Алена Мікалаеўна Купчына

Алена Купчына
Алена Купчына
Надзвычайны і Паўнамоцны Пасол Рэспублікі Беларусь у Аўстрыйскай Рэспубліцы
	15 снежня 2016 — 25 лютага 2020
Папярэднік	Валерый Варанецкі
Пераемнік	Андрэй Дапкюнас
Надзвычайны і Паўнамоцны Пасол Рэспублікі Беларусь у Рэспубліцы Славенія па сумяшчальніцтве
	12 лютага 2019 — 25 лютага 2020
Папярэднік	Аляксандр Хайноўскі
Пераемнік	Андрэй Дапкюнас
Надзвычайны і Паўнамоцны Пасол Рэспублікі Беларусь у Рэспубліцы Харватыя па сумяшчальніцтве
	15 снежня 2016 — 12 лютага 2019
Папярэднік	Валерый Варанецкі
Пераемнік	Аляксандр Панамароў
Намеснік міністра замежных спраў Рэспублікі Беларусь
	Май 2012 — Снежань 2016
Пераемнік	Алег Краўчанка
Надзвычайны і Паўнамоцны Пасол Рэспублікі Беларусь у Венгрыі
	16 мая 2006 — 10 красавіка 2012
Папярэднік	Андрэй Еўдачэнка
Пераемнік	Аляксандр Хайноўскі
Надзвычайны і Паўнамоцны Пасол Рэспублікі Беларусь у Рэспубліцы Славенія па сумяшчальніцтве
	14 жніўня 2008 — 10 красавіка 2012
Папярэднік	першы беларускі пасол у краіне
Пераемнік	Аляксандр Хайноўскі
Нараджэнне	14 жніўня 1965 (59 гадоў); Мінск, БССР, СССР;
Нацыянальнасць	беларуска
Адукацыя	юрыдычны факультэт БДУ;
Навуковая ступень	кандыдат юрыдычных навук
Узнагароды
	Медыяфайлы на Вікісховішчы

Алена Мікалаеўна Купчына́ (нар. 14 жніўня 1965, Мінск) — беларускі дзяржаўны дзеяч і дыпламат.

Біяграфія

Скончыла юрыдычны факультэт Беларускага дзяржаўнага ўніверсітэта з адзнакай (1987), пасля заканчэння аспірантуры ў Інстытуце філасофіі і права НАНБ, атрымала ступень доктара юрыдычных навук (1991). У 1990—1992 гадах навуковы супрацоўнік у Інстытуце філасофіі і права НАНБ.

Ведае англійскую, рускую і французскую мовы.

У 1992 годзе паступіла на дыпламатычную службу Беларусі другім сакратаром Аддзела міжнародных дагавораў, неўзабаве паднялася па пасадзе да намесніка начальніка дагаворна-прававога ўпраўлення Міністэрства замежных спраў.

У 1995—1998 гадах працавала як Саветнік, пазней — намеснік Пастаяннага прадстаўніка Беларусі пры аддзяленні ААН і іншых міжнародных арганізацый у Жэневе, дзе адыграла важную ролю ў аб’яднанні намаганняў краін дзеля работы па пытаннях раззбраення, кіравання міграцыяй і правоў чалавека.

У 2006—2012 гадах займала пасаду Пасла Беларусі ў Венгрыі^[1]. 14 жніўня 2008 года стала першым беларускім Паслом у Рэспубліцы Славенія (па сумяшчальніцтве)^[2].

Пры садзейнічанні А. Купчыной быў выдадзены першы венгерска-беларускі слоўнік^[3].

У 2012—2016 гадах — намеснік Міністра замежных спраў Беларусі. Як намеснік Міністра замежных спраў, адказная за ўзаемадзеянне з краінамі Еўропы, Пасол Купчына ўнесла ўклад у развіццё адносін паміж Беларуссю і еўрапейскімі дзяржавамі і арганізацыямі, у т.л. АБСЕ.

15 снежня 2016 года прызначана Надзвычайным і Паўнамоцным Паслом Рэспублікі Беларусь у Аўстрыйскай Рэспубліцы, і Рэспубліках Харватыя і Славенія па сумяшчальніцтве, Прадстаўніком Беларусі пры АБСЕ і міжнародных арганізацыях у Вене. 25 лютага 2020 года указам А. Лукашэнкі вызвалена ад пасады пасла; працягнула працу ў Вене ў якасці каардынатара дзейнасці АБСЕ па барацьбе з транснацыянальнымі пагрозамі — дырэктара дэпартамента па барацьбе з транснацыянальнымі выклікамі і пагрозамі сакратарыята АБСЕ^[4].

Дзейнасць

Пасол Купчына прадстаўляла Беларусь на міжнародных канферэнцыях у рамках ААН і АБСЕ, выступала як дакладчык па тэме еўрапейскай і еўраатлантычнай бяспекі і супрацоўніцтва.

Тэматычная кампетэнцыя А. Купчыной, атрыманая праз персанальны ўдзел у шматлікіх шматбаковых універсальных і спецыялізаваных форумах, у тым ліку, Генеральнай асамблеі ААН, ЭКАСАС, ПРААН, ЮНІСЭФ, ЮНФПА, КПЖ, КПЧ, УВКБ, МАМ і іншых арганізацый, вар’іруецца ад праблем, якія звязаны з правамі чалавека, пашырэннем правоў і магчымасцей жанчын, барацьбой з гандлем людзьмі, міграцыяй, абаронай правоў дзяцей і бежанцаў, да праблематыкі ўстойлівага развіцця, абароны навакольнага асяроддзя, інфармацыйнага грамадства і зніжэння рызыкі стыхійных бедстваў.

У 2017 была выбрана старшынёй 17-й сесіі Генеральнай канферэнцыі Арганізацыі Аб’яднаных Нацый па прамысловым развіцці (ЮНІДА)^[5].