Аляксандр Лаўрэнцьевіч Ісачанка

Аляксандр Лаўрэнцьевіч Ісачэнка
Дата нараджэння	14 сакавіка 1919(1919-03-14)
Месца нараджэння	Хоўхла, Чабатовіцкая воласць[d], Гомельскі павет, Магілёўская губерня, РСФСР
Дата смерці	7 кастрычніка 1942(1942-10-07) (23 гады)
Месца смерці	Гомель, Гомельская вобласць, БССР, СССР
Месца пахавання	Плошча Працы Гомель
Альма-матар	Rechitsa Pedagogical Training School[d]
Грамадзянства	СССР
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

Аляксандр Лаўрэнцьявіч Іса́чанка^[1] (14 красавіка 1919 — 7 кастрычніка 1942) — удзельнік падпольнай барацьбы на тэрыторыі Беларусі ў гады Вялікай Айчыннай вайны, сакратар Гомельскага падпольнага гаркома камсамола.

Нарадзіўся 14 сакавіка 1919 года ў вёсцы Хоўхла (цяпер Буда-Кашалёўскага раёна Гомельскай вобласці) ў сялянскай сям'і. Беларус.

Скончыў Рэчыцкае педагагічнае вучылішча. Працаваў сакратаром Гомельскага гаркома камсамола. Член ВКП (б)/КПСС з 1939 года

Са жніўня 1941 года быў у партызанскім атрадзе «Бальшавік» Гомельскай вобласці: разведчык, падрыўнік, сакратар Гомельскага падпольнага гаркома камсамола. А. Л. Ісачанка паказаў вялікую актыўнасць у наладжванні сувязяў з гомельскімі падпольшчыкамі.

Ён выпрабаваў шмат варыянтаў і ў выніку дасягнуў мэты. Спачатку А. Л. Ісачанка ўсталяваў сувязь з падпольнай камсамольскай арганізацыяй, якая дзейнічала ва Уваравіцкім раёне. З дапамогай гэтай групы А. Л. Ісачанка мог прабірацца на ўскраіну Гомеля і сустракацца з асобнымі падпольшчыкамі.

Узначаленая ім група падрыўнікоў пусціла пад адхон 58 варожых эшалонаў, знішчыла 87 танкаў, аўта- і бронемашын, шмат іншай баявой тэхнікі і жывой сілы ворага.

Загінуў 7 кастрычніка 1942 года падчас выплаўкі толу з не разарваўшыхся, сабраных на месцах баёў снарадаў. Пахаваны ў брацкай магіле ў Гомелі.

Указам Прэзідыума Вярхоўнага Савета СССР ад 1 студзеня 1944 года за ўзорнае выкананне заданняў камандавання ў барацьбе супраць нямецка-фашыстскіх захопнікаў, паказаныя пры гэтым мужнасць і гераізм Александру Лаўрэнцьевічу Ісачэнка пасмяротна нададзена званне Героя Савецкага Саюза^[2].

Узнагароджаны ордэнам Леніна.

• У вёсцы Хоўхла ўсталяваны абяліск.
• Імя Героя носяць вуліца ў Гомелі, судна МРФ.
• На вуліцы яго імя ў Гомелі ўсталявана мемарыяльная дошка.
• Да канца 1990-ых імем героя быў названы кінатэатр у Гомелі. Але, у ходзе будаўніцтва моладзевага цэнтра, кінатэатр быў ліквідаваны, а яго частка увайшла ў склад новага будынка.

• Іса́чанка Аляксандр Лаўрынавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 349. — 800 с. — 5 000 экз. — ISBN 985-11-0026-9.
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Люди легенд. Выпуск 1. — М., 1965. (руск.)
• Навечно в сердце народном. 3-е изд., доп. и испр. — Минск, 1984. (руск.)

Исаченко Александр Лаврентьевич на сайце «Героі краіны»