கோண்ந்வானா கணதந்திர கட்சி

கோண்ந்வானா கணதந்திர கட்சி
சுருக்கக்குறி	GGP
நிறுவனர்	கீரா சிங் மார்கம்
தொடக்கம்	13 சனவரி 1991 (34 ஆண்டுகள் முன்னர்) (1991-01-13)
தலைமையகம்	திவார்தா கிராமம், தேக், காத்கோரா, கோர்பா மாவட்டம், சத்தீசுகர்
கொள்கை	கோண்டு மக்கள், சிறுபான்மையினர் நலம்
நிறங்கள்	ஊதா
இ.தே.ஆ நிலை	பதிவு பெற்ற அங்கீகாரம் பெறாத கட்சி[1]
தேசியக் கூட்டுநர்	கீரா சிங் மார்கம்
தேர்தல் சின்னம்
இந்தியா அரசியல்

கோண்ந்வானா கணதந்திர கட்சி (Gondwana Gantantra Party) என்பது கீரா சிங் மார்க்கம் என்பவரால் நிறுவப்பட்ட இந்தியாவில் உள்ள ஒரு மாநிலக் கட்சியாகும்.^[2][3] இதனுடைய முதன்மையாக நோக்கம் பழங்குடி சமூகம் மற்றும் அதன் அரசியல் மேம்பாடாகும்.^[4][5][6]

கோண்ந்வானா கணதந்திர கட்சியானது 1991ஆம் ஆண்டு கோண்டு மக்களின் உரிமைகளுக்காக வாதிடவும், மத்திய இந்தியாவில் கோண்ட்வானா என்ற தனி இந்திய மாநிலத்தை நிறுவவும் உருவாக்கப்பட்டது.

உத்தரப்பிரதேசத்தில் 2002-ல் மாநிலச் சட்டப் பேரவைதேர்தலில் கோண்ட்வானா கணதந்திர கட்சி 8 வேட்பாளர்களை நிறுத்தியது. இவர்கள் மொத்தமாக 11,262 வாக்குகளைப் பெற்றனர்.

மத்தியப் பிரதேசத்தின் மாநிலச் சட்டப் பேரவைத் தேர்தலில்^[7] 2003ஆம் ஆண்டில் 61 வேட்பாளர்களை நிறுத்தியது. இவர்கள் 5,12,102 வாக்குகளைப் பெற்றனர். மூவர் சட்டமன்ற உறுப்பினர்களாகத் தேர்ந்தெடுக்கப்பட்டனர்.

சத்தீசுகர் மாநிலச் சட்டமன்றத் தேர்தலில் 2003ஆம் ஆண்டில் 41 பேர் போட்டியிட்டனர். ஆனால் யாரும் தேர்ந்தெடுக்கப்படாத போதிலும் இக்கட்சி மொத்தத்தில் 1,56,916 வாக்குகளைப் பெற்றது.

2004 இந்தியப் பொதுத் தேர்தலில் மத்தியப் பிரதேசம், சத்தீசுகர், பீகார், உத்தரப்பிரதேசம் மற்றும் மகாராட்டிராவில் போட்டியிட்டது.^[8][9][10]

2018 மத்தியப் பிரதேச சட்டப் பேரவைத் தேர்தலில் கோண்ந்வானா கணதந்திரக் கட்சி சமாஜ்வாதி கட்சியுடன் தேர்தலுக்கு முந்தைய கூட்டணியை அமைத்தது.^[11]

விக்கிமீடியா பொதுவகத்தில்,
கோண்ந்வானா கணதந்திர கட்சி
என்பதில் ஊடகங்கள் உள்ளன.

முகநூலில் கோண்ந்வானா கணதந்திர கட்சி