Ігар Васілевіч Соўпель

Ігар Васілевіч Со́ўпель^[1] (нар. 8 красавіка 1949) — вучоны ў галіне тэхнічнай кібернетыкі і інфарматыкі, доктар тэхнічных навук (1992), кандыдат фізіка-матэматычных навук (1980), прафесар (1994).

Нарадзіўся ў вёсцы Гарадзец (сучасны аграгарадок, Кобрынскі раён, Брэсцкая вобласць, Беларусь). У 1966 годзе скончыў сярэднюю школу^[2]. Паступіў у Беларускі дзяржаўны ўніверсітэт, які скончыў у 1971 па спецыяльнасці «Матэматыка». Працаваў у Інстытуце матэматыкі Акадэміі навук БССР^[2]. У 1978 годзе скончыў аспірантуру на кафедры матэматычнага забеспячэння аўтаматычнай сістэмы кіравання^[2] Беларускага дзяржаўнага ўніверсітэта. З 1979 года працуе на факультэт прыкладной матэматыкі і інфарматыкі Беларускага дзяржаўнага ўніверсітэта. У 1997—2002 гадах^[3] на пасадзе загадчыка кафедры інфармацыйных сістэм кіравання.

Аўтар прац па стварэнні інтэлектуальных інфармацыйных сістэм, лінгвістычных баз ведаў, семантычным аналізе тэкстаў.

Сярод апублікаванага

• Инженерно-лингвистические принципы, методы и алгоритмы автоматической переработки текста / И. В. Совпель. — Мш.: Вышэйшая школа, 1991. — ISBN 5-339-00653-0
• Лингвистические ресурсы белорусского языка и их приложения. // Інтэрнет і камп’ютэр: матэрыялы круглага стала Міжнароднага сімпозіума «Разнастайнасць моў і культур у кантэксце глабалізацыі», Мінск, 2002.
• Автоматизация обработки текста / И. В. Совпель. — Минск: БГУ, 2016.

• Соўпель Ігар Васілевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 91. — 10 000 экз. — ISBN 985-11-0035-8. — ISBN 985-11-0251-2 (т. 15).

• Соўпель Ігар Васілевіч на сайце анлайн-энцыклапедыі «Беларусь у асобах і падзеях»
• Соўпель Iгар Васiльевiч, доктар тэхнічных навук, кандыдат фізіка-матэматычных навук, інфарматыка на сайце анлайн-энцыклапедыі «Беларусь у асобах і падзеях»
• Асабістая старонка на сайце Беларускага дзяржаўнага ўніверсітэта Архівавана 22 мая 2022. (руск.)