Аляксандр Аляксандравіч Малабіцкі

Аляксандр Аляксандравіч Малабіцкі
Аляксандр Аляксандравіч Малабіцкі
Нараджэнне	25 красавіка 1977 (48 гадоў); Жлобін, Жлобінскі раён, Гомельская вобласць, БССР, СССР;
Адукацыя	БелДУТ; Гомельскі дзяржаўны тэхнічны ўніверсітэт імя П. В. Сухога; БДУ;
Месца працы	ААТ БМЗ - кіруючая кампанія холдынгу БМК;

Аляксандр Аляксандравіч Малабіцкі (нар. 25 красавіка 1977, г. Жлобін) — беларускі дэпутат Палаты прадстаўнікоў Нацыянальнага сходу Рэспублікі Беларусь з 2024 года.

Біяграфія

Нарадзіўся 25 красавіка 1977 года ў г. Жлобіне Гомельскай вобласці^[1].

Скончыў Беларускі дзяржаўны ўніверсітэт транспарту па спецыяльнасці «Тэхналогія і абсталяванне высокаэфектыўных працэсаў апрацоўкі матэрыялаў»; Гомельскі дзяржаўны тэхнічны ўніверсітэт імя П. В. Сухога па спецыяльнасці «Металургічныя працэсы і матэрыялаапрацоўка»; Беларускі дзяржаўны ўніверсітэт па спецыяльнасці «Камунікацыя ў сферы грамадскіх сувязей»^[1].

Працаваў памочнікам майстра, начальнікам змены рамонтна-механічнага цэха, майстрам вытворчага навучання ў навучальным цэнтры, інжынерам 2-й катэгорыі, інжынерам 1-й катэгорыі аддзела развіцця і ацэнкі дзейнасці персаналу, намеснікам начальніка, начальнікам аддзела інфармацыі, ідэалогіі і развіцця персаналу Беларускага металургічнага завода^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Жлобінскай акругі № 40. Член Пастаяннай камісіі па эканамічнай палітыцы^[1].