен на исток, Мигендорф, Клајн Ванцер, Ванцер, Аулозен и Штрезов на југоисток, Гумерн на југ, Каперн, Зоненхоф, Бухорст, Гартов, Кварнштет со Холторф на југозапад, како и Елбхолц, Гандов и Вустров на северозапад.

Историја

Помеѓу 1945 и 1990 година, Шнакенбург се наоѓа на внатрегерманската граница и имал граничен премин за речниот сообраќај на Елба. Преминот бил отворен за товарни возила помеѓу Чехословачка, Источна Германија (до 1949 година, советската окупациска зона) или Западен Берлин и Западна Германија (до 1949 година, британската окупациска зона). Сообраќајот бил предмет на меѓузонските сообраќајни одреди, кои помеѓу Западна Германија и Западен Берлин следеле по договорот од 1972 година.