பிரதிநிதித்துவமற்ற நாடுகள் மற்றும் மக்கள் அமைப்பு

பிரதிநிதித்துவம் அற்ற அரசுகள் மற்றும் மக்கள் அமைப்பு
கொடி சின்னம்
உலகளாவிய பிரதிநிதித்துவம் அற்ற அரசுகள் மற்றும் மக்கள் அமைப்புகளின் வரைபடம், 2015 (click to enlarge and for legend).
தலைமையிடம்	பிரசெல்சு நகரம், பெல்ஜியம்
அங்கத்துவம்	44 குழுக்கள்[1]
தலைவர்கள்
• General Secretary[2]	ரால்ப் ஜெ. புஞ்சே III (2018–தற்போது வரை)
• தலைவர்[2]	நாசர் போலதாய்
• துணைத் தலைவர்கள்[2]	டோல்க்குன் இசா ஆப்பிரகாம் மகதி
உருவாக்கம்	11 பிப்ரவரி 1991
வலைத்தளம் http://www.unpo.org/

பிரதிநிதித்துவம் அற்ற அரசுகள் மற்றும் மக்கள் அமைப்பு (Unrepresented Nations and Peoples Organization (UNPO) பிரதிநிதித்துவம் அற்ற, ஒடுக்கப்பட்ட நாடற்ற தேசிய இன மக்கள் மற்றும் நாடு கடந்த அரசுகளின் குரலை உலகளவில் ஒலிப்பதற்காக, நெதர்லாந்து நாட்டின் தலைநகரமான த ஹேக்கில் 11 பிப்ரவரி 1991 அன்று நிறுவப்பட்ட ஒரு பன்னாட்டு அமைப்பாகும்.^[3][4]நாடாற்ற தேசிய இன மக்கள் சிறுபான்மை குழுவினர், நாடு கடந்த அரசுகள், இராணுவப் புரட்சியால் கைப்பற்றப்பட்ட பகுதியின் மக்கள் இந்த அமைப்பில் உறுப்பினர்களாக உள்ளனர்.

பிரதிநிதித்துவம் அற்ற அரசுகள் மற்றும் மக்கள் அமைப்பு, சுயநிர்ணய உரிமை பற்றிய புரிதலையும், மரியாதையையும் வளர்ப்பதற்கு செயல்படுகிறது, சர்வதேச அங்கீகாரம் மற்றும் அரசியல் தன்னாட்சி தொடர்பான ஆலோசனைகளையும், ஆதரவையும் வழங்குகிறது. மேலும் பிரதிநிதித்துவம் அற்ற அரசுகள் மற்றும் மக்கள் குழுக்களுக்கு பன்னாட்டு அளவில் எவ்வாறு வாதிடுவது என்பது குறித்து பயிற்சி அளிக்கிறது. இவ்வமைப்பின் உறுப்பு குழுக்களுக்கு எதிராக நிகழ்த்தப்பட்ட மனித உரிமைகள் மீறல்களுக்கு சர்வதேச பதிலை நேரடியாக ஆதரிக்கின்றன.

இவ்வமைப்பின் முன்னாள் நாடற்ற தேசிய இனத்தவர்களான ஆர்மீனியா, சியார்சியா, எசுத்தோனியா, லாத்வியா, கிழக்கு திமோர் மற்றும் பலாவு நாடுகள் முழு இறையாண்மை பெற்ற நாடுகளாக உருப்பெற்றுள்ளதுடன், ஐக்கிய நாடுகள் அவையிலும் உறுப்பினர்களாக உள்ளது. ^[5][6]

• மனித உரிமைகளுக்கான உலகளாவிய பிரகடனம் மற்றும் பிற சர்வதேச கருவிகளில் குறிப்பிடப்பட்டுள்ள சர்வதேச அளவில் ஏற்றுக்கொள்ளப்பட்ட மனித உரிமைகள் தரங்களை பின்பற்றுவது.
• ஜனநாயகப் பன்மைத்துவத்தின் கொள்கைகளைப் பின்பற்றுதல் மற்றும் சர்வாதிகாரத்தையும் மத சகிப்பின்மையையும் நிராகரித்தல்.
• அகிம்சையை ஊக்குவித்தல் மற்றும் பயங்கரவாதத்தை கொள்கையின் கருவியாக நிராகரித்தல்.
• இயற்கைச் சூழலின் பாதுகாப்பு உறுதிப்டுத்துதல்.

பிரதிநிதித்துவம் அற்ற அரசுகள் மற்றும் மக்கள் அமைப்பின் அனைத்து உறுப்பினர்களும் இதன் உடன்படிக்கையில் கையொப்பமிட வேண்டும்.^[7]இதன் அமைப்பில் உள்ள உறுப்பினர்கள் எவ்வித தீவிரவாத செயல்களில் ஈடுபடக்கக்கூடாது.^[8]

பிரதிநிதித்துவம் அற்ற அரசுகள் மற்றும் மக்கள் அமைப்பின் உறுப்பினர்கள்:^[9]

உறுப்பினர்	சேர்ந்த நாள்	பிரதிநிதித்துவ அமைப்பு	Ref
அப்காசியா	6 ஆகத்து 1991	அப்காசிய குடியரசின் வெளியுறவுத் துறை அமைச்சகம்	[10]
அச்சே	11 பெப்ரவரி 1991	அச்சே-சுமத்திரா தேசிய விடுதலை முன்னணி	[11]
ஆப்ரிகானர்கள்	15 மே 2008	விடுதலை முன்னணி பிளஸ்	[12]
அவாஸ் அரேபியர்கள்	14 நவம்பர் 2003	ஜனநாயக அவாஸ் ஒற்றுகைக் கட்சி	[13]
அம்பாசோனியா[14]	28 மார்ச்சு 2018	அம்பாசோனியா ஆட்சிமன்றக் குழு	[15]
அசிரிய மக்கள்	6 ஆகத்து 1991	பன்னாட்டு அசிரிய மக்கள் கூட்டணி	[16]
பலூசிஸ்தான் (பாகிஸ்தான்)	1 மார்ச்சு 2008	பலுசிஸ்தான் தேசியக் கட்சி	[17]
பரோட்சேலாந்து [18]	23 நவம்பர் 2013	பரோட்சே தேசிய விடுதலை கூட்டமைப்பு	[19]
பெல்லா மக்கள்[20]	6 சூன் 2017	மாலியின் பெல்லா மக்கள் பண்பாட்டு காப்புச் சங்கம்	[21]
பயப்பிரா[22]	31 சூலை 2020	பயப்பிரா விடுதலை இயக்கம்	[1][23]
பிரித்தானி[24]	8 சூன் 2015	கெல்ச் அன் தெல்	[25]
காத்தலோனியர்கள்	14 திசம்பர் 2018	கத்தலோனியர்களின் தேசிய மன்றம்	[26]
சிட்டகாங் மலைத்தொடர்[27]	6 ஆகத்து 1991	அமைதிப் படை	[28]
வாசிங்டன், டி. சி.	4 திசம்பர் 2015	வாசிங்டன், கொல்ம்பியா மாவட்டம், மாநில அரசு இயக்கம்	[29]
கிரிமியாவின் தார்த்தர்கள்[30]	11 பெப்ரவரி 1991	மில்லி மெஜ்ஜிலிஸ்	[31]
கிழக்கு துருக்கிஸ்தான்	11 பெப்ரவரி 1991	உலக உய்குர் மக்கள் பேரரவை	[32]
ஜில்ஜிட்-பால்டிஸ்தான்	20 செப்டம்பர் 2008	ஜில்ஜிட் பல்திஸ்தன் ஜனநாயகக் கூட்டணி	[33]
குவாம்	31 சூலை 2020	குவாம் அரசு	[1][23]
அராதின் மக்கள்[34]	18 செப்டம்பர் 2011	மாரிடோனியா நாட்டு அராதின் மக்கள் புரட்சி இயக்கம்	[35]
மொங் மக்கள்	2 பெப்ரவரி 2007	உலக மொங் மக்கள் பேரரவை	[36]
ஈரானிய குர்துகள்	2 பெப்ரவரி 2007	ஈரானிய குர்துகளின் ஜனநாயக கட்சி	[37]
கபிலியா [38]	6 சூன் 2017	எம் ஏ கே- அனவாத்	[39]
கெமெர் குரோம்[40]	15 சூலை 2001	கெமர் மக்களின் கம்போடியா-குரோம் கூட்டமைப்பு	[41]
படிமம்:Flag of the Lezgi people.svg லெஸ்கின் மக்கள், அசர்பைஜான்[42]	7 சூலை 2012	லெஸ்கின் தன்னாட்சி தேசியம் மற்றும் பண்பாட்டு கூட்டமைப்பு	[43]
மதேசி மக்கள், நேபாளம்	14 அக்டோபர் 2017	மாதேசி மக்களின் விடுதலைக்கான கூட்டமைப்பு	[44]
நாகாலிம் மக்கள், நாகாலாந்து & மியான்மர் [45]	23 சனவரி 1993	தேசிய நாகாலிம் சோசலிசக் குழு	[46]
ஒகாடென் மக்கள்	6 பெப்ரவரி 2010	ஒகாடென் தேசிய விடுதலை முன்னணி[47]	[48]
ஓகோனி மக்கள்	19 சனவரி 1993	ஓகோனி மக்கள் வாழ்வுரிமை இயக்கம் [49]	[50]
ஒரோமோ மக்கள்]	19 திசம்பர் 2004	ஒரோமோ விடுதலை முன்னணி	[51]
ரெகோபோத் பாஸ்டர்ஸ் [52]	2 பெப்ரவரி 2007	கேப்டன்களின் குழ	[53]
சாம்பசி ஆற்றின் இன மக்கள்[54]	31 சூலை 2020	சாம்பசி ஆறு இன மக்கள் வாழ்வுரிமை இயக்கம் [55]	[1][23]
சவாய், மேற்கு ஆல்ப்ஸ் மலை[56]	15 சூலை 2014	சவாய் மக்களின் தற்காலிக அரசாங்கம்	[57]
சிந்தி மக்கள்	19 சனவரி 2002	உலக சிந்தியர்கள் நிறுவனம்[58]	[59]
சோமாலிலாந்து, சோமாலியா	19 திசம்பர் 2004	சோமாலிலாந்து அரசு	[60]
தெற்கு மலுக்குகள், இந்தோனேசியா	6 ஆகத்து 1991	தெற்கு மலுக்குகள் குடியரசு[61]	[62]
ஈரானிய அஜர்பைஜானியர்கள் [63]	2 பெப்ரவரி 2007	தெற்கு அஜர்பைஜானியர்களின் ஜனநாயகக் கட்சி	[64]
தெற்கு மங்கோலியா	2 பெப்ரவரி 2007	தெற்கு மங்கோலியர்கள் மனித உரிமை தகவல் மையம்	[65]
சுலு, பிலிப்பீன்சு[66]	5 சனவரி 2015	9 சுலு இனக்குழுக்களின் அறக்கட்டளை	[67]
தைவான்	11 பெப்ரவரி 1991	தைவான் ஜனநாயக அறக்கட்டளை	[68]
திபெத்	11 பெப்ரவரி 1991	திபெத்தியர்களின் மைய நிர்வாகம்	[69]
ஈரானிய பலுசிஸ்தான்	26 சூன் 2005	பலுசிஸ்தான் மக்கள் கட்சி	[70]
மேற்கு டோகோலாந்து மக்கள், கானா[71]	2017	டோகோலாந்து தாயகக் குழு அறக்கட்டளை	[72]
யொரூபா மக்கள், நைஜீரியா	31 சூலை 2020	பன்னாட்டு யொரூபா பேரரவை	[1][23]

• நாடு கடந்த அரசு
• நாடற்ற தேசிய இனம்

• அதிகாரப்பூர்வ இணையதளம்