Аляксандр Рыгоравіч Коган

Аляксандр Рыгоравіч Коган
руск.: Александр Григорьевич Коган
Дата нараджэння	12 сакавіка 1929(1929-03-12) (96 гадоў)
Месца нараджэння	Прылукы, Прылуцкая акруга[d], УССР, СССР
Грамадзянства	СССР  Беларусь
Род дзейнасці	навуковец, выкладчык універсітэта
Месца працы	Віцебскі дзяржаўны тэхналагічны ўніверсітэт
Навуковая ступень	доктар тэхнічных навук
Навуковае званне	прафесар
Альма-матар	Маскоўскі дзяржаўны тэкстыльны ўніверсітэт імя А. М. Касыгіна[d]
Узнагароды	Ганаровая грамата Міністэрства адукацыі Рэспублікі Беларусь

Аляксандр Рыгоравіч Ко́ган^[1] (нар. 12 сакавіка 1929, Прылукы, Чарнігаўская вобласць, Украіна) — беларускі спецыяліст у галіне тэхналогіі тэкстыльных матэрыялаў. Доктар тэхнічных навук (1984), прафесар (1985). Ганаровы доктар Маскоўскага дзяржаўнага тэкстыльнага ўніверсітэта імя А. М. Касыгіна (2004).

Скончыў Маскоўскі тэкстыльны інстытут (спецыяльнасць «Прадзенне бавоўны», 1954; аспірантура, 1966; дактарантура, 1982).

Працаваў у эвакуацыйным шпіталі № 1648 (Курск; 1943—1944), на фабрыцы «Знамя труда» (Кастрама; 1954—1957), Прылуцкай панчошнай фабрыцы імя 8 Сакавіка (1957—1958), Прылуцкай прадзільнай фабрыцы (1958—1968, галоўны інжынер), Віцебскім дзяржаўным тэхналагічным універсітэце (з 1968, кафедра прадзення натуральных і хімічных валокнаў, загадчык кафедры; з 2015 — факультэт вытворчых тэхналогій, кафедра «Тэхналогія тэкстыльных матэрыялаў», прафесар).

Стваральнік навукова-педагагічнай школы ў галіне тэхналогіі тэкстыльных матэрыялаў, у якой абаронена больш за трыццаць кандыдацкіх і дзве доктарскія дысертацыі^[2], у іх ліку Андрэй Кузняцоў, Дзмітрый Рыклін, Андрэй Дзягілеў і іншыя.

Член рэдкалегіі навуковага часопіса «Матэрыялы і тэхналогіі»^[3]. Аўтар шэрагу патэнтаў^[4].

Навуковыя інтарэсы: тэхналогіі вытворчасці камбінаваных нітак новых структур, ільнозмяшчальнай пражы і тэкстыльных матэрыялаў, кампазіцыйных тэкстыльных матэрыялаў бытавога і тэхнічнага прызначэння; распрацоўка новых спосабаў прадзення і абсталявання для іх рэалізацыі; удасканаленне працэсаў вытворчасці пражы рознага складу; кантроль якасці льнянога валакна^[5]; тэхналогіі перапрацоўкі адходаў тэкстыльнай вытворчасці; распрацоўка прагрэсіўных метадаў апрацоўкі тэкстыльных матэрыялаў, у тым ліку на аснове нанатэхналогій.

• Ордэн Айчыннай вайны II ступені (1984);
• ганаровыя граматы Міністэрства адукацыі Рэспублікі Беларусь, канцэрна «Беллегпрам»;
• нагрудныя знакі Міністэрства вышэйшай і сярэдняй спецыяльнай адукацыі СССР, Міністэрства адукацыі Рэспублікі Беларусь і інш.

• Ко́ган Аляксандр Рыгоравіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 373. — 10 000 экз. — ISBN 985-11-0035-8. — ISBN 985-11-0144-3 (т. 8).

• Вестник Витебского государственного технологического университета :: Коган Александр Григорьевич (нявызн.). vestnik.vstu.by. Праверана 15 красавіка 2024.
• Коган Александр Григорьевич — Автор — База патентов Беларуси (нявызн.)(недаступная спасылка). bypatents.com. Архівавана з першакрыніцы 14 красавіка 2024. Праверана 15 красавіка 2024.
• Редакция :: Журнал «Материалы и технологии» (нявызн.). web.archive.org (13 ліпеня 2020). Архівавана з першакрыніцы 13 ліпеня 2020. Праверана 15 красавіка 2024.
• Коган Александр Григорьевич // Бібліятэка ВДТУ