கடைநிலை

புறநானூற்றுப் பாடல்களுக்குத் தரப்பட்டுள்ள துறைகளில் கடைநிலை என்பதும் ஒன்று. இது பாடாண் திணையின் துறை. புறநானூற்றில் இத்துறைப் பாடல்கள் 11 உள்ளன. அவை 127, 382, 383, 384, 391, 392, 393, 394, 395, 396, 398

• கடைநிலையைத் தொல்காப்பியம் இதனை, நெடுந்தொலைவிலிருந்து வரும் வருத்தம் நீங்க அரசனுக்கு எடுத்துரைக்குமாறு வாயில் காவலனை வேண்டுவது எனக் குறிப்பிடுகிறது. ^[1]
• புறப்பொருள் வெண்பாமாலை பாடாண் திணையின் 48 துறைகளில் ஒன்றாக இதற்கு ‘வாயில் நிலை’ என்னும் பெயரிட்டுக் குறிப்பிடுகிறது. ^[2]

• ஆய் தன் மனைவியின் தாலியைத் தவிர அனைத்தும் தருவான் எனக் கேள்விப்பட்டேன். ^[3]
• கடற்படை கொண்டுவந்த செல்வம் மிக்க சோழன் நலங்கிள்ளியைத் தவிர வேறு யாரையும் பாடமாட்டேன் என்கிறார் கோவூர் கிழார். ^[4]
• கோழி கூவும் நேரத்தில் மாறோக்கத்து நப்பசலையார் அவியன் வாயிலில் நின்றுகொண்டு அவனது உழவு மாடுகளை வாழ்த்திப் பாடினாராம். உடனே அவன் உள்ளே அழைத்துச் சென்று புத்தாடை அணிவித்து விருந்து படைத்தானாம். ^[5]
• கரும்பனூர் கிழான் அவைக்குள் செல்ல புறத்திணை நந்நாகனார் தயங்கினார். கரும்பனூர் கிழான் உள்ளே அழைத்துச் சென்று நிணச்சோறும், நெய்ச்சோறும் ஊட்டிப் போற்றினார். ^[6]
• கல்லாடனார் தன் வேங்கட நாட்டு வடபுலம் பசியால் வாடியபோது பொறையாறு வந்து பொறையாற்று கிழான் வாயிலில் நின்று பாடினார். ^[7]
• விடியற்காலையில் ஔவையார் அதியமான் மகன் எழினியின் அரண்மனை வாயிலில் நின்றுகொண்டு யானைக் காலடி போன்ற தன் ‘ஒருகண் மாக்கிணை’ என்னும் பறையை முழக்கினாராம். உடனே எழினி வந்து உள்ளே அழைத்துச் சென்று விருந்து படைத்தானாம். ^[8]
• நல்லிறையனார் சோழன் குளமுற்றத்துத் துஞ்சிய கிள்ளிவளவன் வாயிலிரும் ^[9]
• கோனாட்டு எறிச்சலூர் மாடலன் மதுரைக் குமரனார் சோழிய ஏனாதி திருக்குட்டுவன் வயிலிலும் ^[10]
• நக்கீரர் பிடவூர் கிழான் மகன் பெருஞ்சாத்தன் வாயிலிலும் ^[11]
• மாங்குடி கிழார் வாட்டாற்று எழினியாதன் வாயிலிலும், ^[12]
• திருத்தாமனார் சேரமான் வஞ்சன் வாயிலிலும் ^[13]

நின்று பாட அவர்கள் புலவரைப் பேணிப் பரிசு வழங்கிப் பாதுகாத்தனர்.