Аляксандр Цімафеевіч Сасноўскі

Аляксандр Цімафеевіч Сасноўскі
Аляксандр Цімафеевіч Сасноўскі
Дата нараджэння	22 кастрычніка 1923
Месца нараджэння	Каралёў Стан, Астрашыцка-Гарадоцкая воласць[d], Менскі павет, БССР, СССР;
Дата смерці	21 лістапада 1996 (73 гады)
Месца смерці	Мінск, Беларусь;
Месца пахавання	Каралёў Стан;
Грамадзянства	СССР; Беларусь;
Род дзейнасці	навуковец, дэрматавенеролаг, урач, выкладчык універсітэта, загадчык кафедры
Навуковая сфера	дэрматалогія і венералогія
Месца працы	БДМУ;
Навуковая ступень	доктар медыцынскіх навук (1971)
Навуковае званне	прафесар (1972);
Альма-матар	Мінскі медыцынскі інстытут (1951);
Навуковы кіраўнік	Андрэй Якаўлевіч Пракапчук
Узнагароды	;

Аляксандр Цімафеевіч Сасно́ўскі^[3] (22 кастрычніка 1923 — 21 лістапада 1996) — вучоны ў галіне дэрматавенералогіі, доктар медыцынскіх навук (1971), прафесар (1972).

Біяграфія

Нарадзіўся ў вёсцы Каралёў Стан (Мінскі раён, Мінская вобласць, Беларусь). Скончыў сярэднюю школу ў 1941 годзе^[4]. У час Вялікай Айчыннай вайны партызанскі сувязны, баец разведвальнай групы, камандзір гарматы^[4]. Прымаў удзел у баях на Заходнім, 3-м Беларускім, 4-м Украінскім франтах^[4]. Быў цяжка паранены^[4]. У 1951 годзе скончыў Мінскі медыцынскі інстытут. У 1951—1955 гадах клінічны ардынатар кафедры скурных і венерычных хвароб інстытута. У 1955 годзе абараніў кандыдацкую дысертацыю «К вопросу о влиянии центральной нервной системы на течение экспериментального сифилиса кроликов»^[4]. У 1955—1971 гадах працаваў у Навукова-даследчым скурна-венералагічным інстытуце Міністэрства аховы здароўя БССР, да 1963 года старшым навуковым супрацоўнікам, потым — загадчыкам аддзела. З 1968 года А. Ц. Сасноўскі зноў у Мінскім медыцынскім інстытуце. Да 1970 года асістэнт кафедры венерычных хвароб, у 1970—1971 — дацэнт, у 1971—1986 — загадчык кафедры, у 1986—1996 — прафесар^[4].

Памёр А. Ц. Сасноўскі 21 лістапада 1996 года ў Мінску. Пахаваны на радзіме^[4].

Навуковая і грамадская дзейнасць

А. Ц. Сасноўскаму належаць больш за 230 навуковых прац па пытаннях тэрапіі герпесу, вострых прамянёвых дэрматытаў, псарыязу і інш.

Сярод апублікаванага:

Лучевые дерматиты. — Мн., 1974;
Венерические болезни : Учеб. пособие. — Мн., 1988 (у сааўтарстве);
Экспертиза трудоспособности при кожных болезнях : учеб.-метод. пособие / М-во здравоохранения БССР, Мин. гос. мед. ин-т; [сост.: Н. З. Яговдик, А. Т. Сосновский, В. Г. Панкратов] — Мн., 1990;
Дерматологический справочник. — Мн., 1992 (разам з М. З. Ягоўдзікам).

Ганаровы член Беларускага навуковага таварыства дэрматавенеролагаў, уваходзіў у склад рэвізійнай камісіі Усесаюзнага таварыства дэрматавенеролагаў, быў намеснікам старшыні Мінскага гарадскога грамадства дэрматавенеролагаў.

Узнагароды і званні

Ордэн Славы III ступені
Ордэн Айчыннай вайны I ступені (1985)
Медаль «За адвагу»
Ганаровая грамата Вярхоўнага Савета БССР
Значок «Выдатнік аховы здароўя»

Зноскі

↑ ^а ^б https://web.archive.org/web/20210827050021/https://www.bsmu.by/page/55/3206/
↑ ^а ^б http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-185667&strq=l_siz=20
↑ БелЭн 2002.
↑ ^а ^б ^в ^г ^д ^е ^ё Сосновский Александр Тимофеевич (22.10.1923—21.11.1996) Архівавана 27 жніўня 2021. (руск.) // Сайт БДМУ

Літаратура

Сасноўскі Аляксандр Цімафеевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 191. — 10 000 экз. — ISBN 985-11-0035-8. — ISBN 985-11-0238-5 (т. 14).
Сосновский, Александр Тимофеевич // Большая биографическая энциклопедия. — 2009. (руск.)
Сосновский Александр Тимофеевич //БелСЭ.-1972.~ Т.9.-С.368
А. Т. Сосновский: (К 60-летию со дня рождения) //Вестн. дерматологии и венерологии. — 1984. — N° 5.-С. 78.
Сандригайло Л. И. Партизанский связной: [О проф. А. Т. Сосновском] //Здравоохр. Белоруссии. — 1984. — № 2. — С. 3-7.
Сосновский Александр Тимофеевич: (К 70-летию со дня рождения) //Здравоохр. Беларуси. — 1993. — № 11.-С. 79.