விக்ரம் தர்மா
விக்ரம் தர்மா (பிறப்பு ஆர். என். தர்மசீலன் ; 1956 - 28 ஜூன் 2006) தமிழ், இந்தி, மலையாளம், கன்னடம், தெலுங்கு திரைப்படங்களில் பணியாற்றிய ஓர் இந்திய சண்டைப்பயிற்சியாளர் ஆவார். இவர் எம்ஜிஆரின் திரைப்படங்களில் பணியாற்றிய சண்டைப்பயிற்சியாளர் ஆர். என். நம்பியாரின் மகன்.[1][2] இவர் நடிகர் கமல் ஹாசனுடன் பல படங்களில் பணியாற்றினார்.[3] 1986ஆம் ஆண்டு வெளியான கமல் ஹாசனின் விக்ரம் திரைப்படத்தில் நடித்த பிறகு விக்ரம் தர்மா என்று பெயரிடப்பட்டு 1988ஆம் ஆண்டு வெளியான கமல் ஹாசனின் சத்யா திரைப்படத்தில் சண்டைப்பயிற்சியாளராக அறிமுகமானார். சண்டைப்பிற்சியாளர்கள் மற்றும் நடிகர்களான பொன்னம்பலம், ஸ்டன் சிவா, தளபதி தினேஷ், அனல் அரசு, கே. கணேஷ் குமார், ராம் லக்ஷ்மன், சுப்ரீம் சுந்தர், அன்பரிவ், மகாநதி சங்கர், பெசன்ட் ரவி, ராஜேந்திரன், இந்தியன் பாஸ்கர், சாய் தீனா, அழகு மற்றும் வெங்கல் ராவ் இவரிடம் சண்டைக் காட்சிக் கலைஞர்களாகவும், உதவியாளர்களாகவும் பணியாற்றியவர்களாவர்.[4][5][6] இவர் 2006 ஜூன் 28 அன்று தன் 50 வயதில் மாரடைப்பால் சென்னையில் இறந்தார்.[7] தொழில்முறைசண்டைக்காட்சி கலைஞர்விக்ரம் தர்மா தனது திரைப்பயணத்தை 1979ஆம் ஆண்டில் வெளியான கல்யாணராமன் திரைப்படத்தில் கமல் ஹாசனுக்கு சண்டைக்காட்சி கலைஞராக ஆரம்பித்தார். சண்டைப்பிற்சியாளர்கள் மற்றும் நடிகர்களான ஜூடோ. கே. கே. ரத்னம் மற்றும் V. கிருபாநிதியிடம் இவர் சண்டை கலைஞராகப் பணியாற்றினார். உதவி சண்டைப்பயிற்சியாளர்1983ஆம் ஆண்டில் ஜூடோ. கே. கே. ரத்னமிடம் உதவி சண்டைப்பயிற்சியாளராக பணியாற்றினார்.[8][9] நடிகர்1983ஆம் ஆண்டில் இருந்து தான் சண்டைக்காட்சி கலைஞராகவும், உதவி சண்டைப்பயிற்சியாளராகவும் பணியாற்றிய திரைப்படங்களில் சிறு கதாப்பாத்திரங்களில் நடித்திருந்தார். கமல் ஹாசன் மற்றும் இயக்குனர் ராஜசேகரின் படங்களில் பணியாற்றியதன் மூலம் தங்களுக்கு ஏற்கனவே பரிட்சயமான விக்ரம் தர்மாவுக்கு 1986ஆம் ஆண்டில் வெளியான விக்ரம் திரைப்படத்தில் நடிக்க வாய்ப்பளித்தனர். அத்திரைப்படத்திற்கு பிறகு தான் ஆர். என். தரம்சீலன் விக்ரம் தர்மா என்று பெயரிடப்பட்டார்.[10][11] சண்டைப்பயிற்சியாளர்1988ஆம் ஆண்டில் வெளியான சத்யா திரைப்படத்தில் கமல் ஹாசன் மற்றும் இயக்குனர் சுரேஷ் கிருஷ்ணா விக்ரம் தர்மாவுக்கு முதன் முதலில் சண்டைப்பயிற்சியாளராக வாய்ப்பளித்தனர்.[12] விக்ரம் தர்மா சண்டைப்பயிற்சியாளராக பணியாற்றிய முதல் திரைப்படம் சத்யா என்றாலும் இவர் சண்டைப்பயிற்சியாளராக பணியாற்றியதில் முதலில் வெளியான திரைப்படம் 1987ஆம் ஆண்டில் வெளியான வைராக்கியம். பின்னர் இவர் பல பிரபல நடிகர்களுடன் பணியாற்றி திரைப்படத்துறையில் தவிர்க்க முடியாத சண்டைப்பயிற்சியாளர் ஆனார். குறிப்பாக கமல் ஹாசனுடன் பல திரைப்படங்களில் தொடர்ந்து பணியாற்றினார்,[13][14] அவற்றில் சத்யா, அபூர்வ சகோதரர்கள், வெற்றி விழா, குணா, தேவர் மகன், மகாநதி, இந்தியன், ஹே ராம், ஆளவந்தான், விருமாண்டி போன்ற திரைப்படங்களில் அவர் அமைத்த சண்டைக்காட்சிகள் பாராட்டப்பட்டது, அவற்றில் சில திரைப்படங்களுக்கு விருதுகள் அளிக்கப்பட்டது. இவர் வணிகரீதியாக திரைப்படங்களுக்கு மட்டுமில்லாமல் எதார்த்த திரைப்படங்களுக்கும் ஏற்ப சண்டைக்காட்சிகள் அமைத்திருந்தார். ஆரம்பகால மற்றும் தனிப்பட்ட வாழ்க்கைவிக்ரம் தர்மா எம்ஜிஆரின் திரைப்படங்களில் சண்டைப்பயிற்சியாளராக பணியாற்றிய ஆர். என். நம்பியாரின் மகன். விக்ரம் தர்மா பீனா என்பவரை திருமணம் செய்தார். இந்த தம்பதியினருக்கு பிரியங்கா என்ற மகளும், ரோஷன் என்ற மகனும் உள்ளனர்.[15] விருதுகளும் கௌரவங்களும்
மேற்கோள்கள்
|
||||||||||
Portal di Ensiklopedia Dunia
