Андрэй Анатолевіч Шчарбакоў

Андрэй Шчарбакоў
Андрэй Шчарбакоў
Поўнае імя	Андрэй Анатолевіч Шчарбакоў
Нарадзіўся	31 студзеня 1991; Віцебск, Віцебская вобласць, БССР, СССР;
Памёр	17 снежня 2018 (27 гадоў); Талачынскі раён, Віцебская вобласць, Беларусь;
Пахаванне	Віцебск;
Грамадзянства	Беларусь
Рост	190 см
Вага	85 кг
Пазіцыя	брамнік
Клубная кар’ера
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ; ↑ Колькасць гульняў і галоў за нацыянальную зборную ў афіцыйных матчах ;

Андрэй Шчарбакоў (31 студзеня 1991, Віцебск — 17 снежня 2018) — беларускі футбаліст, брамнік.

Клубная кар’ера

Выхаванец віцебскага футбола, гуляў за дубль «Віцебска». У канцы 2010 года перайшоў у БАТЭ, дзе з’яўляўся рэзервовым брамнікам і гуляў у асноўным за дубль.

У лютым 2013 года вярнуўся ў «Віцебск» на правах арэнды^[4] але ў жніўні 2013 года перайшоў у «Слуцк». Хутка стаў асноўным брамнікам «Слуцка» і дапамог гэтаму клубу перамагчы ў Першай лізе.

У студзені 2014 года зноў быў аддадзены ў арэнду, на гэты раз у «Белшыну»^[5]. У першай палове сезона 2014 чаргаваўся на пазіцыі брамніка з Антонам Кавалеўскім, а ўлетку 2014 года, пасля прыходу ў каманду Дзмітрыя Гушчанкі, стаў другім брамнікам і перастаў з’яўляцца ў аснове.

У студзені 2015 года быў адпраўлены ў арэнду ў брэсцкае «Дынама»^[6]. Але ў лютым у Брэсце з’явіўся былы брамнік мясцовага клуба Валерый Фамічоў, канкурэнцыю з якім Шчарбакоў не вытрымаў і пакінуў «Дынама»^[7]. У сакавіку 2015 года, па заканчэнні кантракта з БАТЭ, зноў накіраваўся ў «Белшыну»^[8]. У сезоне 2015 заставаўся другім брамнікам бабруйскага клуба пасля Барыса Панкратава.

У студзені 2016 года падпісаў кантракт з «Віцебскам»^[9], дзе стаў другім брамнікам пасля Дзмітрыя Гушчанкі. Сезон 2018, як і папярэднія, пачынаў другім брамнікам, аднак 29 красавіка ў матчы супраць «Смалявічаў» Гушчанка атрымаў чырвоную картку і быў дыскваліфікаваны на пяць матчаў, у выніку Шчарбакоў заняў месца ў браме і здолеў замацавацца ў складзе, не саступіўшы месца ў складзе Гушчанку нават пасля адбыцця дыскаліфікацыі.