Хицакер

**Хицакер**
	Хицакер Hitzacker ;
	Поглед од ридот Вајнберг на градотПоглед од ридот Вајнберг на градот
	Хицакер
	Управа
Земја	Германија
Покраина	Долна Саксонија
Округ	Лихов-Даненберг
Општ. заед.	Елбталауе
Градски единици	12
Градоначалник	Холгер Мертинс (СлДП)
	Основни податоци
Површина	58,44 км2
Надм. височина	12 м
Население	5.107 (31 декември 2022)
- Густина	87 жит/км2
	Други информации
Часовен појас	CET/CEST (UTC+1/+2)
Рег. табл.	DAN
Пошт. бр.	29456
Повик. бр.	05862, 05858 (Пусаде), 05861 (Кемен)
Портал	www.hitzacker.de
Местоположба на градот Хицакер во рамките на округот Лихов-Даненберг
	Карта
Координати	53°08′0″N 11°03′0″E / 53.13333°N 11.05000°E

Хицакер (службено наречен: Хицакер (Елба); германски: Hitzacker) — помал град во округот Лихов-Даненберг, во сојузната покраина Долна Саксонија, Германија. Се наоѓа на реката Елба, околу 8 километри северно од градот Даненберг и 45 километри источно од градот Линебург. Градот се наоѓа на германскиот пат на фахверкот.

Mеѓународно познатата библиотека „Херцог Август“ (денес сместена во Волфенбител) била основана во градот од страна на војводата Август Помладиот пред да биде преместена во 1643 година во замокот Волфенбител.

Географија

Местоположба

Хицакер се наоѓа на вливот на Јецел во Елба. Додека Елбхеен (исто така: Клеци), на чие југоисточно подножје се наоѓа Хицакер, природно припаѓа на Линебуршкото Поле, низинскиот дел на стариот град припаѓа на Елбталауе.

Градски единици

Градот Хицакер се состои од следниве дванаесет места:

Места

Барендорф
Грабау
Харлинген
Хицакер
Кемен
Нинведел (до 16 март 1936 г. познат како „Ниндорф“^[2])
Пусаде
Зерау
Тисау
Тисмесланд
Вицеце
Вусзегел

Имоти

Децинген
Хаген
Лајтштаде
Марведел
Мојделфиц
Мојделфиц
Позаде
Зархем
Шмесау
Шмардау

Историја

Областа била населена уште околу 3000 години п.н.е. на Хицакерското Езеро. Оттогаш областа постојано била населена.

На ридот Вајнберг, веднаш до денешниот стар град (Altstadt), Словените изградиле замок во VIII век. Како последица на тоа, Хицакер станал важен трговски центар уште пред да ги добие своите градски права. Неговото точно основање како град било во 1258 година, додека во меѓувреме замокот ја изгубил важноста и почнал да пропаѓа.^[3]

Во 1548 година, во градот избил огромен пожар и останала само црквата и една куќа.^[4]

Во 1610 година, бројни луѓе во Хицакер и околината биле обвинети за магија.^[5]

На третиот ден на Божиќ во 1668 година, црквата и осум куќи изгореле.^[6]

На полапскиот јазик, кој изумрел во XVIII век, Хицакер бил наречен Љауци (Ljauci).

На 1 јули 1972 година десет општини биле припоени кон Хицакер.

Градот бил погоден од поплавите од Елба во периодот 2002-2006.

Политика

Градот Хицакер припаѓа на покраинскиот круг бр. 48 Елба и во сојузниот круг бр. 38 Лихов-Даненберг - Линебург.^[7]^[8]

Градски совет

Градскиот совет се состои од 15 избрани членови. На општинските избори од 11 септември 2016 година со излезност од 53,4 проценти биле добиени следниве резултати:

Партија/Листа	Изборен резултат	+/- во %	Места	+/- absolut
CDU	26,8	+4,4	4	+ 1
SPD	17,1	− 4	3	± 0
UWG	07,7	− 2,2	1	− 1
Зелени	011	+ 1,7	2	+ 1
FDP	17,8	+ 4,1	3	+ 1
Иницијатива за Хицакер (INI)^*	16,3	− 1,4	2	− 1
независен	03,3	− 2,6	0	− 1
Вкупен број			15	0

+ / −: разлика од општинските избори 2011

Градоначалник

Градоначалник на Хицакер е Холгер Мертинс (FDP).

Збратимени градови

Хицакер бил збратимен со следниве градови:

Виш, Холандија, општината била распуштена
Лажне Тоушењ, Чешка, завршена

Знаменитости

Старото градско јадро со фахверк куќи и царинската куќа од 1589 година
Археолошки центар „Хицакер“
Старата царинска куќа
Ловен дом и шумски музеј во Герде
Воденица Катемин
Црква „Св. Јован“

Сообраќај

Хицакер има железничка врска до Даненберг и Линебург. Исто така, постојат автобуски врски до Линебург, Илцен и Даненберг, како и до окружниот град Лихов.

Во градот постои фериботска линија преку Елба.

Познати луѓе

Антони Улрих (војвода на Брауншвајг-Волфенбител) (1633–1714) — војвода и писател
Ханс Георг Аренс (р. 1944) — оперски пејач
Клаус фон Амсберг (1926–2002) — германски дипломат и принц на Холандија
Бернхард Варениј (1622–1650) — лекар и географ
Фердинанд Волтман (1857–1919) — агроном
Руди Милер-Глеге (р. 1951) — адвокат

Галерија

Црквата „Св. Јоханис“
Старата царинарница (Altes Zollhaus)
Градскиот плоштад
Поглед на ридот Вајнберг

Наводи

↑ „Населеност на окрузите, општините и месните заедници во Долна Саксонија на 31 декември 2022“. Служба за статистика и комуникациска технологија на Долна Саксонија. јули 2023. (германски)
↑ Statistik des Deutschen Reichs, Band 450: Amtliches Gemeindeverzeichnis für das Deutsche Reich. Teil I, Berlin 1939; S. 265
↑ [1] Архивирано на 16 јуни 2008 г.
↑ Blazek, Matthias, Das Löschwesen im Bereich des ehemaligen Fürstentums Lüneburg von den Anfängen bis 1900, Adelheidsdorf: 2006, p. 89.
↑ Grässe, Johann Georg Theodor, Sagenbuch des preußischen Staats, Hildesheim, New York 1977, S. 907; Blazek, Matthias, „Aberglaube und Hexenverfolgung“, in ders.: Hexenprozesse – Galgenberge – Hinrichtungen – Kriminaljustiz im Fürstentum Lüneburg und im Königreich Hannover, Stuttgart 2006, p. 62 ff.
↑ Blazek, Löschwesen, a. a. O., p. 102.
↑ Landtagswahlkreise ab 16. Wahlperiode. Wahlkreiseinteilung für die Wahl zum Niedersächsischen Landtag. Anlage zu § 10 Abs. 1 NLWG, p. 4. (pdf Архивирано на 25 јули 2011 г.; 87 kb).
↑ Beschreibung der Wahlkreise. Anl. zu § 2 Abs. 2 Bundeswahlgesetz. In: Achtzehntes Gesetz zur Änderung des Bundeswahlgesetzes. Anl. zu Artikel 1. Bonn 18. März 2008, p. 325. (pdf Архивирано на 25 јули 2011 г.; 200 kb).