22 ਨਵੰਬਰ

22 ਨਵੰਬਰ ਗ੍ਰੈਗਰੀ ਕਲੰਡਰ ਦੇ ਮੁਤਾਬਕ ਇਹ ਸਾਲ ਦਾ 326ਵਾਂ (ਲੀਪ ਸਾਲ ਵਿੱਚ 327ਵਾਂ) ਦਿਨ ਹੁੰਦਾ ਹੈ। ਇਸ ਦਿਨ ਤੋਂ ਸਾਲ ਦੇ 39 ਦਿਨ ਬਾਕੀ ਹਨ। ਦੇਸੀ ਕਲੰਡਰ ਮੁਤਾਬਕ ਇਹ ਦਿਨ 8 ਮੱਘਰ ਬਣਦਾ ਹੈ।

• 1664 – ਗੁਰੂ ਤੇਗ਼ ਬਹਾਦਰ ਗੁਰੂ ਕਾ ਚੱਕ (ਅੰਮਿ੍ਤਸਰ) ਪੁੱਜੇ।
• 1848 – ਚੇਲੀਆਂਵਾਲਾ ਦੀ ਲੜਾਈ ਰਾਮਨਗਰ ਵਿੱਚ ਸਿੱਖਾਂ ਅਤੇ ਅੰਗਰੇਜ਼ਾਂ ਵਿਚਕਾਰ ਲੜਾਈ ਹੋਈ।
• 1928 – ਇੰਗਲੈਂਡ ਦਾ ਬਾਦਸ਼ਾਹ ਜਾਰਜ ਪੰਚਮ ਫੇਫੜਿਆਂ ਦੀ ਬੀਮਾਰੀ ਕਾਰਨ ਬੀਮਾਰ ਹੋ ਕੇ ਬਿਸਤਰ 'ਤੇ ਪੈ ਗਿਆ। ਉਸ ਦੀ ਰਾਣੀ ਨੇ ਬਾਦਸ਼ਾਹ ਵਜੋਂ ਉਸ ਦੀਆਂ ਸੇਵਾਵਾਂ ਲੈ ਲਈਆਂ।
• 1943 – ਅਮਰੀਕਨ ਰਾਸ਼ਟਰਪਤੀ ਫ਼ਰੈਂਕਲਿਨ ਡੀ ਰੂਜ਼ਵੈਲਟ, ਬਰਤਾਨਵੀ ਪ੍ਰਾਈਮ ਮਨਿਸਟਰ ਵਿੰਸਟਨ ਚਰਚਿਲ ਅਤੇ ਚੀਨੀ ਆਗੂ ਚਿਆਂਗ-ਕਾਈ-ਸ਼ੇਕ ਕਾਇਰੋ (ਮਿਸਰ) ਵਿੱਚ ਇਕੱਠੇ ਹੋਏ ਅਤੇ ਜੰਗ ਵਿੱਚ ਜਾਪਾਨ ਨੂੰ ਹਰਾਉਣ ਵਾਸਤੇ ਤਰਕੀਬਾਂ 'ਤੇ ਵਿਚਾਰਾਂ ਕੀਤੀਆਂ।
• 1949 – ਸੰਨ 1947 ਤੋਂ ਮਗਰੋਂ ਨਨਕਾਣਾ ਸਾਹਿਬ ਦੀ ਯਾਤਰਾ ਖੁਲ੍ਹੀ।
• 1967 – ਯੂ.ਐਨ.ਓ. ਨੇ ਮਤਾ ਨੰਬਰ 242 ਪਾਸ ਕਰ ਕੇ ਇਜ਼ਰਾਈਲ ਨੂੰ, ਉਸ ਵਲੋਂ 1967 ਦੀ ਲੜਾਈ ਵਿੱਚ ਜਿੱਤੇ, 6 ਮੁਲਕਾਂ ਦੇ ਇਲਾਕੇ ਮੋੜਨ ਵਾਸਤੇ ਅਤੇ ਵਿਰੋਧੀਆਂ ਨੂੰ ਇਜ਼ਰਾਈਲ ਨੂੰ ਮਾਨਤਾ ਦੇਣ ਵਾਸਤੇ ਕਿਹਾ।
• 1974 – ਯੂ.ਐਨ.ਓ. ਨੇ ਫ਼ਲਸਤੀਨ ਮੁਕਤੀ ਸੰਗਠਨ (ਪੀ.ਐਲ.ਓ.) ਨੂੰ ਆਬਜ਼ਰਵਰ ਸਟੇਟਸ ਦੇਣ ਨੂੰ ਮਨਜ਼ੂਰੀ ਦਿਤੀ।
• 1986 – ਮਾਈਕ ਟਾਈਸਨ ਦੁਨੀਆ ਦਾ ਸਭ ਤੋਂ ਨਿੱਕੀ ਉਮਰ ਦਾ ਹੈਵੀਵੇਟ ਬਾਕਸਿੰਗ ਦਾ ਚੈਂਪੀਅਨ ਬਣਿਆ | ਉਦੋਂ ਉਸ ਦੀ ਉਮਰ 20 ਸਾਲ 4 ਮਹੀਨੇ ਸੀ।
• 2005 – ਐਂਜ਼ਿਲ੍ਹਾ ਮੇਰਕਲ ਜਰਮਨ ਦੀ ਪਹਿਲੀ ਔਰਤ ਚਾਂਸਲਰ ਚੁਣੀ ਗਈ।
• 2005 – ਮਾਈਕਰੋਸਾਫ਼ਟ ਨੇ 'ਐਕਸ ਬਾਕਸ 360' ਜਾਰੀ ਕੀਤਾ।
• 2013 – ਅਮਰੀਕਾ ਅਤੇ ਇਰਾਨ ਵਿੱਚ ਪ੍ਰਮਾਣੂੂ ਸਮਝੌਤਾ ਹੋਇਆ, ਇਸ ਨਾਲ ਦੋਹਾਂ ਮੁਲਕਾਂ ਵਿੱਚ ਟੱਕਰ ਦਾ ਖ਼ਦਸ਼ਾ ਇੱਕ ਵਾਰ ਤਾਂ ਖ਼ਤਮ ਹੋ ਗਿਆ।

• 1819 – ਇੰਗਲਿਸ਼ ਨਾਵਲਕਾਰ ਜਾਰਜ ਐਲੀਅਟ ਦਾ ਜਨਮ।
• 1830 – ਭਾਰਤੀ ਦੀ 1857 ਦਾ ਆਜ਼ਾਦੀ ਸੰਗਰਾਮੀ ਝਲਕਾਰੀ ਬਾਈ ਦਾ ਜਨਮ।
• 1852 – ਫ਼ਰਾਂਸੀਸੀ ਸਿਆਸਤਦਾਨ ਅਤੇ ਨੀਤੀਵਾਨ ਪੌਲ ਡ ਕੋਂਸਤੌਂ ਦਾ ਜਨਮ।
• 1869 – ਫ਼ਰਾਂਸੀਸੀ ਲੇਖਕ ਆਂਦਰੇ ਯੀਦ ਦਾ ਜਨਮ।
• 1890 – ਫ਼ਰਾਂਸੀਸੀ ਜਨਰਲ, ਟਾਕਰਾਕਾਰ, ਲਿਖਾਰੀ ਅਤੇ ਨੀਤੀਵਾਨ ਸ਼ਾਰਲ ਡ ਗੋਲ ਦਾ ਜਨਮ।
• 1892 – ਗਾਂਧੀ ਜੀ ਦੀ ਸ਼ਿਸ ਮੀਰਾਬੇਨ ਦਾ ਜਨਮ।
• 1938 – ਚੀਨੀ-ਜਨਮ ਦੇ ਅਮਰੀਕੀ ਵਿਧੀ ਵਿਗਿਆਨੀ ਹੈਨਰੀ ਲੀ ਦਾ ਜਨਮ।
• 1939 – ਭਾਰਤੀ ਰਾਜਨੇਤਾ ਮੁਲਾਇਮ ਸਿੰਘ ਯਾਦਵ ਦਾ ਜਨਮ।
• 1961 – ਪੁਰਤਗਾਲ ਦਾ ਵਕੀਲ ਅਤੇ ਪ੍ਰਧਾਨ ਮੰਤਰੀ ਅੰਤੋਨੀਓ ਕੋਸਟਾ ਦਾ ਜਨਮ।
• 1968 – ਡੈਨਿਸ਼-ਕਨੇਡੀਅਨ ਪ੍ਰੋਗਰਾਮਰ ਰਾਸਮਸ ਲਰਡੋਰਫ ਦਾ ਜਨਮ।

• 1916 – ਅਮਰੀਕੀ ਲੇਖਕ, ਪੱਤਰਕਾਰ ਅਤੇ ਸਮਾਜ ਸੇਵਕ ਜੈਕ ਲੰਡਨ ਦਾ ਦਿਹਾਂਤ।
• 1963 – ਬ੍ਰਿਟਿਸ਼ ਲੇਖਕ ਐਲਡਸ ਹਕਸਲੇ ਦਾ ਦਿਹਾਂਤ।
• 1963 – ਅਮਰੀਕਨ ਰਾਸ਼ਟਰਪਤੀ ਜੇ ਐੱਫ਼ ਕੈਨੇਡੀ ਨੂੰ ਡਾਲਾਸ (ਟੈਕਸਾਜ਼ ਸਟੇਟ) ਵਿੱਚ ਇੱਕ ਮੋਟਰਕੇਡ ਵਿੱਚ ਜਾਂਦਿਆਂ ਗੋਲੀ ਮਾਰ ਕੇ ਕਤਲ ਕਰ ਦਿਤਾ ਗਿਆ |
• 1967 – ਮਹਾਨ ਸਿੱਖ ਮਾਸਟਰ ਤਾਰਾ ਸਿੰਘ ਦਾ ਦਿਹਾਂਤ।
• 2000 – ਚੈੱਕ ਗਣਰਾਜ ਦਾ ਲੰਮੀ ਦੌੜ ਦਾ ਉਲ਼ੰਪਿਕ ਖਿਡਾਰੀ ਏਮਿਲ ਜਤੋਪੇਕ ਦਾ ਦਿਹਾਂਤ।
• 2006 – ਭਾਰਤੀ ਰਸਾਇਣ ਵਿਗਿਆਨੀ ਅਸੀਮਾ ਚੈਟਰਜੀ ਦਾ ਦਿਹਾਂਤ।