பிரந்தாஸ் ஆறு

பிரந்தாஸ் ஆறு Brantas River Kali Brantas Sungai Brantas
பிரந்தாஸ் ஆறு, கெதிரி குறுமாநிலம்
பிரந்தாஸ் ஆற்றின் தொடக்கம்
அமைவு
மாநிலம்	கிழக்கு ஜாவா
சிறப்புக்கூறுகள்
மூலம்	அருஜுனோ வெளிராங் மலை Arjuno-Welirang
முகத்துவாரம்
⁃ அமைவு	மதுரா நீரிணை
⁃ ஆள்கூறுகள்	7°27′36″S 112°25′48″E / 7.46000°S 112.43000°E / -7.46000; 112.43000
நீளம்	320 km (200 mi)
வடிநில அளவு	11,900 km2 (4,600 sq mi)[1]
வெளியேற்றம்
⁃ அமைவு	முகத்துவாரம்
⁃ சராசரி	579 m3/s (20,400 cu ft/s)
வடிநில சிறப்புக்கூறுகள்
வடிநிலம்	பிரந்தாஸ் படுகை (DAS220228)[1]

பிரந்தாஸ் ஆறு (ஆங்கிலம்: Brantas River; இந்தோனேசியம்: Sungai Brantas) என்பது இந்தோனேசியா கிழக்கு ஜாவாவின் (East Java) மிக நீளமான ஆறு ஆகும்.^[2]

320 கி.மீ நீளம் கொண்ட இந்த ஆறு, 11,000 கி.மீ²-க்கும் கூடுதலான பரப்பளவில் வடிநிலத்தைக் கொண்டுள்ளது.^[3]

காவி மலை (Mount Kawi), வில்லிஸ் மலைகளின் (Mount Wilis) தெற்குச் சரிவு; மற்றும் லிமான்-லிமாஸ் மலை, அருஜுனோ வெளிராங் மலை (Mount Welirang), அஞ்சாஸ்மோரோ மலை (Mount Anjasmoro), ஆகிய மலைகளின் வடக்குச் சரிவுகளில் இருந்து இந்த ஆறு உற்பத்தி ஆகிறது.^[4]

இந்த ஆற்றின் பாதை, அரை வட்டம் அல்லது சுழல் வடிவத்தில் உள்ளது. அதன் மூலத்தில், இந்த ஆறு தென்கிழக்கு நோக்கிச் செல்கிறது. பின்னர் படிப்படியாகத் தெற்கு, தென்மேற்கு, மேற்குத் திசைகளில் வழிந்து, அதன் பின்னர் வடக்கு நோக்கி வளைந்து, இறுதியாக கிழக்கு நோக்கிப் பாய்கிறது.

இந்தக் கட்டத்தில், இந்த ஆறு பிரிந்து கலிமாஸ் ஆறு (Kalimas) மற்றும் போரோங் ஆறு (Porong River) என இரு ஆறுகளாக மாறுகிறது.

கி.பி 950-ஆம் ஆண்டு வாக்கில், முப்பு சிந்தோக் எனும் மன்னர் (Mpu Sindok), மத்திய ஜாவாவில் இருந்த மாதரம் இராச்சியத்தை, பிரந்தாஸ் ஆற்றங்கரையில் இருந்து ஒரு புதிய இடத்திற்கு மாற்றினார்.

மெராபி எரிமலை வெடிப்பு காரணமாக, முப்பு சிந்தோக் தன் இராச்சியத்தை தற்போதைய நகரமான மடியூனுக்கு (Madiun) அருகிலுள்ள இந்தப் புதிய இடத்திற்கு மாற்றி இருக்கலாம் என்றும் அறியப்படுகிறது.

பிரந்தாஸ் ஆற்றுப் பகுதியில் ஆண்டு சராசரி வெப்பநிலை 26°C ஆகும்.^[5] வெப்பமான மாதம் அக்டோபர் மாதம்; சராசரி வெப்பநிலை ஏறக்குறைய 30 °C; மிகக் குளிரான மாதம் சூன் மாதம்; சராசரி வெப்பநிலை 24 °C.

• சோலோ ஆறு
• பாத்தாங்காரி ஆறு
• ஆங்கே ஆறு
• ஓகன் ஆறு
• காயான் ஆறு
• இந்தோனேசிய நிலப் பகுதிகள்

• பொதுவகத்தில் பிரந்தாஸ் ஆறு தொடர்பாக ஊடகக் கோப்புகள் உள்ளன.