Ілья Іосіфавіч Кабакоў

Ілья Іосіфавіч Кабакоў
Дата нараджэння	30 верасня 1933(1933-09-30)[1][2][…]
Месца нараджэння	Днепрапятроўск, Днепрапятроўская вобласць, УССР, СССР[3]
Дата смерці	27 мая 2023(2023-05-27)[4][5] (89 гадоў)
Месца смерці	Лонг-Айленд[d], штат Нью-Ёрк, ЗША
Грамадзянства	СССР  ЗША[6]
Жонка	Emilia Kabakov[d][7]
Дзеці	Galina Kabakova[d]
Род дзейнасці	скульптар, мастак, дзеяч мастацтваў, мастак-гравёр, фатограф, мастак-канцэптуаліст, рысавальнік, дзеяч выяўленчага мастацтва, відэамастак
Жанр	абстракцыянізм і канцэптуальнае мастацтва[d]
Вучоба	Moscow Academic Art Liceum[d]
Мастацкі кірунак	абстракцыянізм
Член у	Еўрапейская акадэмія навук і мастацтваў[d]
Узнагароды	Госларскае кальцо імператара[d] (1998) Aachen art prize[d] (1990) прэмія Макса Бекмана[d] (1993) Імператарская прэмія (2008)
Сайт	ilya-emilia-kabakov.com (англ.)
Медыяфайлы на Вікісховішчы

Ілья Іосіфавіч Кабакоў (30 верасня 1933, Днепрапятроўск — 27 мая 2023) — савецкі і амерыканскі мастак, прадстаўнік маскоўскага канцэптуалізму.

Набыў вядомасць у познесавецкі і постсавецкі перыяды дзякуючы інсталяцыям, у якіх даследаваў пачуццё адчужанасці і нуды, уласцівыя для савецкай паўсядзённасці.

Нарадзіўся 30 верасня 1933 года ў Днепрапятроўску ў сям’і слесара Іосіфа Бенцыянавіча Кабакова і бухгалтара Бэлы Юдэлеўны Саладухінай.

У 1941 годзе разам з маці патрапіў у эвакуацыю ў Самарканд. У 1943 годзе яго прынялі ў Мастацкую школу пры Ленінградскім інстытуце жывапісу, скульптуры і архітэктуры імя Рэпіна, выкладчыкі і вучні якой таксама былі эвакуіраваны ў Самарканд. Адтуль Кабакова ў 1945 годзе перавялі ў Маскоўскую сярэднюю мастацкую школу (МСМШ). Яе ён скончыў у 1951 годзе і тады ж паступіў на аддзяленне графікі ў Сурыкаўскі інстытут (Маскоўскі дзяржаўны акадэмічны мастацкі інстытут імя В. І. Сурыкава), дзе займаўся ў майстэрні кнігі ў прафесара Б. А. Дзехцерава. Скончыў інстытут у 1957 годзе.

З 1956 года Ілля Кабакоў пачаў ілюстраваць кнігі для выдавецтва «Детгиз» (з 1963 года — «Дзіцячая літаратура») і для часопісаў «Маляня», «Мурзілка», «Вясёлыя карцінкі». З другой паловы 1950-х гадоў пачаў займацца жывапісам «для сябе».

У 1960-х гадах быў актыўным удзельнікам дысідэнцкіх мастацкіх экспазіцый у Савецкім Саюзе і за мяжой.

Памёр 27 мая 2023 года^[8].