யூரோப்பியம்(III) குரோமேட்டு

யூரோப்பியம்(III) குரோமேட்டு (Europium(III) chromate) என்பது EuCrO₄. என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். யூரோப்பியம், குரோமியம் மற்றும் ஆக்சிசன் ஆகிய தனிமங்கள் இணைந்து இச்சேர்மம் உருவாகிறது. யூரோப்பியம் +3 என்ற ஆக்சிசனேற்ற நிலையிலும் +5 என்ற ஆக்சிசனேற்ற நிலையில் குரோமியமும் மற்றும் -2 என்ற ஆக்சிசனேற்ற நிலையில் ஆக்சிசனும் இச்சேர்மத்தில் இடம் பெற்றுள்ளன.^[4][3]

யூரோப்பியம்(III) அசிடேட்டு மற்றும் குரோமியம்(IV) ஆக்சைடு ஆகிய சேர்மங்களின் சமமோலார் கரைசலை வெற்றிடத்தில் 70 பாகை செல்சியசு வெப்பநிலையில் உலர்த்தி பின்னர் காற்றில் 400 பாகை செல்சியசு வெப்பநிலை வரை சூடேற்றினால் யூரோப்பியம்(III) குரோமேட்டைப் பெறலாம்.^[2][5]

யூரோப்பியம்(III) நைட்ரேட்டு அறுநீரேற்று மற்றும் குரோமியம்(III) நைட்ரேட்டு ஒன்பது நீரேற்று ஆகியவற்றை விகிதாச்சார அளவுகளில் கலந்து 30 நிமிடங்களுக்கு 433 கெல்வின் வெப்பநிலையில் 30 நிமிடங்களும் 473 கெல்வின் வெப்பநிலையில் 30 நிமிடங்களும் 1 மணிநேரம் 853 கெல்வின் வெப்பநிலையிலும் வினைபுரியச் செய்யவேண்டும். ஆக்சிசன் வாயு வினை கலவையின் மீது தொடர்ச்சியாக அனுப்பப்பட்டு யூரோப்பியம்(III) குரோமேட்டைப் பெறுவது மற்றொரு தயாரிப்பு வழிமுறையாகும்.^[4]

Eu(NO₃)₃•6H₂O + Cr(NO₃)•9H₂O → EuCrO₄ + 6 NO₂ + 15H₂O

ஓர் அலகு செல்லுக்கு நான்கு வாய்ப்பாட்டு அலகுகள் என்ற அளவில் = a=722.134, c = 632.896 பைக்கோமீட்டர் என்ற அணிக்கோவை அளவுருக்களுடன், I41/amd (எண். 141) என்ற இடக்குழுவில் நாற்கோண வடிவத்தை ஏற்றுக் கொண்டு யூரோப்பியம்(III) குரோமேட்டு படிகமாகிறது.^[2] யூரோப்பியம்(III) குரோமேட்டின் நீல் வெப்பநிலை 15.9 கெல்வின் ஆகும். 700 °செல்சியசு வெப்பநிலைக்கு மேல் யூரோப்பியம்(III) குரோமேட்டு யூரோப்பியம் குரோமைட்டாக (EuCrO₃) சிதையத் தொடங்குகிறது.^[3]

2EuCrO₄ → 2 EuCrO₃ + O₂