வெண்மார்புச் சிரிப்பான்

வெண்மார்புச் சிரிப்பான்
காப்பு நிலை
அழிவாய்ப்பு இனம்  (IUCN 3.1)[1]
உயிரியல் வகைப்பாடு
திணை:	விலங்கு
தொகுதி:	முதுகுநாணி
வரிசை:	பசாரிபார்மிசு
குடும்பம்:	லியோத்ரிச்சிடே
பேரினம்:	மான்டிசின்க்லா
இனம்:	M. meridionale
இருசொற் பெயரீடு
Montecincla meridionale (Blanford, 1880)

வெண்மார்புச் சிரிப்பான் என்பது சாம்பல் மார்பு சிரிப்பான் (Grey-breasted laughingthrush) என்றழைக்கப்படுகிறது. இப்போது இவை இரண்டு சிற்றினங்களாக பழனி சிரிப்பான் மற்றும் அசம்பு சிரிப்பான் பிரிக்கப்பட்டுள்ளன.

தமிழில்  :வெண்மார்புச் சிரிப்பான்

ஆங்கிலப்பெயர்  :Grey-breasted Laughingthrush

அறிவியல் பெயர் :Montecincla meridionale ^[2]

20 செ.மீ. - சிலேட் பழுப்பு நிறத்தலையும் ஆலிவ் பழுப்பு நிற உடலும் கொண்டது. தொண்டை, கன்னம், மார்பு ஆகியன சாம்பல் நிறம், வயிறு வெளிர் சிவப்பு.

நீலகிரி, கொடைக்கானல், ஆனைமலை சார்ந்த மலைப் பகுதிகளில் பசுமைமாறாக் காடுகளையும் மலைவாசிகள் குடியிருப்புகளையும் அடுத்துக் காணலாம். 6 முதல் 12 வரையான குழுவாகப் காணப்படும்.

6 முதல் 12 வரையான குழுவாகப் புதர்களிடையே தாவித் திரிந்து புழபூச்சிகள், சிறுகனிகள் முதலியனவற்றை இரையாகத் தேடித் தின்னும்.

அச்சம் ஏற்பட்டால் பதுங்கி ஒளிந்து கொள்ளும். உரக்கச் சீழ்க்கை ஒலி எழுப்பியும் குழு முழுதும் ஒன்றாகச் சிரிப்பது போல கலகலத்தும் மாங்குயில் போல இனிய குரலில் கூவியும் தனது இருப்பை அறிவிக்கும். ஓடிப் புதர்களிடையே மறையும் போது விட்-விட்-விட் என சிறு குரலெழுப்பும். டிசம்பர் முதல் ஜூன் வரை தனித்து நிற்கும் புதர்களிடையே வெளியே தெரியாதபடி மறைவாகப் கோப்பை வடிவிலான கூடமைத்து 2 முட்டைகள் இடும். ^{[3] [4]}