பைரவா (திரைப்படம்)

பைரவா
இயக்கம்	பரதன்
தயாரிப்பு	விஜயா புரொடக்சன்சு
கதை	பரதன்
இசை	சந்தோஷ் நாராயணன்
நடிப்பு	விஜய் கீர்த்தி சுரேஷ் ஜெகபதி பாபு சதீஸ்
ஒளிப்பதிவு	எம். சுகுமார்
படத்தொகுப்பு	பிரவீன் கே. எல்
கலையகம்	விஜயா புரொடக்சன்சு
நாடு	இந்தியா
மொழி	தமிழ்
ஆக்கச்செலவு	₹50 காேடி
மொத்த வருவாய்	₹100 காேடி

பைரவா (Bairavaa) விஜய் நடிப்பில் 2017 சனவரியில் வெளிவந்த ஒரு இந்தியத் தமிழ்த் திரைப்படமாகும். அதிரடித் திரைப்படமான இதனை இயக்குநர் பரதன் இயக்கியுள்ளார். இவர் ஏற்கனவே விஜய் நடிப்பில் உருவான அழகிய தமிழ் மகன் திரைப்படத்தை இயக்கியவராவார். விஜயா புரொடக்சன்சு நிறுவனம் தயாரித்துள்ள இத்திரைப்படத்தில் விஜய், கீர்த்தி சுரேஷ் ஆகியோர் முக்கிய வேடங்களிலும், சதீஸ், ஜெகபதி பாபு ஆகியோர் இதர துணை வேடங்களிலும் நடித்துள்ளனர். இத்திரைப்படத்திற்கு சந்தோஷ் நாராயணன் இசையமைத்துள்ளார். இது நடிகர் விஜய் நடிக்கும் 60ஆவது படமாதலால் முன்னதாக விஜய் 60 என்று அறியப்பட்டு, பின்னர் 2016 செப்டம்பரில் “பைரவா” எனப் பெயரிடப்பட்டது.^[1] இப்படத்தின் திரையரங்கு விநியோக உரிமையை சுமார் 100 கோடி வரை வியாபாரம் செய்தனர்.

நடிகர் அருண் பாண்டியன் இப்படத்தின் வெளிநாட்டு ஒளிபரப்பு உரிமையை ₹22 கோடி (ஐஅ$2.6 மில்லியன்) அளவிற்கு வாங்கியுள்ளார். இத்தொகையானது விஜய் நடிப்பில் முன்னதாக வெளியான தெறி திரைப்படத்தை விட மிக அதிகமாகும்.^[2][3]