മഞ്ഞക്കാലി പാൽത്തുമ്പിയോട് വളരെ സാമ്യമുള്ള ഒരിനമാണിത്. ഇവയുടെ കാലുകൾക്ക് മഞ്ഞ കലർന്ന ചുവപ്പു നിറമാണ്. ഉരസ്സിന്റെ മുകൾ ഭാഗം കറുപ്പു നിറത്തിലും വശങ്ങളിൽ ചോക്ലേറ്റ് നിറവുമാണ്. ഉരസ്സിൽ നീല വരകളും വാലിന്റെ അറ്റത്തായി വെള്ള പൊട്ടും കാണപ്പെടുന്നു.[1][1][4][5][6][7]
മഞ്ഞക്കാലി പാൽത്തുമ്പിയിൽനിന്നും ഇതിനെ വേർതിരിക്കുന്നത് കുറുവാലുകളുടെ വലിപ്പവും രൂപവും നോക്കിയാണ്. ആൺതുമ്പിയുടെ മുകളിലത്തെ കുറുവാലുകൾക്ക് ഉദരത്തിലെ പത്താം ഖണ്‌ഡത്തിന്റെ അത്രയുംതന്നെ നീളമുണ്ടാകും. താഴത്തെ കുറുവാലുകൾക്കാകട്ടെ ഇവയുടെ ഇരട്ടിനീളവും. എന്നാൽ മഞ്ഞക്കാലി പാൽത്തുമ്പിയുടെ മുകളിലത്തെ കുറുവാലുകൾക്ക് ഉദരത്തിലെ പത്താം ഖണ്‌ഡത്തിന്റെ പകുതി നീളമേ ഉണ്ടാകൂ. താഴത്തെ കുറുവാലുകൾക്കാകട്ടെ ഇവയുടെ നാലിരട്ടിയെങ്ങിലും നീളമുണ്ടാകും.[4]
↑ കേരളത്തിലെ തുമ്പികൾ (Dragonflies and Damselflies of Kerala), David V. Raju, Kiran C. G. (2013)
↑ 4.04.1C FC Lt. Fraser (1933). The Fauna of British India, including Ceylon and Burma, Odonata Vol. I. Red Lion Court, Fleet Street, London: Taylor and Francis.
