கல்யாணப்பரிசு என்பது சன் தொலைக்காட்சியில் பிப்ரவரி 10, 2014 முதல் மார்ச்சு 27, 2020 ஆம் ஆண்டு வரை ஒளிபரப்பான தொலைக்காட்சி நாடகத் தொடர் ஆகும். இந்தத் தொடரை விஷன் டைம் சார்பில் வைதேகி ராமமூர்த்தி என்பவர் தயாரித்துள்ளார். இந்த தொடரின் முதல் பருவத்தில் பி.ஆர். நேகா, ஸ்ரீதேவி, சுருதி சண்முக பிரியா, ஆர். விவு, அகிலா, ஈஸ்வர் ரகுநாதன், மனுஷ் மன்மோகன், பி.ஜெயலட்சுமி போன்ற பலர் நடித்துள்ளார்கள்.[1][2][3]
இந்த தொடரின் இரண்டாம் பருவத்தில் ஸ்ரிதிகா, அர்னாவ், வனிதா கிருஷ்ணசந்திரன், சத்தியப்பிரியா போன்ற பலர் நடித்துள்ளார்கள். மதிய நேரத் தொடர்களில் அதிகளவு மக்களால் பார்க்கப்படும் தொடர்களில் இரண்டாம் இடமும், அதிகம் பார்க்கப்படும் தொடர்களில் இந்தத் தொடருக்கு 18வது இடமும் என்பது குறிப்பிடத்தக்கது.
இந்தத் தொடருக்கு கவிஞர் வைரமுத்து பாடல் எழுதி இருக்கின்றார். ரீட்டா பாடலைப் பாடியுள்ளார் மற்றும் சத்யா பாடலுக்கு இசை அமைத்துள்ளார் மற்றும் ஹரி பின்னணி இசை அமைத்துள்ளார்.
ஒளிபரப்பு நேரம் மாற்றம்
இந்த தொடர் முதல் முதலில் 10 பெப்ரவரி 2014 அன்று பிற்பகல் 2:30 மணிக்கு ஒளிபரப்பானது. 18 மார்ச்சு 2019 முதல் இவ் தொடர் திங்கள் முதல் சனிக்கிழமை வரை பிற்பகல் 3 மணிக்கு நேரம் மாற்றப்பட்டது. இந்த தொடர் ஒளிபரப்பான நேரத்தில் நிலா என்ற தொடர் ஒளிபரப்பானது. பின்னர் டிசம்பர் 16, 2019 முதல் திங்கள் முதல் சனிக்கிழமை வரை காலை 11 மணிக்கு ஒளிபரப்பானது.
.jpg)
