மலேசிய தர நிர்ணய அமைவனம்

மலேசிய தர நிர்ணய அமைவனம்
	Malaysian Qualifications Agency; Agensi Kelayakan Malaysia
	மலேசிய அரசாங்கம்
அரசாங்க நிறுவனம் மேலோட்டம்
அமைப்பு	1970; 55 ஆண்டுகளுக்கு முன்னர்
தலைமையகம்	Mercu MQA, Jalan Teknokrat 7, Cyberjaya, Malaysia, 62000 சைபர்ஜெயா
அரசாங்க நிறுவனம் தலைமை	டாக்டர் முகமது சதர் சப்ரான்;
மூல நிறுவனம்	மலேசிய உயர்க் கல்வி அமைச்சு
வலைத்தளம்	www.mqa.gov.my

மலேசிய தர நிர்ணய அமைவனம் (மலாய்: Agensi Kelayakan Malaysia (AKM); ஆங்கிலம்: Malaysian Qualifications Agency) (MQA); என்பது மலேசியத் தகுதிச் சட்டம் 2007-இன் கீழ் மலேசியாவில் நிறுவப்பட்ட சட்டப்பூர்வமான தர நிர்ணய அமைப்பாகும். மலேசியாவின் கல்வி நிறுவனங்களால் வழங்கப்படும் இடைநிலைக் கல்வி; மற்றும் உயர்நிலைக் கல்வியை அங்கீகரிக்கும் அமைப்பாக மலேசிய தர நிர்ணய அமைவனம் உருவாக்கப்பட்டது.

மேலும் தனியார் கல்வி நிறுவனங்கள் வழங்கும் கல்வித் தகுதிகளுக்கான சான்றிதழ்களை அங்கீகரிக்கும் கடப்பாடும் மலேசிய தர நிர்ணய அமைவனத்திற்கு உண்டு. இந்த அமைப்பின் தலைமை அலுவலகம் சிலாங்கூர் சைபர்ஜெயாவில் உள்ளது.^[1]

பங்கு

மலேசிய உயர்கல்வியின் தர உறுதிப்பாட்டின் அடிப்படையில், மலேசியத் தகுதிக் கட்டமைப்பைச் செயல்படுத்துவதே மலேசிய தர நிர்ணய அமைவனத்தின் முக்கியப் பங்கு ஆகும். மற்றும் தேசியக் கல்வித் தகுதிகளுக்கான அளவுகோல்கள் மற்றும் தரநிலைகளை நிர்ணயம் செய்வதும் அந்த அமைப்பின் செயல்பாடுகளில் முக்கியமாகக் கருதப்படுகிறது. ^[2]

மலேசிய தர நிர்ணய அமைப்பின் செயல்பாடுகள்

மலேசியத் கல்வித் தகுதிக் கட்டமைப்பின் நிலைத்தன்மையைச் செயல்படுத்துதல்^[3]
கல்விக் கழங்களின் ஒத்துழைப்புடன் கல்வி விருதுகள், கல்விச் சான்றிதழ்களுக்கான தரநிலைகளை உருவாக்குதல்^[4]
உயர்க்கல்வி நிறுவனங்கள் மற்றும் அவற்றின் திட்டங்களின் தரத்தை உறுதிப்படுத்துதல்
நிர்ணயிக்கப்பட்ட அளவுகோல்கள் மற்றும் கல்வித் தரநிலைகளைப் பூர்த்தி செய்யும் கல்வித் துறைகளுக்கு அங்கீகாரம் வழங்குதல்
கல்வித் தகுதிகளை அங்கீகரித்து அவற்றின் நடைமுறைகளை எளிதாக்குதல்
மலேசியக் கல்வித் தகுதிகள் தொடர்பான பதிவேடுகளைப் பராமரித்தல்^[5]