மா. பாஸ்கர்

ஆஸ்கார் மூவீஸ் மா. பாஸ்கர் Oscar Movies M. Bhaskar
பிறப்பு	(1935-04-03)3 ஏப்ரல் 1935 பட்டம்புதூர், விருதுநகர் மாவட்டம், தமிழ்நாடு[1]
இறப்பு	13 சூலை 2013(2013-07-13) (அகவை 78) [2] சென்னை, தமிழ்நாடு
இனம்	தமிழ் தேவர்
கல்வி	பி. ஏ. ஆங்கில இலக்கியம், எம். ஏ. அரசியல் அறிவியல் எப். எல் (சட்டம்)
படித்த கல்வி நிறுவனங்கள்	பிரசிடென்சி கல்லூரி, சென்னைப் பல்கலைக் கழகம், சென்னை சட்டக் கல்லூரி, சென்னை
பணி	கதை, திரைக் கதை ஆசிரியர், வசனகர்த்தா, இயக்குநர் & தயாரிப்பாளர் (ஆஸ்கார் மூவீஸ் நிறுவனர்)
செயற்பாட்டுக் காலம்	1978-2013
அமைப்பு(கள்)	ஆஸ்கார் மூவீஸ்
பெற்றோர்	வி. எஸ். மாரியப்பத் தேவர் & ஜானகி அம்மாள்

மா. பாஸ்கர் (M.Bhaskar: 3 ஏப்ரல் 1935 - 13 சூலை 2013) தமிழ்த் திரைப்படத் துறைக்கு மிகுதியும் பணியாற்றிய தென்னிந்திய திரைப்படத் தயாரிப்பாளர் ஆவார். அவர், இயக்குநர் சி. வி. ஸ்ரீதரின் உதவியாளராகத் தம் திரைத்துறை வாழ்வைத் தொடங்கினார். பின்னர் தனது வழிகாட்டியும் குருவுமான, சி. வி. ஸ்ரீதரை விட்டு நீங்கிய அவர், சுந்தரம் மாடர்ன் தியேட்டர்ஸ், சின்னப்பத் தேவரின் கீழ் எஸ். பி. முத்துராமன், பஞ்சு அருணாசலம், தூயவன், உதிரிப் பூக்கள் பாலகிருஷ்ணன் மற்றும் பலருடன் இணைந்து பணியாற்றினார். மேலும் இவர், '20th Century Fox' என்னும் ஆலிவுட் கம்பெனி கோவாவில் படப்பிடிப்பு நடத்தியபோது அக்கம்பெனிக்காகப் பணியாற்றினார்.

மா. பாஸ்கர் விருதுநகர் மாவட்டத்திலுள்ள, பட்டம்புதூர் கிராமத்தைச் சேர்ந்தவராவார். இவர் இயக்குநர் சி. வி. ஸ்ரீதரின் உதவியாளராகத் தம் திரைத்துறை வாழ்வைத் தொடங்கினார். இவர் பைரவி என்னும் இந்தியத் தமிழ்த் திரைப்படம் மூலம் இயக்குநராக அறிமுகமானார்.^[1] பைரவி திரைப்படம் 1978 ஆம் ஆண்டு ஆஸ்கார் மூவீஸ் மா. பாஸ்கரால் இயக்கப்பட்டது. இதில் ரஜினிகாந்த் முக்கியப் பாத்திரத்தில் நடித்தார். ரஜினிகாந்த் தமிழ்திரையில் தனியொரு கதாநாயகனாக நடித்த முதல் திரைப்படம் இதுவாகும்.^[3] இப்படம் ரஜினிகாந்தின் திரையுலக வாழ்க்கையில் மாபெரும் திருப்புமுனையாக அமைந்து அவரை முன்னணி நடிகராக்கியது. ரஜினி இப்படத்தின்மூலம் சூப்பர்ஸ்டார் என்னும் பட்டத்தைப் பெற்றார்.^{[4][5][5][6][7]} இத்திரைப்படத்தில் ஸ்ரீபிரியா கதாநாயகியாகவும், கீதா ரஜினியின் தங்கையாகவும் நடித்தார்கள். கீதா இந்தப் படத்தில்தான் அறிமுகம் செய்யப்பட்டார். ஸ்ரீகாந்த் இப்படத்தின் முக்கிய வில்லனாக நடித்தார். மலையாள நடிகர் சுதீர் பைரவி கதாப்பாத்திரத்தின் ஒன்றுவிட்ட அண்ணனாக நடித்தார். மனோரமாவும் சுருளிராசனும் இதர முக்கியப் பாத்திரங்களில் நடித்தனர்.

பாஸ்கர் 2013 ஆம் ஆண்டு சூலை 13ஆம் நாள் மாரடைப்பு ஏற்பட்டு இறந்தார். அப்போது அவருக்கு அகவை 78 ஆகும்.^[1] இவருக்கு மீனா ராணி என்ற மனைவியும் பாலாஜி பிரபு, மாரியப்ப பாபு என இரு மகன்களும் ஜானகிபிரியா என ஒரு மகளும் இருக்கின்றனர்.^[8] இவரது இறப்புச் செய்தியானது தொலைக்காட்சி, நாளேடுகள், பத்திரிக்கைகள் மற்றும் பிற ஊடகங்கள் வாயிலாக உடனடியாக அறிவிக்கப்பட்டது.^[8]