Башкортстан митрополиясе

Башкортстан митрополиясе (рус. Башкортостанская митрополия, баш. Башҡортостан митрополияһы)^[1] — Башкортстан территориясендә Рус православие чиркәвенең Мәскәү патриархлыгына караучы чиркәү-административ берәмлеге (митрополия). Изге Синод карары белән 2011 елның 27 декабрендә булдырылган. Бөре, Нефтекама, Салават һәм Уфа епархияләрен берләштерә.

Митрополия башлыгы — Уфа епархиясе идарәчесе, Уфа һәм Стәрлетамак митрополиты Никон.

Митрополия Рус православие чиркәвенең тарихи Уфа һәм Стәрлетамак епархиясе урынына Рус православие чиркәве епархия идарәсенең яңадан төзелә башлаган өч баскычлы структурасы оешуга ярашлы булдырыла.

Төп мәкалә: Бөре епархиясе

2017 елның 29 июлендә Рус православие чиркәвенең Изге Синоды карары буенча Уфа, Нефтекама һәм Салават епархияләреннән аерып чыгару юлы белән ясалган.

Территория: Башкортстан Республикасының Баймак, Белорет, Бөре, Учалы шәһәрләре; Әбҗәлил, Архангел, Баймак, Белорет, Бөре, Бөрҗән, Зилаер, Иглин, Караидел, Мишкә, Нуриман, Учалы, Хәйбулла районнары.

Төп мәкалә: Нефтекама епархиясе

Территория: Башкортстан Республикасының Бәләбәй, Дүртөйле, Нефтекама, Октябрьский, Туймазы, Яңавыл шәһәрләре; Аскын, Бакалы, Балтач, Бәләбәй, Балакатай, Благовар, Бүздәк, Борай, Дуван, Дүртөйле, Ярмәкәй, Илеш, Калтасы, Кыйгы, Кызыл Кама, Мәчетле, Салават, Тәтешле, Туймазы, Чакмагыш, Шаран һәм Яңавыл районнары.

Төп мәкалә: Салават епархиясе

Территория: Башкортстан Республикасының Ишембай, Мәләвез, Салават, Күмертау шәһәрләре; Әлшәй, Авыргаз, Бишбүләк, Дәүләкән, Зиянчура, Ишембай, Күгәрчен, Кушнаренко, Куергазы, Мәләвез, Миякә, Стәрлебаш, Фёдоровка һәм Чишмә районнары.

Төп мәкалә: Уфа епархиясе

Территория: Башкортстан Республикасының Благовещенск, Стәрлетамак, Уфа шәһәрләре; Благовещен, Гафури, Кырмыскалы, Стәрлетамак һәм Уфа районнары.

1990 елдан алып епархияне митрополит Никон (Васюков) җитәкли (башта епископ, архиепископ).

• Башкортостанская митрополия
• о Башкортостанской митрополии
• Башкортостанская митрополия 2020 елның 5 декабрь көнендә архивланган.