Антон Мікалаевіч Суша

Антон Суша
Поўнае імя	Антон Мікалаевіч Суша
Нарадзіўся	25 студзеня 2000(2000-01-25)[1] (25 гадоў) Красны Дар, Раваніцкі сельсавет, Чэрвеньскі раён, Мінская вобласць, Беларусь[2]
Грамадзянства	Беларусь
Рост	181 см
Вага	80 кг[1]
Пазіцыя	паўабаронца
Інфармацыя пра клуб
Клуб	Нафтан
Нумар	4
Клубная кар’ера[* 1]
2017—2022 Дынама (Мінск) 1 (0) 2020 →  Гомель 16 (0) 2021 →  Гомель 7 (0) 2022 →  Арсенал (Дзяржынск) 3 (0) 2022 →  Слуцк 5 (0) 2024— Нафтан (Наваполацк)
Нацыянальная зборная[* 2]
2019—2021 Беларусь (да 21) 3 (0)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 жніўня 2024. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 1 красавіка 2021

Антон Суша (нар. 25 студзеня 2000) — беларускі футбаліст, паўабаронца наваполацкага «Нафтана».

Выхаванец СДЮШАР горада Чэрвень, з 2017 года пачаў выступаць за дубль «Дынама», пазней зрэдку стаў прыцягвацца да асноўнай каманды. 22 чэрвеня 2019 года дэбютаваў у Вышэйшай лізе, калі выйшаў у стартавым складзе ў матчы супраць жодзінскага «Тарпеда-БелАЗ» (0:3) і быў заменены на 31-й хвіліне пры ліку 0:2.

У студзені 2020 года праходзіў прагляд у мазырскай «Славіі», але беспаспяхова. Пазней далучыўся да «Гомеля» і ў лютым 2020 года быў арандаваны гэтым клубам на сезон 2020^[3]. У складзе гомельскай каманды пераважна выхадзіў на замену. У снежні 2020 года вярнуўся ў «Дынама»^[4].

У пачатку 2021 года трэніраваўся разам з асноўнай камандай дынамаўцаў, у выніку пачаў у яе складзе сезон 2021. Заставаўся на лаўцы запасных, гуляў за дубль, за асноўную каманду толькі аднойчы выйшаў на замену 23 чэрвеня ў кубкавым матчы супраць «Ліды» (3:0). У ліпені 2021 года зноў быў аддадзены ў арэнду ў «Гомель»^[5], дзе 7 разоў выйшаў на замену ў Вышэйшай лізе і аднойчы ў Кубку Беларусі. У лістападзе 2021 года па заканчэнні арэнды вярнуўся ў «Дынама»^[6].

У лютым 2022 года знаходзіўся разам з асноўным складам дынамаўцаў на міжсезоннным зборы ў Сочы, пасля вяртання праходзіў прагляд у бабруйскай «Белшыне», а ў сакавіку на правах арэнды далучыўся да дзяржынскага «Арсенала»^[7]. Не замацаваўся ў камандзе, звычайна заставаўся на лаўцы запасных, зрэдку выходзячы на замену. У ліпені 2022 года арэнда была датэрмінова спынена^[8], і ў хуткім часе паўабаронца быў наноў арандаваны, ужо «Слуцкам»^[9]. У слуцкай камандзе спачатку выхадзіў на замену, пасля стаў заставацца на лаўцы запасных. У снежні 2022 года па заканчэнні арэнды пакінуў «Слуцк»^[10]. У пачатку 2023 года некаторы час трэніраўся з дублем «Дынама», пасля пакінуў сталічны клуб.

У ліпені 2024 года стаў іграком наваполацкага «Нафтана»^[11].

10 верасня 2019 года дэбютаваў у моладзевай зборнай Беларусі, выйшаўшы на замену ў другім тайме ў адборачным матчы чэмпіянату Еўропы супраць Партугаліі (0:2).